Nazarbaev ýnıversıtetinde oqý jyly bastaldy

Nazarbaev ýnıversıteti óziniń jańa oqý jylyn saltanatty túrde bas­tady. 500  stýdentke arnalǵan oqý jy­lynyń alǵashqy kúninen bastap aǵyl­shyn tili men beıimdik pánderdiń teorııasy boıynsha sabaqtar júr­gizildi. Elimiz boıynsha oqý úrdisi tek qana aǵylshyn tilinde júretin jo­ǵary oqý oryndarynyń biri ári bire­geıi bolyp sanalatyn atalmysh ýnı­versıtetke AQSh-tan, Ulybrıtanııa­dan, Jańa Zelandııadan, Kanadadan 55 pedagog tańdap alynǵan bolsa, olardyń bári qazirdiń ózinde Asta­na­ǵa kelip, oqytýshylarǵa arnalǵan “baǵdarlaýshy aptadan” ótip úlgergen kórinedi. Osyǵan deıin málim bolǵandaı, 22 qyrkúıek kúni Nazarbaev ýnı­ver­sı­tetiniń stýdentterine arnalǵan “baǵ­darlaýshy apta” ótkizilgen bolatyn. Sabaq bastalǵannan beri birneshe kún ishinde stýdentter tirkeýden ótip, jataq­hanaǵa ornalasty. Oqýlyqtaryn alyp, oqytýshylarmen tanysty. Baǵ­darlaýshy apta kezinde ata-analardyń suraqtaryna oqytýshylar da, ýnı­versıtettiń basshylyǵy da tushymdy jaýaptar qaıtardy. Stýdentterge Foundation baǵdar­la­masyn sońǵy álemdik reıtıng boı­ynsha tórtinshi oryndy ıemdengen University College London oqý orny usynǵany belgili. Osyǵan baılanys­ty ýnıversıtettiń akademııalyq kún­tizbeden bastap, ótiletin baǵdarlama­synyń tolyq júıesi soǵan saı bola­dy. Sol sebepti de, birinshi kýrsqa túsken stýdentter leksııany qalaı du­rys tyńdaý kerektigin, negizgi sóz­derdi dál tanyp, belgilep alý qa­jettigin úırenedi. Nazarbaev ýnıversıteti oqý jy­lynyń bastalýyna oraı ótken sal­tanatqa Halyqaralyq konsýltasııa­lyq keńestiń músheleri, sondaı-aq atalmysh bilim ordasymen áriptes joǵary oqý oryndarynyń sheteldik pro­fessorlary qatysty.  Oqý orny basshylary men oqytýshylar stý­dent­terdi jańa oqý jylymen quttyq­taı kele, stýdentterdiń ýnıversıtet­tegi negizgi mindetterin, jaýapkershi­likterin aıqyndap berdi. Araı ÚIRENIShBEKQYZY.