Ońtústik Qazaqstan oblysynyń ákimi Asqar Myrzahmetov: “Kásipkerliktiń tynysyn keń ashýǵa baǵyt ustadyq”

Halyqtyń haqy ákimde О́zine baǵynysty aýdan, qala ákim­deri­niń esebin tyńdap bolǵan úlken ákim­niń ózi de esep beredi eken. Oblystyq máslıhat depýtattary­nyń aldynda, tór­tin­shi shaqyrylymdaǵy OQO máslıhaty­nyń otyz úshinshi sessııasynyń kún tár­ti­bine baqandaı jıyrma másele usynylǵan. Onyń biregeıi Ońtústik Qazaqstan oblysynyń ákimi A.Myrzahmetovtiń ózine júktelgen qyzmetter men mindet­terdi iske asyrýy týraly esebi edi. Ońtústiktiń depýtattary bázbireýler aıtatyndaı “qaltaǵa” syımaıdy. Oıyn búk­pesiz, eshkimniń shen-shekpenine qara­maı, qara qyl­dy qaq jaryp aıtatyndary da, áliptiń ar­tyn baǵyp, kúshtiniń yń­ǵaıyna jyǵylýǵa daıar tura­tyndary da, sál nársege shamdanyp, daý salyp turyp alatyndary da bar. Áıteýir, kóńilsiz emes. Bul joly da solaı bastaldy. Sessııa tóraǵa­sy Muqan Egizbaevtan sóz suraǵan oblystyq máslıhattyń depýtaty Nurlan Seıitjapparov taıaýda “Nur Otan” HDP oblystyq fılıaly ótkizbek bolǵan jıyn­nyń attaı bir saǵat ke­shigip bas­tal­ǵany úshin partııa fılıaly tóraǵa­sy­nyń birinshi orynbasary Ulasbek Sádibekov­tiń keshirim suraýyn talap etti. Ol or­ny­nan turdy. Sebebin aıtty. Ýájge salsań onyki de durys. Fraksııa jıyny uzaqqa sozylyp ketse, ol nege kináli bolady? Eki jaq yrǵasyp turǵanda, depýtat Amanolla Rahmanqulov bas ıe qoımaǵan Sádibe­kov­tiń atynan keshirim surady ma, áıteýir eki jaq bátýaǵa zorǵa keldi. “Áı, mynalar bu­zyq qoı. Ákimniń esebin julmalap tas­tamaı ma?” dep sybyrlaıdy qasymdaǵy áriptes. Olaı emes eken. Sessııa oblys ákiminiń esebin jyly qabyldady. Asqar Myrzahmetovtiń komandasy jeti aıda ne tyndyrdy, onyń bárin baıan­dap jatsaq, áldeneshe gazet paraq­tary ketedi. Biz keıbir salalar boıynsha tolyǵyraq toqtalýdy ǵana jón kórdik. Atap aıtsaq, aǵymdaǵy jyldyń jar­ty­jyldyǵynyń qorytyndysyna sáıkes, salyqtyq túsimderdi bıýdjetke túsirýdiń ósý dınamıkasy boıynsha respýblıka deń­geıinde oblys birinshi oryndy ıelendi. Sonymen qatar, oblystyń aýdandary men qalalaryndaǵy jáne ár aýyldyq okrýgter men eldi mekenderdegi áleýmet­tik-ekonomıkalyq ahýalǵa taldaý jasaı otyryp, oblys bıýdjetin júıeli túrde qa­lyptastyrý maqsatynda áleý­mettik-ekonomıkalyq máseleler men kórset­kishterdi tolyq qamtıtyn “Ońtústik Qazaqstan oblysynyń áleýmettik-eko­nomıkalyq paspor­ty” ázirlendi. “Jol kartasy” boıynsha sóz sabaq­taıtyn bolsaq, 2010 jyly oblysta “Jol kartasy” aıasynda 432 ınvestısııalyq jo­balardy iske asyrýǵa jalpy 18,5 mlrd. teńge qarastyrylǵan. Onyń ishinde respýblıkalyq bıýdjet qarjysy esebinen – 12,1 mlrd. teńge, oblystyq bıýdjetten – 6,4 mlrd. teńge. 