Uıym qonaǵy – Amerıka memleketteri uıymynyń bas hatshysy

Keshe EQYU Turaqty keńesiniń májilisine qazaqstandyq tóraǵalyqtyń shaqyrýymen Amerıka memleketteri uıymynyń bas hatshysy (AMU) Hose Mıgel Insýlsa kelip, sóz sóıledi. О́ziniń sózinde ol eki óńirlik uıym arasyndaǵy yntymaq­tas­tyq­ty nyǵaıtýdyń mańyzyn atap kór­setti. Bul qadam ortaq maqsattarǵa ne­gizdelgen qaýipsizdik problema­la­ry­na qarsy is-qımyldardy izdes­tirýde paıdaly bolmaq. “Bizdiń uıymdarymyz demo­kra­tııany damytý men zań ústemdigin qam­tamasyz etý, adam quqyqtaryn qor­ǵaýdy ilgeri jyljytý, sondaı-aq pikir bostandyǵy men BAQ erkindigi máseleleri sııaqty bir­qa­tar mindetter boıynsha ortaq kóz­qa­rasqa ıe, – dedi H.Insýlsa. – EQYU men AMU negizgi maqsaty tur­ǵyndarymyzdyń qaýipsizdigin qam­tamasyz etýmen baılanysty má­selelerdiń keń aýqymyn qaras­tyrady”. О́ziniń sózinde H.Insýlsa eki uıym ózara únqatysý jasaıtyn jáne tájirıbe almasatyn, atap aıt­qanda, terrorızmmen kúres, pikir bostandyǵyn bildirý, saı­laý­lardy baqylaý, sondaı-aq jan­jal­dardyń aldyn alý men retteý boıynsha jaqsy baılanysta ekenin qaperge saldy. Atalǵan sala – EQYU men AMU sekildi óńirlik uıymdar BUU-ǵa yqpal etýde she­shýshi ról atqaratyn sala ekendigin kóldeneń tarta kelip, bul uıym­dardy almastyratyn balama joq ekenin atap kórsetti. AMU bas hatshysy EQYU Tu­raq­ty keńesiniń májilisinde Uıym­nyń tarıhynda tuńǵysh ret sóz sóıledi. “Bul bizderdiń óńiraralyq yntymaqtastyqqa múddeli eken­di­gi­mizdi bildiredi”, – dedi H.Insýlsa. “Biz turaqty yntymaqtastyǵy­myz­dy, onyń ishinde uıymdary­myz­dyń arasyndaǵy terrorızm, esirtki trafıgi jáne uıymdasqan qylmys, sondaı-aq adam saýdasy sııaqty ortaq problemalarǵa qa­tys­ty baılanystarymyzdy nyǵaıta túsýdi jalǵastyrýǵa tıispiz. Biz bu­rynǵysynsha demokratııalyq saı­laý úderisteriniń tutastyǵyn naqty kepildendirip, sonymen qatar, sóz bostandyǵy men bizdiń azamatta­ry­myzdyń quqyqtaryn qorǵaýǵa tıis­piz. Bul qashanda jáne qaı kezde de múddelerin qorǵaýǵa umtylyp otyr­ǵan demokratııalyq ınstı­týt­tardyń nyǵaıýyna oń yqpal etetin bolady. О́ıtkeni, atalǵan máseleler negizi biz sonshalyqty qaster tu­tatyn ortaq qundylyqtarymyzda jatyr”. Amerıka memleketteriniń uıy­my quramyna Soltústik jáne Oń­tústik Amerıkanyń 35 memleketi kiredi jáne álemdegi asa baıyrǵy óńirlik uıym bolyp tabylady. Onyń tarıhy 1890 jylǵy Pan­ame­rıkalyq odaqtan bastaý alsa, ol 1948 jyly AMU bolyp qaıta qu­rylǵan bolatyn. Amerıka Qurama Shtattary men Kanada EQYU-men qatar, AMU-ǵa da múshe memle­ket­ter bolyp tabylady. Al EQYU-ǵa múshe basqa kóptegen elder Ame­rıka memleket­teri uıymy janyn­daǵy turaqty baıqaýshylar már­tebesine ıe. Turaqty keńes EQYU-nyń she­shim qabyldaıtyn negizgi organ­da­ry­nyń biri bolyp tabylady. Ol Aýstrııanyń astanasy – Vena qa­la­synda apta saıyn shaqyrylyp, onda EQYU jaýapkershiligi aıma­ǵyndaǵy oqıǵalar talqylanady jáne olar boıynsha tıisti sheshim­der qabyldanady. Talǵat JUMAǴULOV, “Egemen Qazaqstan” – Venadan.