Bárimiz de jerimizdiń uqypty ıesi bolaıyq

Elbasy «Egemende» ja­rııalanǵan «Ult Jospary – qazaqstandyq armanǵa bastaıtyn jol» maqalasynda elimizdi aldaǵy jyldary úlken mindetter kútip turǵanyn aıtypty. Árıne, ekonomıkanyń turaqtylyǵy, órkendeý joldary, jańa ózgerister aýyl-qaladaǵy áleýmettik máse­lelerdiń de júzege asýyna baılanysty. О́zim qyzmet jasaıtyn Baıqonys aýyldyq aýmaǵynda Qyzyltań, Tileýbaı aýyldarynda 1,5 myńdaı halyq turady. Aramyzda qazaqpen baıa­ǵydan aralasyp-quralasqan ártúrli ult ókilderi bar. Tirshilik jaqsarýy, el ishinde birliktiń bolýy sııaqty Elbasy únemi aıtyp kele jatqan jaıttardyń osy maqalada da taǵy qaıtalanýy tegin emes. Qazir aınalamyz mazasyz. Sondyqtan birlik kerek ekeni sózsiz. Elimizdiń aldaǵy bolashaǵyna baǵdar salǵan barlyq memlekettik tujyrymdamalar men ustanymdar «Qazaqstan-2050» Strategııalyq josparynda bar. Elbasynyń usynysymen qabyldanǵan «Nurly Jol» baǵdarlamasy, «100 naqty qadam» Ult Jospary osy mańyzdy strategııany júzege asyrýǵa ba­ǵyt­­talǵanyn bárimiz de bilemiz. Osy jolǵy maqala da bárimizge jigerlenińder, alǵa umtylaıyq, zamanǵa ilese qımyldap qyzmet jasaıyq degendi aıtady. «Ár urpaqtyń óz armany bar, olarda tek jeke jáne otbasylyq ıgilikterge ǵana umtylys kórinis tappaıdy. Olarda qashanda týǵan jerge degen súıispenshilik sezimi, óz halqy men Otanynyń baqyty týraly ańsar aıqyn kórinedi», dep jazady Elbasy. Bárimiz de elimiz, týǵan jerimiz, aýylymyzdy súıemiz. Aýdan ákimdigi bastap, bizder qostap joǵarydan tapsyrylǵan úlken aýqymdy mindetterge ilesý úshin eńbek etýdemiz. Kireberis jol aýyldyń ishine deıin baryp, jańaryp, asfalt tóselgeni, aýyldaǵy ár­bir úıge sýdyń kelip turýy eli­mizde qabyldanǵan «Aq­bulaq» baǵdarlamasynyń júzege asýynyń bir kórinisi. Aýyldar qazir qys­qa daıyn, otyn-sý, kómir, baý-baqsha, kúzgi jıyn-terin bári de bar. Dastarqan toly. Bizdiń de kúndelikti jumysymyz – aýyl­da­ǵy halyqtyń turmys-tirshiligine bas-kóz bolyp, qyzmet jasaý. Sońǵy jyldary aýyl sharýashylyǵyn damytý baǵytynda memlekettik «Sybaǵa», «Altyn asyq», «Qulan» baǵdarlamalary qabyldandy. «Biz óz jerimiz ben onyń baı­ly­ǵynyń uqypty ıesi bolýǵa úırený­demiz, jańa tehnologııalardy meńgerip, tarıhymyzda eshqashan bolyp kórmegen óndiristik qýattar men ekonomıkanyń tutas salalaryn iske qosýdamyz. Jáne eń bastysy, biz jańasha armandaýdy, Táýelsiz Qazaqstanymyz bir bólshegi bolyp otyrǵan álemdegi qıyndyqtarǵa qaramastan, el men qoǵamdy damytýda naqty mindetter qoıýdy jáne olardy sheshýdi úırendik...», dep jazdy Elbasy. Iá, ras biz kóp nársege úırendik. Áli de úırenerimiz jetedi. О́rkenıetke jetý degenimiz – ózgelerden úırenip, álemdik ózgeristerge ilesý,talpyný, jańasha armandap ómir súrý. Elbasy maqalasyndaǵy «Je­ri­­miz­diń uqypty ıesi» degen sóz qandaı jaqsy aıtylǵan. Kóbimiz osyny túsinbeı, bilmeı júrmiz. Al, jer baılyq kózi. Jańasha armandaýdy úırendik. Jańa tehnologııalar aýylǵa da keldi. Mysaly, «Jumyspen qam­tý­dyń jol kartasy-2020» baǵdar­lamasynyń negizinde ózderiniń jeke sharýashylyǵyn damytýdy maqsat tutqan 7 otbasy ótken jyly nesıe alyp, iri qara mal satyp aldy. Ertis ózeniniń jaǵasyndaǵy jaıylma jerler sharýa qojalyqtary men aýyldyń ıgiliginde. Qysqy mal azyǵy mol. Baıqonysta 500-den astam iri qara mal men 300-ge tarta qoı qoralaǵan «Illarbek» sharýa qojalyǵyn basqaryp otyrǵan Andreı Gordıenko et-sút ónimderin ózi óndirip, egin egýmen aınalysady. Jańa tehnologııalardy meńgerdik degen osy. Sonymen qatar, et-shujyq ónimderin daıarlap, oblys kóleminde taratýda. Qazir seh mamandary jańa tehnologııalardyń qyr-syryn úırenip, meńgerýde. Qańtar aıynyń sońynda shujyq sehy tolyq qýatynda paıdalanýǵa berilmekshi. Qyzyltań aýylynda 300-den as­tam iri qara mal ósirip otyrǵan «Qyzyl­tań» sharýa qojalyǵynyń basshysy Ádilbek Kempirbaev aýylǵa jumys berip, eńbek etýde. Jerdiń uqypty ıeleri degen mine, osy kásipkerler. Úlken ister aýyl-qalalardaǵy osyndaı shaǵyn bastamalardan bastalady. Elbasynyń «Bizdiń Qazaqstanymyz serpindirek, laıyqtyraq, senim­direk jáne dáýlettirek bolady», degen sóziniń shyndyq ekeni kúmánsiz. Qaırat ALTAEV, Baıqonys aýylynyń ákimi. Pavlodar oblysy, Qashyr aýdany.