Qazaqstan Respýblıkasy Úkimetiniń qaýlysy  №1126

2015 jylǵy 30 jeltoqsan, Astana, Úkimet Úıi Memlekettik qyzmetshilerdiń múlkin senimgerlik basqarýǵa berý qaǵıdalaryn bekitý týraly «Qazaqstan Respýblıkasynyń memlekettik qyzmeti týraly» 2015 jylǵy 23 qarashadaǵy Qazaqstan Respýblıkasy Zańynyń 13-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Memlekettik qyzmetshilerdiń múlkin senimgerlik basqarýǵa berý qaǵıdalary bekitilsin. 2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn. 3. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2015 jylǵy 30 jeltoqsandaǵy №1126 qaýlysymen bekitilgen Memlekettik qyzmetshilerdiń múlkin senimgerlik basqarýǵa berý qaǵıdalary Osy Memlekettik qyzmetshilerdiń múlkin senimgerlik basqarýǵa berý qaǵıdalary (budan ári - Qaǵıdalar) 1995 jylǵy 30 tamyzdaǵy Qazaqstan Respýblıkasynyń Konstıtýsııasyna, 1999 jylǵy 1 shildedegi Qazaqstan Respýblıkasynyń Azamattyq kodeksine (erekshe bólim), «Qazaqstan Respýblıkasynyń memlekettik qyzmeti týraly» 2015 jylǵy 23 qarashadaǵy Qazaqstan Respýblıkasynyń Zańyna jáne Qazaqstan Respýblıkasynyń ózge de normatıvtik quqyqtyq aktilerine sáıkes memlekettik qyzmetshilerdiń múlkin senimgerlik basqarýǵa berý tártibin aıqyndaıdy. 1. Jalpy erejeler 1. Osy Qaǵıdalarda paıdalanylatyn uıymdar: 1) senimgerlik basqarý - senimger basqarýshynyń senimgerlik basqarý shartynda belgilengen ókilettikter sheginde óziniń ıelenýine, paıdalanýyna jene bılik etýine berilgen memlekettik qyzmetshiniń múlkin memlekettik qyzmetshiniń múddesi nemese ol kórsetken basqa adamnyń (paıda alýshynyń) múddesi úshin óz atynan júzege asyratyn basqarý jónindegi qyzmeti; 2) senimger basqarýshy - tıisti sharttyń negizinde memlekettik qyzmetshiniń múlkin senimgerlik basqarýdy júzege asyratyn memlekettik qyzmetshiniń tańdaýy boıynsha kez kelgen adam. 2. Memlekettik qyzmetshi zańnama talaptaryn eskere otyryp, óz qalaýy boıynsha senimgerlik basqarýshyǵa beriletin quqyqtylyqtar kólemin aıqyndaıdy. 3. Memlekettik qyzmetshiniń senimgerlik basqarýǵa berilgen múlikten kiris alýǵa quqyǵy bar. 2. Memlekettik qyzmetshiniń múlkin senimgerlik basqarýǵa berý tártibi 4. Memlekettik qyzmetshiniń múlkin senimgerlik basqarý: 1) mámile; 2) ákimshilik aktiniń negizinde týyndaıdy (belgilenedi). 5. Memlekettik qyzmetshi laýazymǵa kiriskennen keıin bir aı Ishinde osy adamǵa zańdy túrde tıesili aqshany, sondaı-aq múliktik jaldaýǵa berilgen múlikti qospaǵanda, óz menshigindegi, kommersııalyq uıymdardyń jarǵylyq kapıtalyndaǵy úlesterdi, aksııalardy (aksııany) jáne paıdalanylýy kirister alýǵa ákeletin ózge de múlikti memlekettik qyzmetti atqarý ýaqytynda senimgerlik basqarýǵa beredi. 6. Memlekettik qyzmetshi múlikti senimgerlik basqarý shartynyń notarıat kýálandyrǵan kóshirmesin notarıat kýálandyrǵan kúnnen bastap on kún merzimde jumys ornyndaǵy memlekettik organnyń personaldy basqarý qyzmetine (kadr qyzmetine) beredi. 