- 2015 jyldyń qorytyndysy boıynsha ekijaqty saýda aınalymy 3,35 mlrd AQSh dollaryn qurady. Onyń ishinde eksport – 2,68 mlrd, ımport – 670 mln dollar boldy.
- Qazaqstanda fransýz kapıtalynyń qatysýymen 130-ǵa tarta kásiporyn sátti jumys atqarýda, máselen, «Total», «Areva», «Air Liquide», «Danone», «Vicat», «PSA», «Alstom» syndy kásiporyndar joǵary tehnologııalyq jobalardy júzege asyryp keledi.
- 2015 jylǵy 16 shildeden 2017 jylǵy 31 jeltoqsanǵa deıin Fransııa azamattaryna Qazaqstanǵa qysqa merzimge saparmen kelý (15 kún) úshin vızasyz rejim uzartyldy.
- Turaqty túrde Fransııada turyp jatqan etnostyq qazaqtardyń qoǵamdastyǵymen baılanystar bekitildi. Birlesken mádenı jáne sporttyq is-sharalar ótkizilip turady. 2013 jylǵy 18-19 mamyrda Parıjde Eýropa qazaqtarynyń shaǵyn quryltaıy ótti.
- Qazir fransýz kompanııalarymen birlesip, jalpy mólsheri 1 mlrd-tan astam AQSh dollaryn quraıtyn 7 ınvestısııalyq joba iske asyrylýda. Ol jobalardyń aıasynda munaı óńdeý, mashına jasaý, ınfraqurylym, ǵarysh sekildi salalardy jandandyrý kózdelip otyr.