9 nysanda qurylys-jóndeý jumys­tary tolyǵymen aıaqtaldy. Onyń ishinde 9 densaýlyq saqtaý nysandary, 6 turǵyn úı-kommýnaldyq sharýashylyq nysan­dary bar. Esepti kezeńde 19 845 jańa jumys oryn­dary quryldy. Jumyspen qamtý or­gandary arqyly 13 598 adam jumysqa or­nalasty. Jumysshylar­dyń ortasha jal­aqysy 31,5 myń teńge quraıdy. Asqar Isabekuly esep berý kezinde bıyl bilim salasyna aıryqsha nazar aýda­rylǵanyn aıtty. Bilimsizdiń kúni qarańǵy, bilimdige – jaryq. О́simtal Oń­tús­tiktiń eń úlken problema­sy osy bilim salasynda jatyr. Kúni keshege deıin tórt, úsh aýysymdyq mektepter men apat­ty jaǵdaıdaǵy bilim oshaqtary respýb­lıka boı­ynsha birinshi oryndy bermeı­tin. Oǵan dúnıege kelgen sábıdi balabaq­sha­ǵa kezekke qoıǵanda onyń shyn kezegi ol birinshi synyptyń tabaldy­ryǵyn atta­ǵanda keletin keremetin qosyńyz. Kóp mektepterge jolymyz túsedi, kórneki qu­ral­dary ábden eskirgen, jańa meto­dıkalyq qural-jabdyqtardan ada keıipterin de kórer edik. Bıylǵy jyly bilim salasyn basty nazarǵa alǵan Myrzahmetov ne tyndyr­dy, sony taldap kórelik. Sonymen oblys basshysy ne dedi? – Jalpy bilim berý salasyna aǵym­da­ǵy jyly bıýdjetten 99,9 mlrd. teńge qa­­raldy, bul ótken jylmen salystyr­ǵan­da 10,5%-ǵa artyq, – dedi ol. Mektepke deıingi bilim uıymdarynyń sany qazirgi tańda 345-ke deıin jetkizilip, qamtý deńgeıi 13,5%-dan 21,4%-ǵa deıin ósti. “Bala­pan” baǵdarlamasyna sáıkes 2010 jyly 9085 orynǵa 154 mektepke deıingi bilim uıymdary iske qosylady dep josparlansa, búgingi kúni 4376 orynǵa 100 mektepke deıingi uıymdar ashyldy. Al jumys jasap turǵan 25 balabaq­shadan qosymsha 1165 orynǵa 48 top ashyldy. Jyldyń sońyna deıin mektepke deıingi ba­la­lardyń balabaqshamen qamtylýy 23,5% quraıdy. Bıylǵy jyly jalpy 103 nysan­dar­dyń qurylysyna 19 mlrd. teńge qaras­tyrylǵan. Búgingi kúnge 15 bilim mekemesi iske qosyldy. Jyldyń sońyna deıin qosymsha 49 nysannyń iske qosylýy josparlanýda. Taldap aıtar bolsaq: – respýblıkalyq bıýdjetten 36 nysannyń qurylysyna 9,1 mlrd. teńge; – oblystyq bıýdjetten 67 nysannyń qury­lysyna 9,9 mlrd. teńge bólindi. Onyń ishinde 45 apattyq jaǵdaıdaǵy mek­tep, úsh aýysymda oqıtyn 13 mekteptiń qurylysy júrgizilýde. Sonymen qatar, Qazaqstan Respýblı­ka­synyń Bıýdjet kodeksinde qurylys quny qymbattaǵan nysandardyń qurylysyn je­rgilikti bıýdjetten aıaqtaý qarasty­ryl­ǵanyna qaramastan, Respýblıka Úkime­ti­niń aldynda “100 mektep, 100 aýrýhana” baǵ­darlamasy aıasynda qurylysy basta­lyp, qurylys quny qymbattaǵan 900 oryndyq Arys qalasyndaǵy jáne Báı­di­bek aýdany Shaıan aýylyndaǵy 700 oryn­dyq mektep 350 oqýshyǵa arnalǵan ınternattyń qurylysyn aıaqtaý úshin qa­jetti qarjynyń 10%-y oblystyq bıýd­jet­ten, qalǵanyn respýblıkalyq bıýdjet­ten bólý máselesin kóterip, tolyq she­shil­di. Atalǵan nysandar jyl sońyna deıin paıdalanýǵa beriledi. Oblysy­myz­daǵy jańadan paıdalanýǵa berilgen bilim mekemelerin ustaýǵa respýblıka bıýdjeti esebinen qosymsha 1 mlrd. 151 mln. teńge sheshimin taýyp, bólinetin boldy. Tuńǵysh ret ústimizdegi jyly bilim salasyna asa nazar aýdarylyp, tek oblystyq bıýdjet­ten materıal­dyq-tehnıkalyq bazany ny­ǵaı­týǵa 2 mlrd. 309 mln. teńge qarjy bó­lin­di. Atap aıtar