Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń buıryǵy №51

2015 jylǵy 13 aqpan,  Astana qalasy Memlekettik qyzmet isteri jáne sybaılas jemqorlyqqa qarsy is-qımyl organdarynda qyzmet ótkerýdiń keıbir máseleleri «Quqyq qorǵaý qyzmeti týraly» Qazaqstan Respýblıkasynyń Zańyn iske asyrý maqsatynda, sondaı-aq Qazaqstan Respýblıkasy Prezıdentiniń 2014 jylǵy 29 tamyzdaǵy №900 Jarlyǵymen bekitilgen Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi týraly erejeniń 20-tarmaǵynyń 3) tarmaqshasyn basshylyqqa ala otyryp, buıyramyn: 1. Qosa berilip otyrǵan: 1) osy buıryqqa 1-qosymshaǵa sáıkes Memlekettik qyzmet isteri jáne sybaılas jemqorlyqqa qarsy is-qımyl organdarynda sybaılas jemqorlyqqa qarsy qyzmettiń kadr rezervin qalyptastyrý qaǵıdalary; 2) osy buıryqqa 2-qosymshaǵa sáıkes Memlekettik qyzmet isteri jáne sybaılas jemqorlyqqa qarsy is-qımyl organdarynyń sybaılas jemqorlyqqa qarsy qyzmeti qyzmetkeriniń derbes derekteri bar jeke isterin júrgizý qaǵıdalary; 3) osy buıryqqa 3-qosymshaǵa sáıkes Memlekettik qyzmet isteri jáne sybaılas jemqorlyqqa qarsy is-qımyl organdarynyń sybaılas jemqorlyqqa qarsy qyzmetiniń qyzmetkerlerine kótermeleýler qoldaný qaǵıdalary; 4) osy buıryqqa 4-qosymshaǵa sáıkes Memlekettik qyzmet isteri jáne sybaılas jemqorlyqqa qarsy is-qımyl organdarynyń sybaılas jemqorlyqqa qarsy qyzmetiniń qyzmetkerlerin tártiptik jaýapkershilikke tartý qaǵıdalary men sharttary; 5) osy buıryqqa 5-qosymshaǵa sáıkes Memlekettik qyzmet isteri jáne sybaılas jemqorlyqqa qarsy is-qımyl organdarynyń qaramaǵyndaǵy sybaılas jemqorlyqqa qarsy qyzmet qyzmetkerleriniń qyzmet ótkerý qaǵıdalary; 6) osy buıryqqa 6-qosymshaǵa sáıkes Memlekettik qyzmet isteri jáne sybaılas jemqorlyqqa qarsy is-qımyl organdarynyń sybaılas jemqorlyqqa qarsy qyzmetindegi kásibı, qyzmettik jáne dene shynyqtyrý daıarlyqtaryn uıymdastyrý qaǵıdalary; 7) osy buıryqqa 7-qosymshaǵa sáıkes Attestattaýdan ótý kezindegi testileýden ótý qaǵıdalary men sharttary, memlekettik qyzmet isteri jáne sybaılas jemqorlyqqa qarsy is-qımyl organdarynyń sybaılas jemqorlyqqa qarsy qyzmeti qyzmetkerleriniń dene shynyqtyrý jáne jaýyngerlik daıarlyq boıynsha normatıvteri; 8) osy buıryqqa 8-qosymshaǵa sáıkes Sybaılas jemqorlyqqa qarsy qyzmetke orta basshy quramdaǵy laýazymdaryna birinshi ret qabyldanatyn adamdar úshin arnaıy bastapqy oqýdan ótý qaǵıdalary men sharttary bekitilsin. 2. Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń (budan ári - Agenttik) Ákimshilik jumys departamenti osy buıryqtyń Qazaqstan Respýblıkasynyń zańnamasymen belgilengen tártipte Qazaqstan Respýblıkasynyń Ádilet mınıstrliginde memlekettik tirkelýin jáne onyń resmı jarııalanýyn qamtamasyz etsin. 3. Osy buıryqtyń oryndalýyn baqylaý Agenttiktiń apparat basshysy A.A.Shaıymovaǵa júktelsin. 4. Osy buıryq alǵash resmı jarııalanǵan kúnnen bastap qoldanysqa engiziledi. Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Tóraǵasy Q.QOJAMJAROV. Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi Tóraǵasynyń 2015 jylǵy 2 aqpandaǵy №51 buıryǵyna 1- qosymsha Sybaılas jemqorlyqqa qarsy qyzmettiń kadr rezervin qalyptastyrý qaǵıdalary 1. Jalpy erejeler 1. Osy Sybaılas jemqorlyqqa qarsy qyzmettiń kadr rezervin qalyptastyrý qaǵıdalary (budan ári - Qaǵıdalar) «Quqyq qorǵaý qyzmeti týraly» Qazaqstan Respýblıkasy Zańynyń 34-babynyń 10-tarmaǵyna sáıkes ázirlendi jáne Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi (budan ári – Agenttik) jáne onyń aýmaqtyq bólimsheleri qyzmetkerleriniń kadr rezervin qalyptastyrý tártibin belgileıdi. 2. Kadr rezervi sybaılas jemqorlyqqa qarsy qyzmettiń joǵary turǵan bos laýazymdaryna keıinnen ornalasý úshin qurylady. 3. Sybaılas jemqorlyqqa qarsy qyzmet qyzmetkerleriniń (budan ári - qyzmetker) kadr rezervinde turý merzimi úsh jyldan aspaýy tıis. Kadr rezervine alynǵan, biraq kadr rezervinde turý kezeńinde olar úshin josparlanǵan laýazymdarǵa taǵaıyndalmaǵan adamdar kadr rezervine jalpy negizderde jańadan alynýy múmkin. 4. Bos basshy laýazymǵa sybaılas jemqorlyqqa qarsy qyzmettiń kadr rezervinde turǵan adam ornalasady. Kadr rezervinde turǵan qyzmetker usynylǵan laýazymnan bas tartqan jaǵdaıda, bos laýazymǵa attestattaý nátıjeleri nemese kadrlardy irikteý boıynsha basqa qyzmetker ornalastyrylady. 2. Sybaılas jemqorlyqqa qarsy qyzmettiń kadr rezervin qalyptastyrý 5. Kadr rezervi árbir memlekettik qyzmet isteri jáne sybaılas jemqorlyqqa qarsy is-qımyl organynda (budan ári – organ) kadr quramynyń sapalyq jaǵyn, sybaılas jemqorlyqqa qarsy qyzmet laýazymdaryna ornalastyrý qajettiligin eskere otyryp, sonymen qatar ornalastyrýǵa jatatyn árbir laýazymǵa keminde eki úmitkerdiń esebinen qurylady. 