Jastar júregindegi jelken el jetistigin eseleıdi

“Nur Otan” halyqtyq-demo­kra­tııalyq partııasy qyzmetiniń mańyzdy baǵyttarynyń biri el bolashaǵynyń tiregi – jastarmen jumysty keń kólemde júrgizý bo­lyp tabylady. Elbasy, partııa Tóraǵasy N.Nazarbaev osynaý qýatty qozǵalysty qoldap, mem­le­kettik saıasattyń basty býyndary qatarynda mańyz berip otyr. “Nur Otan” HDP Tóraǵasy­nyń birinshi orynbasary Nurlan Nyǵmatýlın Aqmola oblysynda jumys saparymen bolyp, partııa­lyq saıasattyń ózekti máselelerin kópshilik talqysyna saldy. Ol “Jas Otan” JQ qalalyq jáne aýdandyq atqarýshy hatshylaryna arnalǵan oqý semınarynyń tyń­daý­shylary men “Dıplommen ­­— aýylǵa!” baǵdarlamasy boıynsha Zerendi aýdanynda jumys istep jatqan jastar aldynda ashyq-jar­qyn áńgime ótkizdi. Nurlan Zaırollauly Elbasy, partııa Tóraǵasy Nursultan Nazarbaev júk­tegen tapsyrmalardy oryn­daý­daǵy jastarǵa júktelgen min­det­terge jan-jaqty toqtalyp, bú­gingi is-qımyldyń negizgi baǵyt­ta­ryn ashyp kórsetti. Olardyń qa­tarynda elimizdiń ındýstrııalyq-ınnovasııalyq údemeli damý baǵ­darlamasy, áleýmettik ortadaǵy ahýaldy jaqsartý, bilim men ǵy­lym áleýetin kóterý máselelerimen qatar, partııa qolǵa alǵan saıası jobalar aýqymy kún tártibine qoıylyp otyr. Qazaqstan túrki áleminde tuńǵysh ret Eýropadaǵy qaýipsizdik jáne yntymaqtastyq uıymyna tóraǵalyq qyzmetin tabysty atqaryp keledi. Sonymen qatar, aldaǵy jeltoqsan aıynda EQYU Sammıtiniń táýelsizdik besigi Astana qalasynda ótkizilýi ja­sampaz halqymyzǵa, Ult kósh­bas­shysy N.Nazarbaevqa kórsetil­gen baǵa jetpes qurmet bolmaq. Prezıdent qoldaǵan “Dıplom­men — aýylǵa!” qozǵalysy jastar júregine jiger quıdy. Qazirdiń ózinde 7000-nan astam jas maman aýyldarǵa qonystanyp, jemisti jumys istep júr. Bul astanalyq Aqmola oblysynda da belsendi sıpat alýda. Partııa Tóraǵasynyń birinshi orynbasarymen bolǵan kezde jastar shyn máninde búkilhalyqtyq jobaǵa aınalǵan qozǵalysty óristetý, aýyl ómirin gúldendirý jóninde pikir almasyp, suraqtarǵa jaýap qaıtaryldy. “Nur Otan” HDP Tóraǵasynyń birinshi orynbasary N.Ny­ǵma­tý­lın men Aqmola oblysynyń ákimi, partııanyń oblystyq fılıalynyń tóraǵasy S.Dıachenko, fılıal bas­shysynyń birinshi orynbasary Ǵ.Shoıkın qoıylǵan máselelerdiń ózektiligin atap kórsetip, partııa jáne oblystyq atqarýshy organ tarapynan olardy sheshýge jaǵdaı jasalatyndyǵyn málimdedi. Baqbergen AMALBEK, Aqmola oblysy.