Aýyldyń gúldenýi – Qazaqstannyń gúldenýi

Osy taqyrypta Jalaǵash aý­dandyq mádenı-saýyqtyrý keshe­ninde oblystyq ishki saıasat bas­qarmasynyń uıymdastyrýymen Syr aımaǵyndaǵy aýyl jastary­nyń sleti ótkizildi. Jyl saıynǵy dástúrge aınalǵan jastar sletine úkimettik emes uıymdar men qo­ǵamdyq qozǵalystyń kóshbasshy­larynan jasaqtalǵan 200-ge jýyq jas qatysty. Jınalǵan jastar qoǵamnyń qoz­ǵaýshy kúshiniń áleýmettik-saıası belsendiligi men azamattyq, pat­rıottyq sezimderin arttyrý, aýyl­dyń gúldenýi men damýyndaǵy jas­tardyń úles salmaǵy jáne “Dıp­lommen – aýylǵa” jobasyn júzege asyrýdyń tıimdi joldary syndy úsh baǵytta seksııalarǵa bólinip, jumystar júrgizildi. Úsh baǵyttaǵy seksııalarda joǵarydaǵydaı bel­gilengen taqyrypta baıandamalar jasalyp, jastar kún tártibindegi máselelerge baılanysty óz oılaryn búkpesiz baıan etti. – Qazaqstannyń kemel kele­shegi jas urpaqtyń qolynda, – deı­di oblystyq ishki saıasat basqar­masynyń bastyǵy Rýslan Rúste­mov. – Elbasymyz jyl saıynǵy jol­daýlarynda táýelsiz elimizdiń erteńi – jas órkenderge erekshe nazar aýdaryp, olardyń ózekti máselelerin memlekettiń qoldaýy arqyly sheshýge basa kóńil bólýde. Birikken Ulttar Uıymy aldaǵy 2011 jyldy “Jastar jyly” dep jarııalady. Halyqaralyq deńgeı­degi usynysqa ún qosýdy murat tutqan Syr aımaǵy jastary osy sletti ótkizip otyr. Sletke qatysýshylar Syr aı­ma­ǵynda atqarylyp jatqan ju­mystarmen egjeı-tegjeıli tanys­tyrylyp, alda turǵan asqaraly mindetterden habardar etildi. Slette aýyldyń mádenıeti, aýyl sharýashy­lyǵy, sport, densaýlyq saqtaý jáne bilim berý úzdikteri marapattaldy. Slet barysynda sóz alǵan jas­tar óz oı-pikirleri men usynys­ta­ryn ashyq aıtyp, oblys jasta­ry­nyń ortaq múddesin kózdeıtin úndeý qabyldady. Erkin ÁBIL, Qyzylorda oblysy, Jalaǵash kenti.