Qazaqstan Respýblıkasy Ulttyq qaýipsizdik komıtetiniń tóraǵasynyń buıryǵy  №50

2015 jylǵy 17 maýsym, Astana qalasy Qazaqstan Respýblıkasy Ulttyq qaýipsizdik komıtetiniń Jambyl oblysy boıynsha departamenti týraly erejeni bekitý týraly Qazaqstan Respýblıkasy Prezıdentiniń 1996 jylǵy 1 sáýirdegi № 2922 Jarlyǵymen bekitilgen Qazaqstan Respýblıkasynyń Ulttyq qaýipsizdik komıteti týraly ereje 16-tarmaǵynyń 3) tarmaqshasyna sáıkes buıyramyn: 1. Qosa berilip otyrǵan Qazaqstan Respýblıkasy Ulttyq qaýipsizdik komıtetiniń Jambyl oblysy boıynsha departamenti týraly Erejesi bekitilsin. 2. Qazaqstan Respýblıkasy Ulttyq qaýipsizdik komıtetiniń Jambyl oblysy boıynsha departamenti zańnamamen belgilengen tártipte: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) Qazaqstan Respýblıkasy Ádilet mınıstrliginde atalǵan buıryq memlekettik tirkeýden ótkennen keıin kúntizbelik on kún ishinde baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) Qazaqstan Respýblıkasy Ádilet mınıstrliginde memlekettik tirkeýden ótkennen keıin osy buıryqtyń Jambyl oblysy Ádilet departamentinde memlekettik tirkelýin; 4) Jambyl oblysy Ádilet departamentinde osy buıryq memlekettik tirkeýden ótkennen keıin on jumys kúni ishinde Qazaqstan Respýblıkasy Ulttyq qaýipsizdik komıtetiniń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalǵany jóninde málimetterdiń usynylýyn qamtamasyz etsin. 3. Osy buıryq alǵashqy resmı jarııalanǵan kúnnen keıin kúntizbelik on kún ótken soń qoldanysqa engiziledi. Komıtet Tóraǵasy N.ÁBIQAEV. Qazaqstan Respýblıkasy Ulttyq qaýipsizdik komıteti Tóraǵasynyń 2015 jylǵy 17 maýsymdaǵy № 50 buıryǵymen bekitildi Qazaqstan Respýblıkasy Ulttyq qaýipsizdik komıtetiniń Jambyl oblysy boıynsha departamenti týraly ereje 1. Jalpy erejeler 1. Qazaqstan Respýblıkasy Ulttyq qaýipsizdik komıtetiniń Jambyl oblysy boıynsha departamenti (budan ári – Depar­tament) Qazaqstan Respýblıkasy Ulttyq qaýipsizdik komıtetiniń (budan ári – UQK) aýmaqtyq organy bolyp tabylady. 2. Departament óz qyzmetinde Qazaqstan Respýblıkasynyń Konstıtýsııasyn, Qazaqstan Respýblıkasynyń zańdaryn, Qazaqstan Respýblıkasy Prezıdentiniń aktilerin, UQK Tóraǵasynyń ózge de normatıvtik quqyqtyq aktileri men buıryqtaryn, sondaı-aq osy Erejeni basshylyqqa alady. 3. Departament memlekettik mekemeniń uıymdyq-quqyqtyq nysandaǵy zańdy tulǵasy bolyp tabylady, onyń naqty jáne shartty ataýlary, mórleri men mórtabandary, esepshottary, negizgi qorlary, áleýmettik-mádenı jáne medısınalyq maqsattaǵy obektileri bar. 4. Departamenttiń qurylymyn, shtattyq sanyn belgilengen tártipte UQK Tóraǵasy bekitedi. 5. Departament onyń qurylymyn quraıtyn basqarmalardan, bólimderden, bólimshelerden turady. Onyń quramyna mynadaı oqshaýlanǵan qurylymdyq bólimsheler kiredi: 1) Qordaı aýdandyq bólimi. Qyzmet kórsetý aımaǵy – Qordaı aýdany; 2) Merki aýdandyq bólimi. Qyzmet kórsetý aımaǵy – Merki aýdany; 3) Shý aýdany jáne temirjol stansııasy boıynsha bólimi. Qyzmet kórsetý aımaǵy – Shý, Moıynqum aýdandary jáne Shý temirjol stansııasy; 4) Jýaly aýdandyq bólimshesi. Qyzmet kórsetý aımaǵy – Jýaly aýdany; 5) Sarysý aýdandyq bólimshesi. Qyzmet kórsetý aımaǵy – Sarysý aýdany; 6) Baızaq aýdandyq bólimshesi. Qyzmet kórsetý aımaǵy – Baızaq aýdany; 7) T.Rysqulov atyndaǵy aýdandyq bólimshesi. Qyzmet kórsetý aımaǵy – T.Rysqulov aýdany; 8) Jambyl aýdandyq bólimshesi. Qyzmet kórsetý aımaǵy – Jambyl aýdany; 9) Talas aýdandyq bólimshesi. Qyzmet kórsetý aımaǵy – Talas aýdany. 