«Qazaqstan – bolashaǵy jarqyn el. Biz onyń erteńine senemiz»

Gazetimizdiń keshegi nómirinde jarııalanǵan Memleket basshysy Nursultan Nazarbaevtyń «Ult Jospary – qazaqstandyq armanǵa bastaıtyn jol» atty maqalasy basylym saıtynan kóringen boıda onymen tanysýshylardyń tasqyny sát saıyn arta tústi. Muny saǵat saıyn ańǵaryp otyrdyq. Oqyrman qaýym Elbasynyń eldigimiz erteńine eren baǵdar, etene jol salatyn kezekti qalýetti maqalasymen jaı ǵana tanysyp qoıa salǵan joq, olardyń kópshiligi osynda kóterilgen barsha ormandaı oılar men tolymdy tujyrymdarǵa ózderiniń oılary men kózqarastaryn zamatynda bildirip jatty. Solardyń barlyǵy derlik maqalanyń sońynan birden oryn ala bastady. Bizdiń bir baıqaǵanymyz, sol pikir aıtyp, komment jazǵan otandastarymyzdyń barlyǵy da ózderiniń elimizdiń keleshegine rııasyz senetin bolyp shyqty. Osy rette olardyń basym bóligi Qazaqstannyń bolashaǵy jarqyn ekenine ımandary kámil ekenderin ashyq bildiredi. Mundaı optımıstik rýh, pozıtıvti saryn olarǵa Prezıdent maqalasymen jan-jaqty da muqııat tanysyp shyqqannan keıin kelgeni anyq. Álbette, bul bizdi de qýantady. Sebebi, óziniń bolashaǵyna sengen el turǵyndarynyń senimi eshqashan aldaǵan emes. Al biz óz elimizdiń aldaǵy kezeńi qazirgiden da jarqyn bola túsetinine eshqandaı kúmán keltire almaımyz. Bizge mundaı tujyrym jasaýǵa oqyrmandar oılary da qoldaý jasap, qozǵaý salyp otyr. Berikbaı Qazaqstannyń bekem bolashaǵy men kemel keleshegi eń aldymen Elbasynyń salıqaly saıa­satynyń nátıjesi dep bilemin. Jyl saıynǵy Memleket basshysynyń dástúrli halyqqa Jol­daýy – elimizdiń erteńgi kórinisin, damý jos­paryn aıshyqtap beretin mańyzdy jolsilteme. Men qashanda Nursultannyń «Nurly Jolyn» ustanamyn! Jadyra Memleket basshysynyń 5 ınstıtýttyq reformasyn bastan-aıaq oqyp shyqtym. Unady. Onda Elbasy qazaqstandyqtardyń damý jospary men elimizdiń bolashaǵyn baıandaǵan. Ekonomıkalyq-áleýmettik jetistikter men is-áreketterdi kórsetken. Biz birlikpen birigip, qımyl jasasaq, Qazaq eliniń almaıtyn qamaly, aspaıtyn asýy joq! Erbaqyt, Soltústik Qazaqstan oblysy Kásipkerlerdi ábden yǵyr etetini – jón-josyq­syz tekserýler men bıýrokrattyq kedergiler. Sonyń saldarynan salyqty jasyrýǵa, tabysty baryn­sha azaıtyp kórsetýge májbúr. Endi bıýrokrat­tyq shyǵynsyz ekonomıkaǵa qadam basý arqyly salyqtyq jáne kedendik ákimshilik júrgizýdi jaqsartýǵa baǵyttalǵan sharalar zor mańyz atqaratyny anyq. Onyń ústine tekserýlerge shaǵym berý resimi birtutastandyrylsa, salyqtyq rejimder de ońtaılanary sózsiz. Munyń bári bıznes pen kásipkerler quqyǵyn qorǵaý jolyndaǵy qaryshty qadamdar bolyp tabylady. Ibragım Járdemǵalıuly, Atyraý oblysy Jahan jurtynyń tynyshy ketip turǵan búgingi almaǵaıyp kezeńde Qazaqstandy alǵa bas­tyratyn 100 naqty qadam bar. Bul – Elbasy Nursultan Nazarbaev usynyp otyrǵan Ult Jospary. «Egemen Qazaqstannyń» búgingi sanynan Ult Josparynyń basym baǵyttarynyń jıyntyǵy ispetti 100 qadamǵa qadam basýdyń naqty joldaryn kórsetken maqalasyn den qoıa oqyp shyqtym. Mundaǵy 5 ınstıtýttyq