Jańa aqparattar habarlandy

Keshe Ekonomıkalyq qylmysqa jáne sybaılas jemqorlyqqa qarsy kúres agenttiginde jaqynda ǵana “óz qyzmettik babyn asyra paıdalanǵan” degen aıyp taǵylǵan Densaýlyq saqtaý mınıstri Jaqsylyq Dosqalıevke qa­­tysty qozǵalǵan is týraly brıfıng bolyp ótti. Onda agenttiktiń ar­naıy ókili Murat Jumanbaı osy iske qatysty jańa derekterdi jarııa etti. Tergeýge deıingi tekseris ba­ry­synda biz Dosqalıev pen bir­qatar tulǵalardyń qylmystyq jaýap­ker­shilikten jaltarýdyń túrli jol­daryn josparlaǵandyǵy tý­raly aqparatqa ıe boldyq, onyń ishinde shetelge shyǵý jáne den­saýlyq jaǵdaıynyń nashar­laýyna baılanysty jáıtter bar, dep habarlady arnaıy ókil. Qazaqstan aýmaǵynan ketý jónin­degi sátsiz­dik­­ten keıin J.Dosqa­lıev ózge tul­­­ǵalarmen sóz baı­la­­syp, 2-shi jos­­parǵa kóshken. Biz bul jerde Dos­­qalıevtiń árip­tes­te­ri men ba­ǵy­nysh­tylarynyń kor­poratıvtik bir­lestigine tap bol­dyq, dedi ol. Brı­fıng bary­synda bas dári­ger­diń, onyń or­yn­basarynyń jáne tıisti emdeýshi dárigerdiń jaýap bergen beıne­jaz­basy kórsetildi. “Beı­nejaz­ba­nyń mazmunynan qar­jy polı­­sııa­sy qyzmetkerle­ri­niń bar ke­zinde essiz jaǵdaıda bol­ǵan Dos­­qa­lıevtiń shyn máninde aýrýǵa sı­mýlıasııa jasaǵandyǵy jáne ter­geý organdaryn óziniń den­saý­ly­ǵyna qatysty qasaqana al­da­ǵan­dyǵy kórinip tur. M.Ju­man­baı­dyń aıtýynsha, kúdikti Dosqa­lı­ev­tiń densaýlyq jaǵdaıy oǵan qoı­ylǵan dıagnozǵa sáıkes kelmeıtin kórinedi. Venera TÚGELBAI.