6. Kadr rezervin qalyptastyrý kózderi: 1) Agenttiktiń qurylymdyq, aýmaqtyq bólimsheleri basshylarynyń usynystary boıynsha, qyzmettik mindetterin atqarý kezinde ne arnaıy tapsyrmalardy oryndaý kezinde uıymdastyrýshylyq qabiletin tanytqan kadr rezervine alýǵa usynylǵan qyzmetkerler; 2) attestattaý nátıjesi boıynsha basshy laýazymdarǵa nemese aýqymdy jumystarǵa joǵarylatýǵa usynylǵan qyzmetkerler. 7. Kadr rezervine alý úshin úmitkerlerdi irikteý qyzmetkerlerdiń jeke jáne kásibı qasıetterin, qyzmetteriniń nátıjelerin zerdeleý jáne baǵalaý, sondaı-aq attestattaý komıssııasynyń sheshimi negizinde júzege asyrylady. Kadr rezervine alý úshin úmitkerlerdi irikteý kezinde mynalar eskeriledi: 1) usynylyp otyrǵan laýazymǵa ornalastyrýǵa kózdelgen biliktilik talaptary boıynsha sáıkestigi; 2) usynylyp otyrǵan qyzmet túri boıynsha tıisti kásiptik daıarlyǵynyń jáne jumys tájirıbesiniń bar bolýy; 3) densaýlyq jaǵdaıy; 4) kásiptik qaıta daıarlaý jáne biliktiligin arttyrý nátıjeleri; 6) tıimdilik qyzmetin baǵalaý nátıjeleri. 8. Kadr rezervine úmitkerlerdi sapaly irikteý jáne alý múmkindigi týraly usynymdy daıyndaý maqsatynda kadr rezervine alý jónindegi komıssııa (budan ári - komıssııa) qurylady. 9. Komıssııanyń quramy Agenttikte Agenttik Tóraǵasynyń, aýmaqtyq bólishelerde aýmaqtyq bólimsheler basshylarynyń buıryǵymen bekitiledi. 10. Komıssııa otyrysy ár jyl saıyn qańtarda ótkiziledi. 11. Kadr rezervine úmitkerler boıynsha materıaldardy personalmen jumys jasaý bólimshelerine: 1) Agenttiktiń kadr rezervi boıynsha - Agenttiktiń qurylymdyq jáne aýmaqtyq bólimsheleriniń basshylary; 2) Agenttiktiń aýmaqtyq bólimsheleriniń kadr rezervi boıynsha - bul organdardyń qurylymdyq bólimsheleriniń basshylary joldaıdy. 12. Úmitkerler boıynsha materıaldar osy Qaǵıdalardyń 7-tarmaǵynda kózdelgen málimetterdi, sondaı-aq osy Qaǵıdalarǵa №1 qosymshaǵa sáıkes nysan boıynsha baǵalaý paraqtaryn qamtýy tıis. 13. Personalmen jumys jasaý bólimshesi usynylǵan materıaldardyń tolyqtyǵyn, úmitkerdiń kadr rezervine qabyldaý úshin usynylatyn laýazymǵa ornalasýǵa kózdelgen biliktilik talaptaryna sáıkes bolýyn tekseredi jáne olardy otyrysty ótkizgenge deıin kúntizbelik úsh kúnnen kem emes merzimde qaraý úshin komıssııaǵa joldaıdy. 14. Otyrys qorytyndysy boıynsha komıssııa sybaılas jemqorlyqqa qarsy qyzmettiń kadr rezervine qabyldaý nemese bas tartý týraly sheshim qabyldaıdy. Komıssııa sheshimi ashyq daýys berý arqyly qabyldanady jáne otyrysqa qatysyp otyrǵan komıssııa músheleriniń kópshilik daýystary oǵan berilgen jaǵdaıda qabyldanǵan bolyp esepteledi. Daýystar teń bolǵan jaǵdaıda, komıssııa tóraǵasynyń bergen daýysy sheshýshi bolyp tabylady. Komıssııanyń kadr rezervine qabyldaý sheshimi otyrysqa qatysqan barlyq komıssııa músheleriniń jáne hatshynyń qoly qoıylǵan hattamamen resimdeledi. 15. Kadr rezervine qabyldanǵan adamdar týraly málimetter osy Qaǵıdalarǵa №2 qosymshaǵa sáıkes nysan boıynsha kadr rezervine qabyldanǵan organ basshysynyń bekitetin sybaılas jemqorlyqqa qarsy qyzmet qyzmetkerleriniń tizimine engiziledi. Rezervke qabyldanǵan qyzmetkerlerdiń tizimderin qurý jáne ony júıelendirý personalmen jumys jasaý bólimshelerine júkteledi. 16. Eger laýazymyn joǵarlatý turǵylyqty ornyn aýystyrýdy boljaıtyn bolsa, onda úmitkerdiń jáne onyń otbasy músheleriniń densaýlyq jaǵdaıy esepke alyna otyryp, tıisti óńirde turý múmkindigi eskeriledi. 17. Organdardyń basshylary rezervte turǵan adamdar jaıly tereń zertteý boıynsha, olardyń iskerlik jáne moraldyq qasıetterin, kásibı sheberligin jáne uıymdastyrýshylyq daǵdylaryn jetildirý boıynsha is-sharalardy iske asyrdy. Kadr rezervinde turǵan tulǵalar: 1) joǵary oqý oryndarynan keıingi baǵdarlamalar boıynsha oqýǵa jiberiledi; 2) joǵary turǵan quramdaǵy laýazymdarda taǵylymdamadan ótedi; 3) jedel jattyǵýlarǵa, oqý-ádistemelik jıyndarǵa, ǵylymı- tájirıbelik konferensııalarǵa qatysady; 4) organdardyń qyzmetin tekserý jáne olarǵa jumysty uıymdastyrýda kómek kórsetý úshin brıgada basshylyǵynda nemese brıgadalar quramynda qyzmettik issaparǵa jiberiledi; 5) organdardyń qyzmetine keshendi ınspektorlyq tekseristerdi júrgizý úshin brıgadalar quramyna engiziledi; 6) qylmystardy ashýdy jáne tergeýdi uıymdastyrýǵa, quqyq buzýshylyqtardyń aldyn alý jáne qylmysqa qarsy kúres jónindegi is-sharalardy ótkizýge tartylady; 7) oryndalýy