Abaı tiliniń merekesi Servantes jerinde

Qazaqstan Respýblıkasynyń Ispanııa Koroldigindegi elshiligi Qazaqstan halqynyń tilderi kúni merekesin ótkizdi. Atalǵan is-sharaǵa Ispanııadaǵy qazaq dıas­po­rasynyń ókilderi, elshilik qyz­metkerleri jáne olardyń ot­basy músheleri belsene qatysty. Qazaqstan Respýblıkasynyń Ispanııa Koroldigindegi elshisi Erǵalı Bólegenov mereke kúnine arnaǵan sózinde osy merekeniń res­pýblıkamyzdyń kópultty el ekendigin anyq kórsetetinin, mem­leket basshylyǵynyń júrgi­zip otyrǵan saıasaty Qazaqstanda turatyn ulttardyń etnostyq top­tarynyń teńdigin kúsheıtýge baǵyttalǵanyn atap ótti. Qa­zaq­stan dıplomaty tyńdarman­dar­dyń nazaryn memlekettik til saıa­satynyń quqyqtyq negizine, onyń ishinde “QR tilderi týraly” jáne “QR bilim týraly” zańda­ryna, 2005-2010 jyldarǵa jos­par­lanǵan tilderdiń jumys isteýi men damýy týraly memlekettik baǵdarla­masyna aýdardy. Osymen birge, Qazaqstanda osy táýelsizdik jyldarynda úlken tabystarmen ótkizilip otyrǵan saıası jáne ekonomıkalyq reformalardyń elimizdegi tilderdiń damýyna oń áserin belgiledi. Merekelik sharalardy bitirý aldynda, Ispanııada – uly Ser­vantestiń jerinde týǵan jas ná­res­tege, elshilik qyzmetkeriniń uly – Qazaqstan Respýblıka­synyń azamatyna resmı túrde týý týraly kýálik tapsyryldy. “Egemen-aqparat”.