Jańa...

...kópirdiń qazyǵy qaǵyldy Qostanaı qalasynyń irgesinen aǵatyn Tobyl ózeniniń ústinen taǵy bar jańa kópir salynatyn bol­dy. Kópirdiń uzyndyǵy – 313 metr. Onyń qurylysyna memleket qazynasynan 7 mıllıard 765 mıl­lıon teńge qarjy bólinip otyr. Kópirdiń jobalaý jumystarynyń bar­lyǵy daıyn. Mamandardyń aı­týynsha, qurylys osy kúzden bas­talyp, 2012 jyly aıaqtalady. Qu­ry­lysty “Kazahdorstroı” jaýap­ker­shiligi shekteýli seriktestigi júrgizedi. Kóktemde qar sýy erigen kezde To­byldyń osy salasy tasyp, jol­dan kólik óte almaıtyn. Sony­men qatar, sý astynda qalǵan saıajaı­lar biraz jylǵa deıin paıdalanýǵa kelmeıtin. Endi bolashaq kópir qala turǵyndary men jolaýshy­lar­ǵa osy qıyndyqtardy umyt­tyratyn bolady. Názıra JÁRIMBETOVA, Qostanaı. ...ónim shyǵaryla bastady “Aqtóbe metall emes qubyrlar zaýyty” aksıonerlik qoǵamy ja­qyn­da jylý jáne ystyq sý júıe­leri úshin shyny talshyqty qubyr­lar shyǵara bastady. Mundaı ónim Qazaqstanda, qala berdi TMD elde­rinde birinshi ret óndirilýde. Shy­ny talshyqty mundaı qubyrlar 130 gradýs ystyqqa deıin tózim­di. Epoksıdtik-vınılefırlik shaıyr negizinde kompozıttik materıaldan jasalyp, shyny talshyqpen jáne qatty penopolıýretanmen qaptal­ǵan mundaı qubyrdyń tyǵyzdyǵy 70-100 sharshy metr-kılogramm bo­lady. Ol korrozııaǵa ushyramaıdy, ishki korrozııalyq jabyndyny talap etpeıdi, metall qubyrlarǵa qaraǵanda jylýdy 100 ese únem­deıdi, ishki jaǵynda tat turmaıdy, mıkrobıologııalyq korrozııa bolmaıdy. Jańa ónimniń basqa da artyqshylyqtarymen birge, bul qubyrlar 50 jyl paıdalanylady. Kásiporynnyń shyny tal­shyq­ty qubyrlaryna suranys joǵary. Qazir zaýyt ujymy sý munara­lary­na jáne tútin tartatyn úlken syıymdylyqtaǵy qubyrlarǵa arnalǵan úshinshi qondyrǵyny ıgerýge daıyndalýda. Satybaldy SÁÝIRBAI, Aqtóbe oblysy. ...meshitter ashyldy Syrdarııa aýdanyna qarasty Amankeldi aýylynda Saıypnazar ahýn atyndaǵy meshit úıi halyq ıgiligine berildi. Saıypnazar ahýn – kezinde Shortanbaı jyraýmen aıtysatyn ataqty Zaman aqynnyń shóberesi. Saıypnazar aldymen Bu­qaradaǵy “Kókaltash” medre­se­sin­de, bertin kele Ystambulda, so­syn Mysyr qalasynda dáris ala­dy. Ol arab, parsy, shaǵataı, ózbek tilderin erkin meńgerip, dinı ýaǵyzdy jetik bilgeni úshin eń joǵarǵy ǵylymı ataq – músannıf ataǵyn alady. Elge oralǵan ol ómiriniń aqyryna deıin medresede balalarǵa dáris berip, eki meshitti qatar ustaıdy. Onyń sońynda birneshe jazbalary, arab, parsy, shaǵataı tilderinde jazylǵan das­tandary qalǵan. Sondaı-aq, Jańaqorǵan aýda­ny­na qarasty Qosúıińki aýylynda da sándi meshit úıi boı kóterdi. Meshittiń ashylý rásimine elimizdiń bas múftıi Ábsattar qajy Der­bisáli atbasyn buryp, aýyl tur­ǵandarynyń ıgilikti isterine zor rızashylyq bildirdi. Aýdan ákimi Bekmyrza Elama­nov óziniń quttyqtaýynda ha­lyq­ty aýyzbirshilikke, ımandy­lyq­qa shaqyrsa, aýyl aqsaqaldary meshit úıin salǵan belgili kásipker Meırambek Qospanbaevqa aq alǵystaryn aıtyp, at mingizdi. Erkin ÁBIL, Qyzylorda oblysy.