qyzmetkerdi joǵarylatý boljanyp otyrǵan laýazymmen baılanysty tapsyrmalardy alady, sondaı-aq basshylardyń eńbek demalysy, issaparlary, naýqastanýy kezinde olardyń mindetin atqarady (shtattyq orynbasarlary bolmaǵan jaǵdaıda); 8) normatıvtik aktilerdiń jobalaryn, basqarýshylyq sheshimderdi ázirleýge, alqa májilisinde, jedel keńesterde qaralatyn máselelerdi daıyndaýǵa, hattardy, aryzdar men shaǵymdardy sheshýge tartylady; 9) birjolǵy talaptardy (qylmysqa qarsy kúrestiń jaı-kúıin taldaý jáne qoǵamdyq tártipti saqtaý, buıryqtardyń, alqa májilisteri, jedel keńester sheshimderiniń oryndalýyn tekserý, josparlardyń jobalaryn, joǵary turǵan satylarǵa aqparat daıyndaıdy) oryndaıdy; 10) bekitilgen baǵdarlamaǵa sáıkes psıhologııalyq arnaıy daıarlyqty ótedi. 3. Kadr rezervinen shyǵarý tártibi 18. Qyzmetkerlerdi kadr rezervinen shyǵarý: 1) qyzmettik jumys deńgeıi men nátıjeleri tómendegen; 2) sybaılas jemqorlyq quqyq buzýshylyq jasaǵany úshin tártiptik jaýapkershilikke tartylǵan; 3) kadr rezervinde turǵan tulǵany qyzmetine tolyq sáıkes emestigi týraly eskertý, atqaryp otyrǵan laýazymynan bosatý, biliktilik synybyn bir satyǵa tómendetý nemese vedomstvolyq nagradalardan aıyrý túrindegi tártiptik jaza berilgen; 4) quqyq qorǵaý organdarynda qyzmet etý týraly zańnamaǵa sáıkes azamattardyń qyzmette bolýyn shekteıtin kadr rezervine esepke alý týraly sheshim qabyldaý kezinde bolmaǵan nemese belgisiz negizder týyndaǵan; 5) olardyń qasıetteriniń joǵary laýazymdardaǵy jumysqa qoıylatyn talaptarǵa sáıkes emestigi (sonyń ishinde densaýlyǵyna baılanysty) anyqtalǵan; 6) rezervtegi adam joǵary turǵan sanattaǵy bos laýazymdy atqarǵan; 7) qyzmetten bosatý. 19. Kadr rezerviniń tizimderinen shyǵarý komıssııa sheshimimen júzege asyrylady, bul týraly boljanyp otyrǵan laýazymǵa taǵaıyndaý quqyǵy berilgen basshysyna habarlanady. Qyzmetkerdi tizimnen shyǵarý týraly qabyldanǵan sheshimin hattamamen resimdeledi. Onymen ol úsh kúndik merzimde qol qoıý arqyly tanystyrylady. Sybaılas jemqorlyqqa qarsy qyzmettiń kadr rezervin qalyptastyrý qaǵıdalaryna 1 qosymsha Nysan Memlekettik qyzmet isteri jáne sybaılas jemqorlyqqa qarsy is-qımyl organdarynyń kadr rezervine qabyldaý úshin úmitkerlerdi baǵalaý paraǵy Tegi, aty, ákesiniń aty (bolǵan jaǵdaıda) ________________________ Laýazymy, jumys orny __________________________ Týǵan jyly_______________________________________________________ Bilimi (joǵary oqý oryn,mamandyǵy): ___________ Jınaqtalǵan jumys tájirıbesi (kereginiń astyn syzý): - monofýnksıonaldy/arnaıy; - mýltıfýnksıonaldy/jan-jaqty. Usynylatyn laýazym_______________________________________________ Minezdeme Minezdemeniń aýyrlyq deńgeıi Tómengi deńgeı Ortasha deńgeı Jetkilikti deńgeı Joǵary deńgeı Quzirettiligi Tehnıkalyq (qyzmetiniń mazmunyna baılanysty oryndalǵan jumys túrine tán tehnologııalyq bilimi) Basqarýshylyq (josparlaý, taldaý ádisterin bilý) Ekonomıkalyq (ekonomıkalyq taldaý men baǵalaýdyń erekshe tásilderin bilý) Tulǵalyq minezdeme Taldaý Máseleniń logıkalyq jaǵynan tujyrymdaý nemese basymdysyn belgileı otyryp balamaly sheshimin taba bilý Sıntez Máseleniń eń mańyzdy elementterin anyqtaý qabileti Shyǵarmashylyq Qalypty jaǵdaıdan tys, máseleniń fýnksıonaldy sheshimin bólip kórsetý jáne damytý qabileti Qarapaıym sheshim Belgili jaǵdaıda tez arada shuǵyl sheshim qabyldaý Qıyn sheshim Naqtylyq joq jaǵdaıda syrtqy kúshterdi paıdalana otyryp, barlyq yqtımal sheshimderdi nazarǵa alý qabileti Iske asyrý Berilgen tapsyrmanyń qıyndyǵyna, kedergilerge, qaramastan oryndaýǵa degen umtylysy Josparlaý Tapsyrmany oryndaý úshin Is- sharanyń josparyn ázirleý barysynda onyń basymdy jaqtaryn, negizgi maqsatta merzimin jáne baqylaý mehanızmin taba bilý Uıymdastyrýshylyq Jedel sheshim qabyldaý jáne basqa mindetterin oryndaý úshin resýrstardy (personal,ádis-tásilder,qural-jabdyqtar,ýaqyt,syzba asa tıimdi paıdalaný qabileti. Qadaǵalaý Baǵdarlamanyń oryndalýyna qajetti ózgeristerdi engize otyryp,shuǵyl at salysý baǵa berý jáne qadaǵalaý qabileti. Qarym-qatynas Adamdarmen qarym-qatynas ornatý arqyly qoıylǵan maqsatqa jetý úshin uıymdastyrýshylyǵy, sonymen qatar qolaıly shyǵarmashylyq orta qalyptastyrý. kóldeneń: qoıylǵan maqsattyń oryndalýy barysynda kópshilikpen yntymaqtastyq qatynasqa túse bilý (qarym-qatynas ornata alýmen qatar ózindik beınesin saqtaı alý jáne memlekettik organnyń kózqarasyn buzbaý) tiginen: talap qoıa bilý jáne nemese óz qaramaǵyndaǵylardy, sondaı-aq basshyny qoldaý Eskertý: «Minezdemeniń aýyrlyq