Halyqaralyq energetıkter jarysy

Taldyqorǵan qalasynda ornalasqan elektr qýattaryn taratýshy “TATEK” aksıonerlik qoǵamy osy óńirdegi turǵyndardy elektr qýatymen qamtamasyz etýdegi tabystaryn saralaǵan jıynda tolyq túsindik.  Atalǵan kompanııa mamandary men jumysshylary salaǵa saı arnaıy jáne joǵary bilimderiniń bolýy jáne  jyl saıyn bilimderin jetildirip, kásibı daǵdylaryn damytýǵa kóńil bóletindikterine kýá bolyp, onyń  orny salmaqty ekenine mańyz beriletinine kóz jetti. Energetıkterdiń halyqaralyq talaptarǵa saı oqý-jattyǵý alańy Eskeldi aýdany Baqtybaı aýy­lynyń mańynan jasalyp, jabdyqtalǵanyna da bi­raz jyl bolǵan-dy. Mamandar atalǵan alańda bilik­­­­tilikterin jetildirip, sheberlikterin shyńdaý múmkindigine oraı ótetin mártebeli jarystarda jaq­sy jetistikterge jetip júrgeni de sondyqtan bolar. Kásibı turǵydaǵy daıyndyqtyń únemi nazarda bolýy nátıjesinde osydan biraz buryn Qara­ǵandyda ótken Qazaqstan Respýblıkasy elektr júıeleri kompanııalary arasyndaǵy jarysta jetisýlyqtar júldeli úshinshi orynnan kórinse, ótken jyly Baqtybaıdaǵy oqý-jattyǵý alańyndaǵy osyndaı saıysta jeńimpaz atanǵany da bar. Sonymen birge, Máskeý qalasynda ótken TMD elderiniń ulttyq elektr júıeleri ókilderiniń mártebeli synaǵynda quramynda jetisýlyq energetıkter  bar  Qazaqstan qurama ko­mandasy birinshi oryndy jeńip alsa, qorytyndysynda bıylǵy qyrkúıek aıyna josparlanǵan 10/04 kılovoltty júıelerdi taratatyn brıgadalar arasyndaǵy jetinshi halyqaralyq jarys “TATEK” AQ oqý-jattyǵý alańynda ótkizildi. Jalaý kótergen jarysqa toǵyz memleketten komandalar tilek bildirip, Jetisýǵa keldi. Naq­tyraq aıtsaq Grýzııa, Armenııa, О́zbekstan, Be­lorýssııa, Qyr­ǵyzstan, Reseı, Tájikstan, Ýkraına jáne Qazaqstan komandalary halyqaralyq básekeniń kórigin qyzdyrdy. Olar jeti kezeń boıynsha synǵa tústi. Halyqaralyq jarystyń ashylý saltanatynda oblys ákiminiń birinshi orynbasary Amandyq Batalov  sóılep, jarysqa kelgen energetıkterge sáttilik tiledi. Sonymen qatar, apat bolǵan Qyzylaǵash aýylyn qalpyna keltirýde TATEK mekemesiniń uıymshyl­dyq­pen eńbek etkenin aıryqsha atap ótip, alǵysyn jet­kiz­di. Budan keıin “KEGOC” AQ prezıdenti Almasa­dam Satqalıev jáne “TATEK” AQ prezıdenti Baqyt­jan Jazyqbaev jetinshi halyqaralyq jarysqa kelgen áriptesteri men komanda múshelerin quttyqtap tabys tiledi. Qazaqstannyń kók baıraǵy kóterilip, báseke qyzdy. Jarys sharty boıynsha synǵa túsken komandalar yntalaryn salyp, namysty jibermeýge tyrysty. Básekege jınaqtaǵan upaılaryn eseptegende qarsylastarynan ozǵan Qazaqstan komandasy men Reseı komandasy birinshi orynnan kórindi. Ekinshi orynǵa Tájikstan, úshinshi orynǵa  Belarýs memleketiniń komandalary shyqty. Kúmisjan BAIJAN. Almaty oblysy.