reformanyń eldi odan ári órkendetý úshin mańyzdylyǵy aıqyndalypty. Nursultan Nazarbaev – Qazaqstandy órkenıetti elder qataryna qosqan Kóshbasshy ǵana emes, sonymen birge, ár azamattyń baqýatty, alańsyz ómir súrýine jaǵdaı jasaǵan úlken tulǵa. Eldiń keleshegin áriden oılaıtyn kóregendigin búgingi maqalasynan da anyq ańǵardyq. Qazaqstandyqtardy bir maqsatqa jumyldyrdy. Bizdiń ortaq armanymyz – Uly Dala elin jasampaz istermen jańǵyrtý! Biz bul uly armandy iske asyramyz! Madııar Qazaqstan táýelsizdik alǵaly tek alǵa qaraı umtylýmen keledi. Elbasynyń ashyq ári naqty saıasatynyń arqasynda biz uly murattarǵa qol jetkizdik. Barlyq azamattar Elbasynyń jos­paryn qoldap, onyń iske asýyna qolynan kelgenshe septigin tıgizedi degen oıdamyn. Dúısen, Talas Menińshe, osy baǵdarlamany árbir qazaqstandyq oqyp shyqsa artyq bolmas edi. Bul – eldiń damýyna baǵyt beretin qujat. Arman Dúısenbın Prezıdent aýzynan shyqqan sóz qashanda ilkimdi isterge ulasyp jatady. Búgin elimiz baǵyt ustap otyrǵan «Máńgilik El» bolýdyń nurly jolynda barsha qazaqstandyqtar jumylǵan judyryqtaı qımyldap, ortaq Otanymyzdyń gúldenýine úles qosýy kerek. Turar Egemendigimizdi alǵaly beri elimizdi órge súırep kele jatqan Elbasynyń bul jolǵy jospary da, aldymyzda turǵan belesterden súrinbeı ótýimizge septigin tıgizerine senimdimin. «100 naqty qadam» jarqyn bolashaqqa jeteler ıgi bastama dep bilemin. Rınat Bes qadamnan úmitimiz kóp. Qazaqqa jumys isteý kerek. Qol jaıyp, Úkimetten kómek kútip otyratyn kez emes. Dastan Prezıdenttiń maqalasynda jaqsy taldaý jasalypty. Osyndaı dúnıeler kerek. Kóshede «Egemendi» izdep júrgen birneshe tanysymdy kezdestirdim. Bir ókinishtisi, Astanadaǵy sol jaǵalaýda gazet satyl­maı­dy deıdi. Oń jaǵalaýǵa baryp, «Artemnyń» ja­nyn­daǵy «Alty alash» dúńgirsheginen alǵandaryn aıtty. Nurym Erǵalıev, «Jaıyq shuǵylasy» gazetiniń bas redaktory, Atyraý oblysy, Mahambet aýdany Biz – armany asqaq elmiz. Biz – básekege qabiletti ultpyz. Bizdiń elimiz kópetnosty bolǵanymen, bizdiń maqsatymyz – ortaq, muratymyz – bir. Ol – Máńgilik El bolý. Elbasy oryndy aıtyp otyr, biz táýelsiz Qazaqstandy Uly Dala eli retinde jańasha qalyptastyra aldyq. Endi osy baǵytymyzdan taımaı, álemdegi eń ozyq 30 eldiń birine aınaldyrý turǵysyndaǵy uly muratty iske asyrýǵa batyl qadam jasadyq. Sol uly muratty is júzine asyratyn Ult Josparymyz da bar. Ony búgin Elbasy óziniń maqalasynda jan-jaqty taldap, basty baǵyttaryn aıqyndap berdi. Shynynda da bul ata-babalarymyzdyń ǵasyrlar boıy ańsaǵan asqaq armany edi. Ata-babalardyń ańsaryn naqty qadamdarmen júzege asyrý búgingi urpaqtyń enshisine tıip otyr. Biz o bastan jańaǵa umtylatyn, ilim-bilimdi meńgerýge talpynatyn, ómirlik qundylyǵymyzǵa aınalǵan táýelsizdiktiń qadirin sezine biletin, alǵa qoıǵan maqsatqa jetý úshin asyqsaq ta aptyqpaıtyn, ulttyq salt-dástúrimizdi saqtaı otyryp, jeti jurttyń tilin bilý arqyly ortaq Otanymyz – Qazaqstandy básekege qabiletti eń qýatty memleket deńgeıine kóterý jolynda jumyla alatynymyzdy