deńgeıi» baǵanynda qarastyrylyp otyrǵan úmitkerge tán baǵanyna « + » belgisin qoıý qajet. Qurylymdyq (aýmaqtyq) bólimsheniń basshysy ______________ ______________(qoly) ( tegi, aty-jóni ) Toltyrylǵan kúni ____________ Sybaılas jemqorlyqqa qarsy qyzmettiń kadr rezervin qalyptastyrý qaǵıdalaryna 2-qosymsha Nysan Bekitemin __________________________________ (laýazymy, tegi, aty-jóni (bolǵan jaǵdaıda), tizimdi bekitetin tulǵanyń qoly) Kadr rezervine qabyldanǵan sybaılas jemqorlyqqa qarsy qyzmeti qyzmetkerleriniń tizimi № r/s Arnaýly ataǵy, tegi, aty, ákesiniń aty; atqaryp otyrǵan laýazymy; laýazymda qaı ýaqyttan beri Týǵan kúni, bilimi (qandaı oqý ornyn jáne qashan bitirdi), belgilengen biliktilik synyby qaı ýaqyttan beri Qandaı sanattaǵy laýazymǵa joǵarlatý usynylady (sanaty jáne laýazymnyń ataýy) Rezervke engizýdiń negizi, rezervke engizý týraly komıssııa sheshiminiń kúni Laýazymǵa taǵaıyndalǵany nemese rezervten shyǵarylǵany týraly belgi jáne negizi Qoly_____________________________________________________ (laýazymy, tegi, aty-jóni (bolǵan jaǵdaıda) jáne tizimdi qurastyrǵan tulǵanyń qoly) Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi Tóraǵasynyń 2015 jylǵy 13 2 aqpandaǵy №51 buıryǵyna 2-qosymsha Memlekettik qyzmet isteri jáne sybaılas jemqorlyqqa qarsy is-qımyl organdarynyń sybaılas jemqorlyqqa qarsy qyzmeti qyzmetkeriniń derbes derekteri bar jeke isterin júrgizý qaǵıdalary 1. Jalpy erejeler 1. Osy Memlekettik qyzmet isteri jáne sybaılas jemqorlyqqa qarsy is-qımyl organdarynyń sybaılas jemqorlyqqa qarsy qyzmeti qyzmetkeriniń derbes derekteri bar jeke isterin júrgizý qaǵıdalary (budan ári - Qaǵıdalar) «Quqyq qorǵaý qyzmeti týraly» Qazaqstan Respýblıkasy Zańynyń 42-babynyń 7-tarmaǵyna sáıkes ázirlengen jáne sybaılas jemqorlyqqa qarsy qyzmettiń qyzmetkerleriniń jeke isterin resimdeý jáne júrgizý, olardy esepke alý, saqtaý jáne berý tártibin anyqtaıdy. 2. Memlekettik qyzmet isteri jáne sybaılas jemqorlyqqa qarsy is-qımyl organdarynyń sybaılas jemqorlyqqa qarsy qyzmetine (budan ári – sybaılas jemqorlyqqa qarsy qyzmet) túsetin úmitkerge kadr bólimsheleri jeke is resimdeıdi, oǵan barlyq zerdeleý materıaldary jáne odan ári qyzmettik is-áreketteri men quqyq qorǵaý qyzmetindegi eńbek ótili týraly málimetter tigiledi. 3. Jeke iste burynǵy eńbek qyzmeti, Qarýly Kúshterde, áskerlerde, arnaıy memlekettik jáne quqyq qorǵaý organdarynda qyzmet ótkerýi, ómirbaıandyq jáne áleýmettik sıpattaǵy derekter, zerdeleýdiń, arnaıy tekseristerdiń nátıjeleri men basqa da málimetter kórsetiledi. 4. Qyzmetkerdiń jeke isindegi jáne esepke alý qujattaryndaǵy málimetter Qazaqstan Respýblıkasynyń «Memlekettik qupııalar týraly» Zańyna sáıkes memlekettik qupııalarǵa jatady. 5. Personalmen jumys jasaý bólimsheleri sybaılas jemqorlyqqa qarsy qyzmettiń qyzmetinde turǵan barlyq adamdarǵa jeke isterdi resimdeıdi jáne júrgizedi. 6. Jeke is negizgi qujat bolyp tabylady, onda sybaılas jemqorlyqqa qarsy qyzmet qyzmetkeriniń qyzmettik, kásibı jáne qoǵamdyq qyzmetin sıpattaıtyn barlyq derbes derekter men materıaldar jınaqtalady. 7. Jeke istiń materıaldary qyzmetkerdiń qyzmet ótkerýi týraly máselelerdi sheshý, kezekti biliktilik synyptardy belgileýge usyný, marapattaý men kótermeleý, qyzmetkerlerdiń sanattaryn kóterý, laýazymdyq jalaqysynyń mólsherin anyqtaý úshin qyzmet ótilin, eńbek ótilin, zeınetaqyny belgileý úshin eńbek sińirgen jyldaryn esepteý jáne basqa da qajetti kadrlyq rásimderdi júrgizý úshin paıdalanylýy múmkin. 8. Jeke is qyzmetkerdiń, jumyskerdiń aqparattyq modeli retinde bolady jáne onyń qyzmettik jáne eńbek qyzmetin, iskerlik jáne jeke qasıetterinen turatyn naqty jáne tolyq ómirbaıandyq derekteri qamtylǵan esepke alý qujaty ǵana emes, osy málimetterdi zańdy túrde rastaıtyn qujattardyń (minezdemeler, qyzmettik attestattaý, ant, usynystar jáne basqa materıaldar) ózindik qoımasy retinde paıdalanylady. 9. Jeke istiń barlyq materıaldary qujattardyń túsip qalýyna jol bermeıtin tózimdi jippen tıisti bólimderge tigiledi. Jelimdi, skotchty, steplerdi jáne qujattardy bekitýge arnalǵan basqa da quraldardy paıdalanýǵa tyıym salynady. 