Qarttarym, asyl qazynam

BUU-nyń Bas Assambleıasy 1990 jyly 14 jeltoqsanda 1 qazandy Ha­lyqaralyq qarttar kúni dep ja­rııa­lady. Toqsanynshy jyldardyń ba­synda Eýropada, beri kele Ame­rı­kada keń atap ótiletin mereke, jyl­dar óte álem boıynsha toılana bas­­tady. Bıyl mine, Halyqaralyq qart­tar kúni merekesine 20 jyl tolǵaly otyr. Osyǵan oraı, Qazaqstan jasta­rynyń Kongresi 2010 jyldyń 28 qyrkúıek kúni Astana qalalyq qart­tar men múgedekterge arnalǵan me­dı­ka-áleýmettik ortalyǵynda “Jú­rekten júrekke” atty qaıyrym­dy­lyq aksııasyn ótkizdi. Aksııa “Bir­ligimiz jarasqan!” respýblıkalyq naýqany aıasynda júrgizilip otyr. Merekeniń munsha erte toılana bastaǵanyna, ári jastardyń qonaqqa kelgenine ata-ájelerimiz bir qýanyp qaldy. Qazaqstan jastarynyń Kon­gresi Eýrazııa ulttyq ýnıversıte­tiniń stýdentteri qýanysh ıelerine konsert qoıdy. Jastyq shaqta bı­legen yrǵaqty ánderin estip, keıbir apa-ájelerimiz ortaǵa shyǵyp bılep te aldy. Uly Otan soǵysynyń ar­da­geri, osy mekemege tıisti mura­jaı­dyń jetekshisi Oleg Ivanovıch barsha ata-ájelerimizdiń atynan jastarǵa alǵysyn aıtty. Jáne shyn júrekten óziniń aq batasyn berdi. Sazdy ánnen kúmbirlegen kúıge aýysqan qyzyqty konsert úlken býynmen jastardyń qosyla bılegen yrǵaqty valsimen aıaqtaldy. Me­reke sońynda Qazaqstan jastary­nyń Kongresiniń atqarýshy dırek­to­rynyń mindetin atqarýshy Shah­mar­dan Baımanov quttyqtaý sózin aı­typ, belsendi jastar atynan syı­lyq­tar tartý etti. Uıymdasty­rý­shy­lar syılyqty keregine jaratsyń dep, aldyn-ala mekeme basshy­ly­ǵynan ne qajettigin surap alǵan bolatyn. Osylaısha qarttarǵa ar­nal­ǵan arnaıy arbalar syılady. “Bul is-shara sharttylyq úshin istelip jatqan dúnıe emes. Bul shyn yqylasymyz. Tek mereke qarsa­ńyn­da ǵana emes, eriktiler tobyn ertip jıi osynda jınalýdy jón kóremiz. Birde konsert qoısaq, birde áńgime aıtýǵa, múmkindigimiz bolsa qol qý­syryp bos kelmeı, syılyǵymyzdy al­yp kelýge tyrysamyz. Osy qýa­nysh­tan góri qamyǵýy, shattanýynan góri jabyǵýy basym qarttary­myz­dyń armanyn aıalap, qurmetin asy­ryp, kóńil kúıin tasytyp jatsaq bo­lar. Sebebi, bul naǵyz birligi ja­ras­qan ha­lyqtyń isi bolar”, – dedi jýrna­­lıs­terge bergen suhbatynda Shahmar­­dan Baımanov. Eligaı NUR.