bolsaq, oblys mektepte­rin­degi tozyǵy jetken oqýshy par­talary men mektep taqtalary tolyǵymen aýys­tyrylyp, 100 myń parta men 6250 taqta alýǵa 1 mlrd. 156 mln. teńge qarastyry­lyp, jabdyqtaý jumystary júrgizilýde. Sonymen qatar, bilim berýdi álemdik standartqa saı jetildirý maqsatynda tozyǵy jetken kompıýterlerdi aýystyrý men jańalaýǵa 556 mln. teńge qarjy bó­linip, 5247 dana kom­pıý­ter alynýda. Eger 2009 jyly 1 kompıýterge 21,6 oqýshy keletin bolsa, aǵymdaǵy jyly ol kór­set­kish 19 oqýshyny qurap, respýblıkanyń ortasha kórsetkishine jetip otyr. Sony­men qatar ústimizdegi jyly 883 mln. teń­ge­ge 135 fızıka, 70 bıologııa kabınet­teri­men jabdyqtaý jáne 260 mln. teńgege 47 lıngafondyq-mýltımedııalyq ka­bı­net­termen tolyqtyrý jumystary júr­gizilýde. Qazirgi tańda, oblys kóleminde da­ryndy balalarmen jumys júrgizý qar­qyndy iske asyrylyp keledi. Oqýshyla­ry­myzdyń halyq­ara­lyq pándik olımpıa­dalarda jeńip alǵan nagra­dalarynyń sany jyldan jylǵa ósýde. 2009-2010 oqý jylynda AQSh, Avstrııa, Rýmynııa, Kıpr, Grýzııa, Túrkııa, Gollandııa mem­le­ketterinde ótken halyqaralyq ǵylymı joba jarystaryna 14 oqýshy qatysqan bolsa, bıylǵy oqý jylynda 16 oqýshy qatysyp, onyń ishinde 5-i altyn, 3-i kú­mis, 6-y qola medaldy jeńip aldy. 2 oqý­shy arnaıy Sertıfıkatpen marapat­tal­dy. Oblys boıynsha UBT qorytyndy­synyń ortasha kórsetkishi 86,21 baldy qurady nemese ótken jyldyń ortasha kórsetkishinen (70,76) 15,45 balǵa joǵary. Aǵymdaǵy jyly 590 oqýshy “Altyn bel­gimen” bitirdi, ótken jylmen salys­tyr­­ǵan­da 263 oqýshyǵa kóp. Respýblıka boıyn­sha joǵary oqý ornyna túsý úshin grant alǵan­dardyń sany 31567 oqýshy bolsa, bizdiń oblys­tan 8622 oqýshy bilim grant­taryn ıelendi. Ol konkýrsqa qatysqan­dardyń 46,32%-y. Oblys mektepterinde 7 408 joǵary sanatty, 15 098 birinshi sa­natty, 17 277 ekinshi sanatty muǵalim­der eńbek etýde. 2009-2010 jyly 623 jas ma­man jumysqa qabyldandy. Jyl basynan 6 031 muǵalim biliktiligin arttyrý kýrsynan ótti. Oqý-tárbıe prosesi men bilim sapa­synyń deńgeıine qatysty júrgiziletin monıtorıng júıesin jetildirý maqsa­tyn­da ústimizdegi oqý jylynan bastap qala, aýdan ákimdigi men bilim mekemeleriniń (mektep, aýdandyq, qalalyq bilim bó­limderiniń) jumysyn baǵalaýǵa arnalǵan reıtıng júıesi engiziletin bolady. Sybaılas jemqorlyq jáne jas­ós­pirimder arasyndaǵy quqyqbuzýshylyqtar barlyq deń­geı­de úılestirý keńesterinde jan-jaqty qarasty­rylyp, mektepterdiń esep-qısap jumystaryn jaqsartý maq­satynda býhgalterııalaryn orta­lyqtan­dyrý jumystary júrgizilýde. Qarjy, Bilim jáne ǵylym mınıstr­likteri­men kelise otyryp, oblystaǵy 989 mektepte 1750 býhgalter qyzmet at­qa­ryp kelgen bolsa, olar ortalyqtan­dy­rylǵan kezde 647 býhgalter qyzmet atqaratyn bolady. Qysqartylǵan 1103 býhgalter­lerden únemdeletin qarjy 365 mln. teńgeni quraıdy. Al qyzmetterinen qysqar­tylǵan býhgalterlerdi basqa jumystarǵa ornalastyrý aýdan, qala ákimderine