2. Sybaılas jemqorlyqqa qarsy qyzmet qyzmetkeriniń jeke isterin resimdeý jáne júrgizý 10. Jeke is sybaılas jemqorlyqqa qarsy qyzmettiń kadrlaryn derbes esepke alatyn qujat bolyp tabylady jáne ol bes bólimnen turady. Birinshi bólimde: 1) qyzmettik tizim; 2) qyzmet ótilin anyqtaý jónindegi komıssııanyń qorytyndysy; 3) qyzmetiniń jeke kezeńderin rastaý týraly qorytyndysy saqtalady. Ekinshi bólimde: 1) attestattaý paraqtary; 2) qyzmettik minezdemeler; 3) biliktilik synypty belgileýge (tómendetýge, qaıta qalpyna keltirýge) usynystar; 4) kezekti biliktilik synypty belgileýge usynysty keshiktirip berý týraly sheshim; 5) qyzmeti boıynsha aýysýǵa usynystar jáne baıanattar; 6) qyzmetten shyǵarýǵa usynystar men baıanattar; 7) qyzmetten bosatý týraly habarlama; 8) marapattaý paraqtary, kótermeleý (marapattaý) týraly usynystar; 9) testileýdiń, dene shynyqtyrý daıarlyǵy boıynsha normatıvterdi tapsyrý nátıjeleri; 10) sertıfıkattardyń (arnaıy alǵashqy oqýdy, qaıta daıarlaý kýrstaryn, biliktilikti arttyrý, sondaı-aq memlekettik qyzmet isteri jáne sybaılas jemqorlyqqa qarsy is-qımyl organdarynyń bıýdjeti esebinen tólenetin tildik, bilim berý jáne basqa da kýrstardy bitirgeni týraly) kóshirmeleri saqtalady. Úshinshi bólimde: 1) sybaılas jemqorlyqqa qarsy qyzmetke qabyldaý týraly ótinish; 2) ómirbaıan (óz qolymen jazylǵan jáne basylǵan túrde, (kadr bólimshesi qyzmetkeriniń qolymen rastalǵan); 3) kadrlardy esepke alý jónindegi jeke paraqsha (kadr bólimshesiniń mórimen rastalǵan fotosýretpen); 4) sybaılas jemqorlyqqa qarsy qyzmetke qabyldaý týraly qorytyndy; 5) qyzmetke (oqýǵa) túsýge deıingi usynylatyn minezdemeler (qyzmettik, oqý jáne taǵy.b.); 6) konkýrstyq komıssııa materıaldary (Qazaqstan Respýblıkasynyń zańnamasyn, memlekettik tildi bilýin jáne jeke quziretin testileý nátıjeleri; dene shynyqtyrý daıyndyǵy boıynsha normatıvterdi tapsyrý nátıjeleri, polıgrafologııalyq zertteý nátıjeleri); 7) ortalyq (okrýgtik) áskerı-dárigerlik komıssııasynyń anyqtamasy; 8) osy Qaǵıdalardyń 1-qosymshasyna sáıkes jazylym; 9) osy Qaǵıdalardyń 2-qosymshasyna sáıkes mindettemeler; 10) osy Qaǵıdalardyń 3-qosymshasyna sáıkes sybaılas jemqorlyqqa qarsy shekteýleri; 11) ) osy Qaǵıdalardyń 4-qosymshasyna sáıkes Qazaqstan Respýblıkasy memlekettik qyzmetshileriniń ar-namys kodeksin, Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl Agenttigi jáne onyń aýmaqtyq qurylymdary qyzmetkerleriniń qyzmettik etıka erejelerin saqtaý jónindegi mindetteme; 12) Qazaqstan Respýblıkasy Prezıdentiniń 2014 jylǵy 29 tamyzdaǵy № 900 jarlyǵyna sáıkes Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy agenttigi qyzmetkerleri anttarynyń mátini bar qol qoıylǵan blank. Tórtinshi bólim (jeke papka) – «Muraǵattyq materıaldar»: 1) eskirgen qyzmettik tizimder; 2) eskirgen ómirbaıandar men kadrlardy esepke alý jónindegi jeke paraqshalar; 3) qyzmetkerdiń baıanaty; 4) qyzmettik tekserister men tergeýlerdiń qorytyndylary men materıaldary; 5) jeke quram jınalystary otyrystarynyń sheshimderi men hattamalary; 6) Ortalyq áskerı-dárigerlik komıssııasynyń eskirgen anyqtamalary, densaýlyq jaǵdaıy týraly, jaraqattar men kontýzııalar týraly anyqtamalar jáne basqalary; 7) qyzmetkerdiń qyzmeti boıynsha basqa jerge aýysýy jónindegi joldamanyń úshinshi bóligi; 8) sybaılas jemqorlyqqa qarsy qyzmettegi qyzmet merzimin uzartý týraly qoldaýhat pen baıanat; 9) qyzmeti boıynsha aýysý kezindegi usynymdar; 10) kadr rezervine engiziletin úmitkerlermen jumys jónindegi materıaldar; 11) ózekti emes jaǵdaıdaǵy jeke istiń basqa da qujattary. Besinshi bólim (jeke papka) – «Zerdeleý jáne arnaıy tekseris materıaldary» sybaılas jemqorlyqqa qarsy qyzmetine qyzmetke túsetin úmitkerlerdi zerdeleý jáne arnaıy tekseris materıaldarynan, qyzmetkerdiń júzege asyratyn qyzmeti kezeńderindegi qosymsha tekserý materıaldarynan qalyptastyrylady. Atalǵan bólikte zerdeleý materıaldary: 1) zerdeleýge jáne tekserýge keliskeni týraly ótinishi; 2) sybaılas jemqorlyqqa qarsy qyzmetke úmitkerdiń saýalnamasy; 3) sybaılas jemqorlyqqa qarsy qyzmetke úmitkerdiń jeke basyn zerdeleý saýalnamasy; 4) usynymdar (sybaılas jemqorlyqqa qarsy qyzmetke qabyldaý (qaıta qalpyna keltirý) kezindegi jeke kepildikter); 5) úmitkerdiń turatyn jeri boıynsha tekseristerdiń nátıjeleri jónindegi baıanattar, anyqtamalar, pikirler; 6) úmitkerdiń turatyn jeri boıynsha ýchaskelik polısııa ınspektorynyń anyqtama-usynymdary. Tekseris materıaldary: 1) tekseris júrgizý jospary; 2) sottylyqtyń bolýy nemese bolmaýy týraly talaptar; 3) arnaıy tekseris nátıjeleri; 4) qosymsha tekserister boıynsha materıaldar (sottalǵan týystaryna jáne taǵy basqa anyqtamalar men minezdemeler); 5) jedel-tyńshylyq jumysqa qorytyndy (ruqsat qaǵazy); 6) memlekettik qupııalarǵa ruqsat berý týraly shart (kelisimshart). Jeke istiń syrtqy muqabasy osy Qaǵıdalardyń 5-qosymshasyna kórsetilgen nysan boıynsha