7. Taraptardyń bireýi múlikti senimgerlik basqarý shartyn buzǵan jaǵdaıda, memlekettik qyzmetshi búl týraly jumys ornyndaǵy personaldy basqarý qyzmetin (kadr qyzmetin) bir aı merzimde habardar etedi, al senimgerlik basqarýǵa berýge jatatyn múlik shart buzylǵannan keıin bir aı merzimde osy Qaǵıdalarda belgilengen tártippen sharttyń notarıat kýálandyrǵan kóshirmesin jumys ornyndaǵy personaldy basqarý qyzmetine (kadr qyzmetine) bere otyryp, qaıtadan senimgerlik basqarýǵa beriledi. 8. Múlikti senimgerlikpen basqarý sharty mindettemelerdi toqtatýdyń jalpy negizderimen qatar: 1) senimger basqarýshy-azamat qaıtys bolǵanda, ony óldi dep jarııalaǵanda, ony áreketke qabiletsiz nemese áreketke qabileti shekteýli, habar-osharsyz ketken dep tanyǵanda; zańdy tulǵa-senimger basqarýshy taratylǵanda; 2) senim bildirilgen múlikti basqarýdy jeke júzege asyrý senimgerlikpen basqarýshy úshin múmkin bolmaýyna baılanysty senimger basqarýshy nemese memlekettik qyzmetshi bas tartqanda; 3) senimger basqarýshyǵa zalaldar jáne shartta kózdelse, syıaqy tólengen jaǵdaıda memlekettik qyzmetshi shartty oryndaýdan bas tartqanda; 4) eger shartta kózdelse, kepil aýyrtpalyǵymen berilgen múlikti syıaqy bere otyryp basqarýǵa berý týraly senimger basqarýshyǵa habarlanbaǵan jaǵdaıǵa oraı ol bas tartqanda toqtatylady. 9. Múlikti senimgerlik basqarý sharty qoldanylýynyń toqtatylýy nemese qaıta jasalýy týraly kez kelgen keıingi aqparatty memlekettik qyzmetshi kórsetilgen oqıǵalar bastalǵannan keıin on kún merzimde jumys ornyndaǵy memlekettik organnyń personaldy basqarý qyzmetine (kadr qyzmetine) usynady. Múlikti senimgerlik basqarý sharty qaıtadan jasalǵan kezde onyń notarıat kýálandyrǵan kóshirmesi osy Qaǵıdalarda belgilengen tártippen jumys ornyndaǵy memlekettik organnyń personaldy basqarý qyzmetine (kadr qyzmetine) beriledi. Qazaqstan Respýblıkasy Úkimetiniń 2015 jylǵy 30 jeltoqsandaǵy №1126 qaýlysyna qosymsha Qazaqstan Respýblıkasy Úkimetiniń kúshi joıylǵan keıbir sheshimderiniń tizbesi 1. «Memlekettik qyzmetshilerdiń múlkin senimgerlik basqarýǵa berý qaǵıdasyn bekitý týraly» Qazaqstan Respýblıkasy Úkimetiniń 2000 jylǵy 20 qańtardaǵy № 99 qaýlysy (Qazaqstan Respýblıkasynyń PÚAJ-y, 2000 j., № 3, 38-qujat). 2. «Qazaqstan Respýblıkasy Úkimetiniń 2000 jylǵy 20 qańtardaǵy № 99 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń 2000 jylǵy 27 maýsymdaǵy № 958 qaýlysy (Qazaqstan Respýblıkasynyń PÚAJ-y, 2000 j., № 27, 321-qujat). 3. «Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2008 jylǵy 25 naýryzdaǵy № 283 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 2-tarmaǵy (Qazaqstan Respýblıkasynyń PÚAJ-y, 2008 j., № 16, 149-qujat). 4. «Qazaqstan Respýblıkasy Úkimetiniń 2000 jylǵy 20 qańtardaǵy № 99 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń 2011 jylǵy 12 mamyrdaǵy № 508 qaýlysy (Qazaqstan Respýblıkasynyń PÚAJ-y, 2011 j., № 38, 460-qujat).