júktelgen. Sońǵy 15-20 jyldar kóleminde ká­siptik lıseıler men kolledjderdiń ma­te­rıaldyq-teh­nıkalyq bazasy moraldyq jáne materıaldyq turǵydan eskirgen. Oblys bıýdjetinen kolledj­derge 2006 jyly 4,0 mln.teńge ǵana, 2007 jyly 11,0 mln. teńge ǵana qaralǵan, al sońǵy 2 jyl­da bul maqsatqa bıýdjetten qarjy múldem qarastyrylmady. Degenmen, 8 kolledjdiń arnaıy esep-shotynan 2008 jyly 63359,0 myń teńge, 2009 jyly 50775,0 myń teńgege qajetti qural-jabdyqtar alyndy. Al 2010 jyly oblys­tyq bıýdjetten tehnıkalyq jáne kásiptik bilim berý mekemelerine 247 mln. 841 myń teńge qar­jy bólinip, materıal­dyq-tehnıkalyq bazasy nyǵaıtylýda. Bıylǵy jyly kásiptik lıseıler men kolledjderge memlekettik tapsyrys 9233 oqýshyny qurady. Onyń ishinde “Jol kartasy” boıynsha 2375 oqýshy. Oblystyń 2011-2015 jyldarǵa ar­nal­ǵan áleýmettik-ekonomıkalyq damý baǵ­dar­lamasyna sáıkes memlekettik tapsy­rysty qalyptastyrý barysynda aýyl­ sha­rýa­shylyǵy jáne óndiristik maman­dyq­tarǵa kóp basymdyq berildi. Salalar boıynsha atap aıtqanda: Aýyl sharýashylyǵy mamandyqtaryna – 35,2 paıyz; Máshıne jasaý ónerkásibi, kólik, má­shıneler men jabdyqtar tehnologııasy, kólik paıdalaný mamandyqtaryna – 26,4 paıyz. Bıylǵy jyly oblystyq bıýdjetten qaralyp otyrǵan memlekettik tapsyrys negizinde sańy­raý balalarǵa arnaıy 30 oryn berildi. Onda sańy­raý balalar “Kıimderdi modeldeý jáne kons­trýk­sııalaý” jáne “Esepteý tehnıkasy men avto­mattandyrylǵan júıelerdi baǵ­dar­lamalyq qamtamasyzdandyrý” maman­dyqtary boıynsha oqytylady. Bilim basqarmasy tarapynan ob­lys­taǵy barlyq 47 jeke menshik kolledj­der­de jalpyǵa mindetti bilim standarty talaptarynyń oryn­da­lýyn tekserý nátı­jesinde 20 kolledjdiń lı­sen­zııasynyń kúshi 6 aı merzimge deıin ýaqytsha toqta­tyldy. Búgingi kúni 4-i qaıta tekserilip, 3-iniń qujattary sotqa ótkizildi. Qalǵan 16 kolledjdi qaıta tekserý jańa oqý jylynan jalǵasatyn bolady. Myrzahmetov komandasynyń bıylǵy jylǵy atap aıtar ereksheliginiń biri, el arasyna jıi shy­ǵýy, jaı-kúımen tany­syp, aýdan, qala kó­leminde sheshiletin má­selelerdi sol sapar bary­synda tyndy­rýy der edik. Qarapaıym jurttyń oblys ákimi túgili qarapaıym sheneýnikterge qoly jete bermeıdi. “Aýzy kúıgen úrip ishedi” degendeı, sybaılas jemqorlyqtyń qaqpanyna túsken áriptesteriniń qamsyz­dyǵynan keıin keıbir basqarmalar esi­giniń aldyna qarýly kúzet qoıýdy ádetke aınaldyrǵan edi. Qazir basyl­ǵa­nymen kezekshi-kúzetshiler ábden tergep almaı, ishtegilermen baılanyspaı jibermeıdi. Qazir oblys ákiminiń orynbasary bastaǵan jumys toptary aýdan, qalalar­dy aralaýdy jónge qoıdy. Oblys ákimi­niń orynbasarlary bastaǵan jumys top­tary 58 ret aýdan, qalany aralap shyqty. Qamtylǵan eldi mekender sany – 1287, jeke qabyldaýda bolǵandar sany 409 adam. Aralaýdyń qorytyndysy boıynsha 660 tapsyrma berilip, búgingi kúnge 401 tapsyrma oryndalǵan, 256 tapsyrma oryndalý barysynda. Tártiptik jazaǵa tartylǵandar sany – 127, onyń ishinde qyzmetinen bosatylǵandar – 32, tártip­tik shara qoldanǵandar – 95. Búgingi tańǵa berilgen tapsyrmalar­dyń oryndalýyn baqylaý oblys ákimi apparaty salalyq bólimderine júktelgen jáne árbir aıdyń qorytyndysy qa­ralýda. Ár sala boıynsha jasalynǵan jumys­tarmen tanysqan depýtattar oblys ákiminiń jumysyn qanaǵattanarlyq dep baǵa berdi. Nazar jetkilikti aýdarylmaı jatqan máseleler de aıtylady. Máselen, Arys, Badam sııaqty ózenderdiń taba­ny­na shynjyrly traktor, ekskavator túsirgen qurylys kompanııalary tegin tas, qumdy opy­ryp alyp jatyr. Sonyń saldarynan birneshe kópir apattyq jaǵdaıǵa ushy­rady. “Kóksaraı” sý rettegishi, Shardara aýdanynda kógildir otyn­ǵa daıyndyq máselelerine baılanysty asfalt joldar balshyqtaı ılenip qaldy. Alyp qury­lystar jaqsy, biraq nege halyq zardabyn tartýy kerek. Iаsaýı atyndaǵy HQTÝ-diń rektory, akademık Lesbek Táshimov qu­laqqa qonymdy usynys aıtty. Soltústik oblystarda mektepke bala toltyra almaı jatqanda dúnıege sábı ákelýden Ońtústik respýblıkada kósh bastap tur. Biraq, biz osyǵan qandaı jaǵdaı jasap otyrmyz? Darııanyń arǵy betindegi Baltakól aýy­ly­nyń tórtinshi perzentin dúnıege ákel­gen kelinshek Túrkistandy basyp ótip, qıyr­daǵy Otyrarǵa bir japyraq qaǵaz úshin barady. Qujatty sol kúni ala qoısa jaqsy, keıde aptalap júredi. Olardy san­daltpas úshin ádilet basqarmasymen ke­li­se oty­ryp, nege qosymsha shtat ashýǵa bol­maıdy? Olar eldi mekenderdi aralap, qu­jatyn túgendep berse, analar alańdamas edi. Sessııada taǵy da birneshe depýtat sóılep, oblys basshysynyń esebine joǵary baǵa berdi. Oblystyq máslıhattyń depýtaty Qaırat Berkinbaev: — Oblys basshysynyń júıeli jumy­synyń arqasynda aýyl sharýashylyǵy, ónerkásip jáne kásipkerlik salalarda ilgerileý baıqalady. Máselen, esepti merzimde kásipkerlik nysandar sany 16 paıyzǵa artqan. Osy salada eńbek etetin­der­diń sany 270 myńnan asqanyn kórip otyrmyz. Shaǵyn jáne orta bıznes da­mysa, halyqtyń ál-aýqaty jaqsara túse­tini túsinikti. О́tken jeti aıda osy baǵyt­ta durys jumys júrgizilip, eleýli nátı­jege qol jetkizdik. Jalpy, Asqar Isa­bek­ulynyń talapshyldyq jáne júıelilik sekildi qasıetterin erekshe atap ótýge bolady. Sonyń arqasynda óz komandasy­na da, aýdandardaǵy jergilikti atqarýshy organdarǵa da tıimdi ári nátıjeli jumys isteýdiń úlgisin kórsetip keledi. Meniń oıymsha, bul baǵytymyzdan aınymasaq, aldaǵy ýaqytta halyqtyń ıgiligi úshin úlken ister tyndyra alamyz dese, onyń sózin áriptesi Jeńisbek Turǵanov bylaı dep jalǵastyrdy. – Asqar Isabekulynyń bıylǵy jyl­dyń jeti aıynda atqarǵan jumystary jó­nindegi esebin tyńdap, dán rıza bol­dym. О́ıtkeni, Asqar Isabekuly óziniń “óndiris damysa, áleýmettik máselelerdi sheshýge mol múmkindik týady, sol úshin osy salany qalaıda órkendetýge tıispiz” degen ustanymyn iske asyrý jolynda eleýli tabystarǵa qol jetkizgen. Bıylǵy 7 aıda oblys eko­nomıkasyn damytýǵa 99,3 mıllıard teńge kó­leminde