rásimdeledi. Jeke is qalyń kartonnan ázirlengen papka-qaptamaǵa (kólemi 250h320 mıllımetr) salynady, onyń joǵarǵy túbirsheginde salystyryp tekserý kitabyna sáıkes jeke istiń nómiri kórsetiledi. Syrtqy muqabasy men papka qolmen jazylǵan mátindi paıdalanýsyz kelisimdi ári birtekti bolýy qajet. Jeke istiń syrtqy muqabasynyń ishki jaǵynda qyzmetkerdiń belgilengen kúndelikti kıim nysanyndaǵy kólemi 9h12 (syrtqy kıimsiz jáne bas kıimsiz) túrli-tústi fotosýreti (anfas, bıýst) bekitiledi. Fotosýrettiń ekinshi jaǵyna qara sııamen qyzmetkerdiń tegi, aty, ákesiniń aty (bar bolǵanda) jazylady, ol kadr qyzmetkeriniń nemese tikeleı bastyqtyń qolymen rastalady jáne oǵan kadr qurylymynyń móri basylady. Kezekti biliktilik synybyn bergen kezde fotosýret aýystyrylady, ózekti emes fotosýretter konvertte saqtalady. Ekinshi ishki jaǵynda kólemi 200h280 mılımetr joǵarǵy klapany bar konvert ornalastyrylady. Konvertte kelesi mynadaı qujattar: 1) kadr bólimshesiniń qyzmetkeri kýálandyrǵan jeke kýáliktiń kóshirmesi; 2) notarıaldy túrde rastalǵan bilim týraly qujattardyń kóshirmeleri (bilim berýdiń oqý baǵdarlamalarynyń úzdik­­­sizdik jáne sabaqtastyq prınsıpin eskere otyryp: orta, orta bilimnen keıingi, joǵary, joǵary oqý ornynan keıingi); 3) biliktilik synyp, sporttyq razrıadtarynyń bar-joǵy týraly qujattardyń kóshirmesi; 4) otbasy jaǵdaıy týraly, balalardyń týýy týraly kadr bólimshesi qyzmetkeri kýálandyrǵan qujattardyń kóshirmeleri; 5) eńbek kitapshasy; 6) áskerı esepke alý qujaty (áskerı mindetti adamdar úshin); 7) kiristeri men múlikteri týraly, onyń ishinde zaıybynyń (jubaıynyń) (sońǵy bes jylǵa) kiristeri men múlikteri týraly deklarasııa tapsyrý týraly salyq organynan anyqtamalardyń kóshirmeleri saqtalady. Konverttiń syrtqy jaǵynda konverttiń ishindegi qujattardyń tizimdemesi osy Qaǵıdalardyń 6 qosymshasyna sáıkes tirkeledi. 11. Osy Qaǵıdalardyń 7-qosymshasyna sáıkes rásimdeletin jeke istiń qyzmettik tizimi quqyq qorǵaý qyzmeti ótkerýin kórsetetin qujat bolyp tabylady. Jazýlar kún sáýlesine tózimdi kók sııamen, budan ári belgilengen jaǵdaılardan basqa, anyq, uqypty, qysqartýlarsyz jáne túzetýlersiz óz qolymen júrgiziledi. Eger keıinnen qyzmettik tizimdegi jazbada júrgizilgen jazýlarda dálsizdikter men burmalaýlar anyqtalǵan jaǵdaıda túzetýler engiziledi. Barlyq túzetýler «Túzetilgenge sený kerek» degen sózben rastalady, kadr bólimshesi qyzmetkeriniń qoly men kadr qyzmetiniń móri qoıylady. Qyzmettik tizimdi resimdeý jáne oǵan keıinnen jazbalar engizý memlekettik qyzmet isteri jáne sybaılas jemqorlyqqa qarsy is-qımyl organdarynyń is júrgizý tiline qaraı memlekettik nemese orys tilderinde júzege asyrylady. Jeke istiń qyzmettik tizimindegi, tizimdemesindegi jáne basqa da qujattardaǵy ártúrli jazbalardy sandyq resimdeý arab sandaryn ǵana paıdalana otyryp júzege asyrylady. Keıbir jaǵdaılarda qyzmettik tizimge belgilengen úlgidegi (arnaıy esepke qoıý týraly, eńbek sińirgen jyldaryn belgileý týraly jáne taǵy basqa mórtańbalar qoıylady. Mórtańba anyq bolyp qoıylýy qajet. Qyzmettik tizimge onyń nysanynda kózdelmegen derekterdi engizýge tyıym salynady. Qyzmettik tizimniń bólimderin toltyrý kezinde, eger osy sátte qandaı da bir aqparat joq bolsa nemese ol turaqsyz túrde bolsa (joq, turmysqa shyqpaǵan jáne taǵy basqa), onda jazba qara qaryndashpen «joq», «bolmaǵan» eskertpe túrinde qoıylady (mysaly, «Ǵylymı dárejesi, ataqtary týraly málimetter» bólimi – joq). Qyzmettik tizimdi jasaý jáne ony keıinnen júrgizý kezinde tómendegilerdi basshylyqqa alý kerek: 1) qyzmettik tizimniń tıtýldyq betinde tegi, aty, ákesiniń aty (bar bolǵanda) degen baǵanda sózderdi leksıkografııalyq resimdeýdi eskere otyryp, burmalaýsyz, jeke kýáligine dál sáıkestikte qyzmetkerdiń tegi, aty jáne ákesiniń aty (bar bolǵanda) tolyq jáne anyq kórsetiledi. Tegi, aty nemese ákesiniń aty (bar bolǵanda) ózgergen jaǵdaıda aldyńǵy derekter dóńgelek jaqshaǵa uqypty alynady, shımaılanbaıdy. Janyna ózgertilgen málimetter anyq túrde engiziledi. Sol jaq tómengi buryshynda esepke alý derekterin ózgertkeni týraly belgilengen úlgidegi mórtańba qoıylady, onda burynǵy jáne ózgertilgen derekter, buıryqtyń № men kúni, buıryqty shyǵarǵan satylardyń ataýy belgilenedi. 2) arnaýly (áskerı) ataqtar kestesinde jańadan qabyldanǵan adamnyń áskerı bıletinde kórsetilgen ataǵy kórsetilmeıdi. Tek birinshi jáne kezekti arnaýly (áskerı) ataqtar berý týraly jeke quram boıynsha buıryqtar osy kesteni toltyrýǵa negiz bolyp tabylady. 