Otandastar kóbeıip keledi

Aqordada Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaevtyń tóraǵalyǵymen Prezıdent janyndaǵy Azamattyq máseleler jónindegi komıssııanyń kezekti májilisi bolyp ótti. Komıssııa otyrysynda Qazaqstan azamattyǵyn alýǵa umtylǵan 15 myńnan asa adamnyń, solardyń ishinde tarıhı Otanyna taban tireýge talpynǵan baýyrlarymyz ben TMD, alys shet elderden tilek bildirgen basqa ult ókilderiniń qujattary qaraldy. Memlekettik hatshy – Syrtqy ister mınıstri atap ótkendeı, Elbasy tıisti Jarlyqqa qol qoıǵannan keıin, ótinish bergen adamdar bizdiń otandastarymyz bolyp sanalady. Táýelsiz Qazaqstan azamatynyń kógildir tól qujatyn alý quqyǵyna ıe bolǵan ár otbasy úshin bul naǵyz ataýly kún bolyp sanalady. Jyl saıyn bizdiń jańa otandastarymyzdyń sany shamamen 100 myń adamǵa kóbeıip otyr. Bul halyqtyń tabıǵı ósýine ǵana emes, Qazaq eliniń ózge de azamattarmen edáýir tolyǵatynyn kórsetedi. Osyndaı ıgilikti is bizdiń Otanymyzǵa, Tuńǵysh Pre­zıdentimiz Nursultan Nazarbaevqa de­gen zor senimniń nátıjesi dep bilemiz, – dedi. Ol budan ári, Qazaqstan azamattyǵyn alýshylar bizdiń memleketimizden ózderine ómirlik kepildikti jáne balalarynyń aıqyn bolashaǵyn kóredi. Komıssııa usynysyn Prezıdent bekitkennen keıin kúshine enedi. Al olarǵa memlekettik organdar barlyq jaǵdaıdy jasaýlary tıis, dep atap ótti Qanat Saýdabaev. Súleımen MÁMET.