ınves­tı­sııa tartyldy. Bul byltyr­ǵy­men salys­tyrǵanda birshama kóp. Taǵy bir atap óterligi, negizgi ınvestısııalyq salym­dar­dy shaǵyn kásiporyndar júzege asyr­dy. Bul shaǵyn bıznestiń jandanǵanynyń nyshany. Jeke kásipkerler salǵan ın­vestısııa kólemi 57,1 mıllıard teńgeni qu­rady nemese ótken jyldyń tıisti keze­ńimen salystyrǵanda 63 paıyzǵa art­ty. Aǵymdaǵy jyly ónerkásip salasynyń ın­ves­tısııa úlesi 50,6 paıyzdy qurap, 2009 jyl­men salystyrǵanda 36,2 paıyzǵa ósti. Osynyń barlyǵy oblys ekonomı­ka­synyń damyp kele jatqanyn kórse­tedi. О́ndiris órkendep, kásip­kerlik da­my­sa, bıýdjettiń múmkindikteri molaıa­dy. Bul halyqtyń turmysynyń jaqsarýyna jaǵdaı jasaıdy. – Oblys ákiminiń jeti aıdyń qo­ry­tyndysy boıynsha esebine oń baǵa berýge bolady, – dedi oblystyq máslıhattyń depýtaty Qaıypbek Qambarov. – Máse­len, Shymkenttegi ındýstrııa­lyq aımaq­ty alaıyq. Asqar Isabekulynyń qatań baqylaýynyń arqasynda bul aımaqta ju­mys jandana tústi. 112 gektar jer óndi­ris­tik qaldyqtardan tazartyldy. Jumys­ty úılestiretin keńester qurylyp, ınves­tısııalyq jobalar usynyldy. Onyń 18-i ma­quldanyp, ınvestorlar iske kirise bas­ta­dy. Endi osy baǵytta júıeli jumys jal­ǵasady degen senimdemin. Jaqyn ke­le­shekte ındýstrııalyq aımaq oblys eko­nomıkasynyń tiregine aınalary sózsiz. Depýtat Nurdilda Jumashev “nege biz Asqar Myr­zahmetovke jumys iste dep, ózimiz bir búıir­de otyryp, syn aıtqandy jaqsy kóremiz. Ob­lys­tyń abyroıy – bizdiń abyroıymyz. Prob­lemalardy birlesip sheshýge septeseıik” dedi. Sońynda sóz alǵan oblys ákimi: Sheshi­min kútken másele shashetekten. Alda qol­ǵa alynýy tıis sharýa áldeqaıda kóp. О́ıtkeni, oblysymyz­da 900-deı eldi me­ken, eki mıllıonnan astam halyq bar. Onyń barlyǵynyń máselesin bir jyl­da sheship tastaý múmkin emes. Desek te, qol­da bar múmkindikterdi qanshalyqty paı­da­lanyp júrmiz? Másele sonda. Eger osy turǵydan alyp qarasaq, ilgerileýshilik bar. Kemshilik te joq emes. Keıbir sala­lar­da, keıbir aýdandarda múmkindikter tolyq paıdalanylmaýda. Alda bul ju­mys­tarǵa nazar aýdarýymyz kerek. Meni qýantatyny, jumysty birlesip atqarýǵa degen yntalaryńyz. Únemi aıtyp kele­min, tek birlik pen yntymaq bolǵan jer­de tabysqa qol jet­kizý­ge bolady. Túptep kelgende, osynyń barlyǵy tek jergilikti atqarýshy bıliktiń mindeti emes. Bul — bárimizdiń mindetimiz. Búgin qol jetkizgen jetistikterimiz meniń nemese oblys ákim­diginiń ǵana emes, búkil ońtústik­qazaq­standyqtardyń baǵyndyrǵan belesi dep esepteımin, dedi. Jalpy, Asqar Myrzahmetovtiń oblys ekonomıkasyn órkendetý men áleýmettik salasyn nyǵaıtýdaǵy eńbegin oblys hal­qy jaqsy baǵalaıdy. “Baq, qaıda bara­syń?” degende “Yntymaqqa baramyn” dep jaýap bergen eken. Bir jaǵadan bas, bir jeńnen qol shyǵaryp jumys jasasa, oblystyń baǵyndyrar bıik­teri kóp bolady. Ákim komandasy men depý­tattar korpýsynyń júz­desýinen osy baılamdy ańǵardyq. Baqtııar Taıjan,Ońtústik Qazaqstan oblysy.