3) «Týǵan kúni týraly málimetter» degen 1-bólimde jeke kýálikke sáıkes qatań túrde jazba engiziledi jáne sózdik-sandyq tásilmen mátindik aımaqta tolyǵymen jazylady. 4) «Týǵan jeri týraly málimetter» degen 2-bólimde jazba jeke kýáligi negizinde jáne kadrlardy esepke alý jónindegi jeke paraqshamen salystyrylyp engiziledi. 5) «Ulty týraly málimetter» degen 3-bólimde jazba jeke kýálikpen qatań sáıkestikte engiziledi. 6) «Bilimi týraly málimetter» degen 4-bólimde bilimi týraly qujattar negizinde toltyrylady. Negizgi baǵanda qyzmettik tizimdi toltyrý kezindegi bar biliminiń jalpy sıpattamasy beriledi. 4-bólimniń qurylymdyq elementterine bilim berý uıymynyń ataýy, dıplomnyń serııasy men nómiri, bitirgen jyly, biliktiligi, dıplomy boıynsha baǵyty nemese mamandyǵy, berilgen akademııalyq dárejesi kórsetiledi. 7) «Tilderdi bilýi» degen 5-bólimde qyzmetkerdiń toltyrǵan saýalnamasy negizinde jazba engiziledi. Qyzmetker meń­­­gergen tilder qysqartýlarsyz tolyq kórsetiledi. Tilderdi bilý deńgeıi mátindik nysanda mynadaı túrde kórse­tiledi: «erkin meńgergen», «oqı alady jáne túsindire alady», «oqı alady jáne sózdikti qoldana otyryp aýdarady». 8) «Ǵylymı dárejeleri men ataqtary týraly málimetter» degen 6-bólimde bilim jáne ǵylym salasyndaǵy ókiletti memlekettik organdar bergen qujattar negizinde jazbalar engiziledi. Bul bólimde ǵylymı dárejesi jáne (nemese) ǵylymı ataǵy, ǵylymı dárejeni nemese arnaıy ataqty berý kúni, qujatty kim berdi, qujattyń nómiri (serııasy) kórsetiledi. Sonymen qatar, mamandyqtyń shıfri jáne ǵylymı zertteýdiń salasy kórsetiledi. 9) «Ǵylymı eńbekteri men ónertapqyshtyǵynyń bar-joǵy týraly málimetter» degen 7-bólimde dıssertasııalyq zertteýler taqyryptarynyń (kandıdattyq, doktorlyq, PhD doktorlyq/ beıin boıynsha, magıstrlik) ataýlary kórsetiledi, jazbalar qyzmetker bergen belgilengen úlgidegi ǵylymı eńbekteri men ónertapqyshtyǵy tizimi negizinde engiziledi. Bul bólimde ǵylymı eńbekteri men ónertapqyshtyǵy tiziminiń barlyǵyn kórsetý múmkin bolmaǵan jaǵdaıda qyzmetker bergen tizim jeke istiń úshinshi bólimine tigiledi. 10) «О́zindik eńbek qyzmeti» degen 8-bólimde Qazaqstan Respýblıkasynyń Qarýly Kúshterindegi, basqa da áskerler men áskerı qurylymdardaǵy, qarjy polısııasy organdaryndaǵy, arnaıy memlekettik jáne quqyq qorǵaý organdaryndaǵy, osyǵan uqsas qurylymdardaǵy jáne Táýelsiz Memleketter Dostyǵy qatysýshy memleketterdiń quqyq qorǵaý organdaryndaǵy qyzmetterdi qospaǵanda, eńbek qyzmetin rastaıtyn tıisti qujattardyń negizinde eńbek qyzmetiniń basynan bastap atqarylǵan jumystar týraly derekter engiziledi. Atalǵan bólimde azamattyq oqý oryndarynda kúndizgi nysan boıynsha oqýy, Qazaqstan Respýblıkasynyń Qarýly Kúshterinde, basqa da áskerler men áskerı qurylymdarda, arnaıy memlekettik jáne quqyq qorǵaý organdaryndaǵy, osyǵan uqsas qurylymdarda jáne Táýelsiz Memleketter Dostyǵy qatysýshy memleketterdiń quqyq qorǵaý organdarynda jumysker jáne qyzmetshi retindegi jumysy týraly málimetter kórsetiledi. Bólimniń sońynda kórsetilgen málimetter qyzmettik tizimdi resimdegen adamnyń laýazymy, tegi men aty-jóni kórsetile otyryp, qolymen rastalady, sondaı-aq eńbek qyzmetin jáne onyń negizinde júrgizilgen jazbalardy rastaıtyn qujattyń derektemeleri kórsetiledi. Qoly personalmen jumys jasaý bólimshesiniń mórimen rastalady. 11) «Qyzmet ótkerý» degen 9-bólimde jazbalar hronologııalyq tártippen júrgiziledi: Qarýly Kúshterdegi merzimdi áskerı qyzmetti ótkergeni týraly málimetter – áskerı bılet negizinde; bastapqy oqýdan ótkeni týraly málimetter – belgilengen úlgidegi sertıfıkat (kýálik) negizinde; quqyq qorǵaý organdarynyń bilim berý uıymdarynyń kúndizgi oqý bólimshelerindegi oqýy – tıisti oqý ornyna oqýǵa qabyldaý jáne aıaqtaý týraly buıryqtar negizinde; Qazaqstan Respýblıkasynyń Qarýly Kúshterinde, basqa da áskerler men áskerı qurylymdarda, arnaıy memlekettik jáne quqyq qorǵaý organdaryndaǵy, osyǵan uqsas qurylymdarda jáne Táýelsiz Memleketter Dostyǵy qatysýshy memleketterdiń quqyq qorǵaý organdarynda qyzmet ótkerýi – tıisti ınstansııalardyń jeke quramy boıynsha buıryqtary negizinde júrgiziledi. Bul bólimge mynadaı: 1) tıisti ınstansııalardyń jeke quramy boıynsha buıryqtardyń negizinde eńbek qyzmeti týraly; 2) Qazaqstan Respýblıkasynyń jekelegen memlekettik organdaryna áskerı qyzmetshilerdi, qyzmetkerlerin qyzmetke jiberý týraly; 3) sheteldik oqý mekemeleri nemese bilim alýshylardyń ózderi usynǵan oqýǵa qabyldaý jáne oqýdy aıaqtaý týraly buıryqtary negizinde shet memleketteriniń oqý oryndarynda memlekettik qyzmet