dáleldegenbiz. Sanjar Barlyq deńgeıdegi atqarýshy bılik turaqty negizde halyqqa esep berip otyrýy tıis degen sózi durys dep oılaımyn Áıgerim О́mirbekqyzy, О́skemen Elbasymyzdyń maqalasyn egemen.kz saıtynan oqydym. Jalpy, bizge osyndaı suńǵyla saıasatkerdi syılaǵan Jaratqanǵa myń alǵys. Qanshama másele qamtylǵan, qandaı túsinikti jazylǵan, qanshalyqty tereńnen qozǵalǵan. Bul qarapaıym adamnyń atqarar sharýasy emes. Memleket basshysy shyn máninde elimizdi erteńgi kúnge erekshe ekpinmen jetelep keledi. Laıym solaı bolǵaı! El irgesi bútin bolyp, oıǵa alǵan maqsattarymyz oryndala bersin. Nursultan Ábishulyna densaýlyq tileımin. Jańa jylda halyqqa jasar jaqsylyǵy mol bolsyn! Jangúl Ult Jospary – Qazaqstan bolashaǵyna bas­taıtyn jol. Sol jolda bərimiz bir tilekpen, birdeı maqsatpen birigip, el úshin birlese jumys jasaıyq. Rasýl Ábiluly, Jańa Semeı, Tańat aýyly Prezıdentimizdiń bir basyna osynsha oı men tolǵam qalaı syıady eken? El basqarý degen ońaı emesin osyndaı bir dúnıeni kertip oqı bastaǵanda-aq túsinesiń. Bilim men bilik, tájirıbe men talant bolmasa, memlekettiń basynda bir sát tura alar ma ekenbiz. Áı, qaıdam. Elbasy Shyǵys Qazaqstan oblysyna kóp jaqsylyq jasap jatyr. Endi bizdiń joldarymyz jóndelse eken. Bizdiki aýylymyz ben kóligimizdiń máselesi ǵoı. Jaqsy maqala. Osynyń bári oryndalsa, myqty bolamyz. Alla jetkizsin! Toǵjan Allabergen, Jambyl oblysy Elbasymyz qashanda eldi qıyn-qystaý kezeń­derde eldi jarqyn bolashaqqa jeteleıtin jobalardy usynyp, óziniń kóregen basshy ekenin dáleldeýmen keledi. Bul baǵdarlama da sonyń biri. Temirlan Qazaqtyń bolashaǵy kásipkerlikpen baılanys­ty. Kásibiń – násibiń dep beker aıtpaıdy. Kez kelgen qazaq óz kásibin taýyp, sodan tabys taýyp jatsa sondaı qazaq úshin maqtanamyn. Shynar Elbasynyń 100 naqty qadamy oryndalsa, elimizde kóp jaqsy ister oryndalar edi. Ásem Jastardyń bolashaǵy úshin bári jasalyp jatyr, tek jastarǵa eńbek etý, bilim alý kerek. Asylbek Bul jospardan endigi kezekte memleketimiz úshin paıdaly isterdi, bastamalardy asyǵa kútemiz. Táýelsiz jyldan beri elimizdi álem aldynda moıyndatyp kele jatqan Prezıdentimizdiń bul bastamasynan da búkil halyq jaqsylyqtan úmitti. Maral Qazaqstannyń árbir azamaty elimizdi súıý kerek, elimizdiń bolashaǵy úshin alańdaýy kerek. Marǵulan, Ońtústik Qazaqstan Memleket basshysynyń «Ult Jospary – qazaqstandyq armanǵa bastaıtyn jol» maqalasyn oqyp shyqtym. Kókeıge túıgenimiz kóp. Armany joq halyqtyń bolashaǵy joq. Memleketimiz kemeldengen jolǵa tústi. Ekonomıkalyq áleýe­timiz kóterildi. Indýstrııalyq-ınnovasııalyq baǵdarlamalar kezeń-kezeńimen júzege asyp jatyr. Barlyq oblystarda óndiris oryndary kóbeıdi. Qazaqstanda turatyn ulttar men ulys­tardyń birligi myqty. Bir maqsat, bir múddege qyzmet etip keledi. Elbasy armandaǵan maqala­synda atap kórsetken máselelerdi ońtaıly sheshýdiń joldary bar. Daǵdarys ótedi, ketedi. Bizdiń halyqqa burynǵydan da bekem bolyp, kásipke mamandaný kerek. Sonda daǵdarys qorqynyshty emes. Qazaqstandy jaqsy bolashaq kútip tur.