isteri organdary bıýdjetiniń esebinen oqyǵany týraly málimetter engiziledi. Sondaı-aq, osy bólimde tıisti buıryqtar negizinde laýazymdyq jalaqy mólsherin anyqtaý úshin qyzmet ótilin belgileý týraly bekitilgen úlgidegi mórtańba qoıylady. Buıryqtyń nómiri, kúni jáne ony shyǵarǵan ınstansııanyń ataýy osy buıryqpen rastalǵan árbir qyzmeti kezeńiniń janynda jazylady. Basshy quramdaǵy adamdardyń joǵary laýazymnan tómengi laýazymǵa aýystyrylýyn jazý kezinde aýystyrý sebebi kórsetiledi, mysaly: «tártiptik jaza túrinde tómendetile otyryp taǵaıyndaldy» nemese «shtattardyń qysqartylýyna baılanysty tómendetile otyryp taǵaıyndaldy» nemese «jeke ótinishi boıynsha tómendetile otyryp taǵaıyndaldy». Laýazymda tómendetý sebepteri týraly jazba jeke quram boıynsha buıryqtyń negizinde ǵana júrgiziledi. Qyzmetkerdi qyzmetke jibergen, qyzmetten bosatqan jaǵdaılarda nemese ony jeke quram tiziminen alyp tastaǵan kezde 9-bólimde júrgizilgen jazbalarǵa kadr bólimshesiniń basshysy nemese ony almastyrýshy tulǵa qol qoıady jáne kadr bólimshesiniń nemese memlekettik qyzmet isteri jáne sybaılas jemqorlyqqa qarsy organynyń mórimen bekitiledi. 12) «Jeńildik jaǵdaılarda eńbek sińirgen jylyn esepteýge jatatyn qyzmet kezeńderi» degen qyzmettik tizimniń 10-bóliminde zeınetaqyny jeńildik jaǵdaılarda taǵaıyndaý kezinde eńbek sińirgen jylyn esepteýge jatatyn qyzmet kezeńderi jazylady. Qyzmettik tizimniń osy bólimine mynadaı mazmundaǵy jazba engiziledi: «Zeınetaqyny taǵaıyndaý úshin qyzmet kezeńin eńbek sińirgen jyldaryna _______________________bastap_____________________aralyǵynda jeńildik jaǵdaılarda eseptelsin:_________aı úshin bir aı. Negizdeme: __________________________________________________ (buıryqtar, eńbek sińirgen jyldaryna jeńildikterdi esepteý qujattary )». Soǵystarǵa jáne basqa da jaýyngerlik is-qımyldarǵa qatysýy týraly málimetter ol jaýyngerlik áreketterge qatysqan áskerı bólimderdiń, quramalardyń, mekemelerdiń ataýyn kórsete otyryp, hronologııalyq tártipte birizdilikpen jazylady. Jazbalar Qarýly Kúshter tizimderine, buıryqtarǵa, muraǵattar anyqtamalaryna nemese nómiri, kúni jáne ony shyǵarǵan organnyń aty kórsetile otyryp, basqa da resmı qujattarǵa silteme jasaýmen rastalady. Qyzmetkerdiń shalǵaıdaǵy jáne bıik taýly jerlerdegi qyzmeti týraly jazbalar osy aýdandarda qyzmettiń jeńildik jaǵdaılaryn belgileıtin Qazaqstan Respýblıkasynyń tıisti normatıvtik quqyqtyq aktilerine silteme jasaı otyryp júrgiziledi. 10-bólimde júrgizilgen jazbalar kadr bólimshesi basshysynyń nemese ony aýystyrýshy tulǵanyń qolymen jáne kadr bólimshesiniń mórtańbasymen rastalady. 13) «Daıarlaý, biliktiligin arttyrý jáne qaıta daıarlaý» degen 11-bólimde rastaıtyn qujattardyń (sertıfıkattar, dıplomdar jáne taǵy basqa) negizinde vedomstvolyq bilim berý uıymdarynda qyzmetkerlerdiń biliktiligin arttyrý jáne qaıta daıarlaý, sondaı-aq basqa da mınıstrlikterdiń, vedomstvolardyń, onyń ishinde shetel memleketteriniń bilim berý uıymdarynda qyzmetkerlerdi daıarlaý, biliktiligin arttyrý jáne qaıta daıarlaý týraly jazbalar engiziledi. Daıarlaý, biliktiligin arttyrý jáne qaıta daıarlaý qaıda jáne qaı jerde júrgizilgeni, oqýdyń beıini men túri, alǵan mamandyǵy men biliktiligi, rastaıtyn qujattyń derektemeleri kórsetiledi. Mysaly: Beısenov atyndaǵy QR IIM Qaraǵandy akademııasy, 2014 jylǵy 12-27 qarasha aralyǵynda, arnaıy bólimsheleri basshylarynyń biliktiligin arttyrý, 2014 jylǵy 27 qarashadaǵy № ____ sertıfıkat. 14) «Attestasııa týraly málimetter» degen 12- bólimine attestasııa ótkizý kúni, attestasııa komıssııasynyń qabyldaǵan sheshimi týraly jáne usynystary týraly málimetter engiziledi. Tóraǵamen jáne attestasııa komıssııasynyń múshelerimen qol qoıylǵan attestasııa paraǵy jazbalar engizý úshin negizi bolyp tabylady. 15) Qyzmettik tizimniń «Nagradalar men kótermeleýler» degen 13-bóliminde qyzmetkerdiń qyzmet ótkergen kezeńinde alǵan Qazaqstan Respýblıkasynyń jáne shetel memleketteriniń memlekettik nagradalary, sondaı-aq kótermeleýleri týraly málimetter engiziledi. Qazaqstan Respýblıkasy Prezıdentiniń Nagradtaý týraly jarlyǵy, kótermeleýler týraly tıisti ınstansııalardyń buıryqtary jazbalar engizý úshin negiz bolyp tabylady. Bul bólimde memlekettik qyzmet isteri jáne sybaılas jemqorlyqqa qarsy is-qımyl organdary medaldaryn berý týraly belgilengen úlgidegi mórtańbalar qoıylady. 16) Qyzmettik tizimniń «Tártiptik jazalar» degen 14-bóliminde qyzmet ótkerý kezeńinde qyzmetkerlerge salynǵan tártiptik jazalar jazylady. Qyzmetkerdi tártip