6. Departament azamattyq-quqyqtyq qatynastarǵa Qazaqstan Respýblıkasynyń zańnamasyna sáıkes qatysady. 7. Eger Departamentke zańnamaǵa sáıkes ýákilettik berilse, ol memleket atynan azamattyq-quqyqtyq qatynastar tarapyna qatysýǵa quqyǵy bar. 8. Departamenttiń zańdy mekenjaıy: 080012, Jambyl oblysy, Taraz qalasy, Kóshek batyr kóshesi, 7. 9. Departament qyzmetin qarjylandyrý tek respýblıkalyq bıýdjetten júzege asyrylady. 10. Departamenttiń tolyq ataýy – «Qazaqstan Respýblıkasy Ulttyq qaýipsizdik komıtetiniń Jambyl oblysy boıynsha departamenti» memlekettik mekemesi. 11. Osy Ereje Departamenttiń quryltaı qujaty bolyp tabylady. 12. Departamenttiń fýnksııasyna kiretin mindetterdi oryndaý turǵysynda Departamentke ony oryndaý úshin kásipkerlik sýbektilerimen sharttyq qarym-qatynas jasaýǵa tyıym salynady. Eger Departamentke zań aktileri boıynsha tabys alyp keletin ispen aınalysýǵa quqyq berilgen bolsa, onda ol isten kelip túsken tabys memlekettik bıýdjettiń kirisine jiberiledi. 2. Departamenttiń negizgi maqsattary 13. Departamenttiń Jambyl oblysy shegindegi negizgi maqsattary: 1) jeke adamnyń, qoǵam men memlekettiń qaýipsizdigin qamtamasyz etý salasyndaǵy memlekettik saıasatty iske asyrýǵa qatysý; 2) «Syrtqy barlaý týraly» Qazaqstan Respýblıkasynyń Zańyna sáıkes Qazaqstan Respýblıkasynyń múddesi úshin barlaý aqparatyn tabý; 3) arnaýly qyzmetterdiń, shet memleketter men halyqaralyq uıymdardyń, sondaı-aq jekelegen adamdardyń barlaý-búldirý jáne ózge de Qazaqstan Respýblıkasynyń konstıtýsııalyq qurylysyn, ekonomıkalyq jáne qorǵanys áleýetin álsiretýmen jáne (nemese) onyń qaýipsizdigine ózge de zalal keltirýmen baılanysty is-áreketterin anyqtaý, aldyn alý jáne jolyn kesý; 4) Qazaqstan Respýblıkasynyń konstıtýsııalyq qurylysyn kúshtep ózgertýge, tutastyǵyn buzýǵa jáne qaýipsizdigin álsiretýge baǵyttalǵan terrorıstik jáne ózge de is-áreketterdi anyqtaý, aldyn alý jáne jolyn kesý; 5) oblys aýmaǵynda terrorızm men ekstremızmge qarsy kúres is-qımyl salasyndaǵy qyzmetti úılestirýge qatysý; 6) zańnamamen ulttyq qaýipsizdik organdarynyń qaraýyna jatqyzylǵan qylmystyq quqyq buzýshylyqtardy anyqtaý, jolyn kesý, ashý jáne tergeý; 7) jedel izdestirý qyzmeti sýbektileriniń tapsyrmalary boıynsha arnaıy jedel izdestirý is-sharalaryn uıymdastyrý jáne ótkizý; 8) jedel izdestirý qyzmeti sýbektileriniń tapsyrmalaryna sáıkes arnaıy jedel-izdestirý is-sharalaryn ótkizýdi qamtamasyz etý úshin jaǵdaı jasaý; 9) jasyryn tergeý áreketterin zańnamamen belgilengen tártipte uıymdastyrý jáne ótkizý; 10) jasyryn tergeý áreketterin qamtamasyz etý úshin jaǵdaı jasaý; 11) Qazaqstan Respýblıkasynyń zańdarymen, Prezıdenttiń jáne UQK Tóraǵasynyń aktilerimen anyqtalatyn ózge de maqsattar bolyp tabylady. 3. Departamenttiń negizgi fýnksııalary, mindetteri men quqyqtary 14. Departament Qazaqstan Respýblıkasynyń zańnamasymen belgilengen tártipte jáne óz quzyreti sheginde Jambyl oblysynyń aýmaǵynda mynadaı fýnksııalardy júzege asyrady: 1) ulttyq qaýipsizdikti qamtamasyz etý salasynda memlekettik saıasatty iske asyrýǵa qatysady; 2) ulttyq qaýipsizdikti qamtamasyz etý boıynsha memlekettik (salalyq) baǵdarlamalardy iske asyrýǵa qatysady; 3) UQK basshylarynyń kelisimimen jáne óz quzyreti sheginde Qazaqstan Respýblıkasynyń halyqaralyq sharttaryna sáıkes halyqaralyq, memleketaralyq jáne ózge de uıymdardyń jumysyna qatysady, ulttyq qaýipsizdik organdarynyń quzyretine jatatyn qyzmet salasynda shet memleketterdiń arnaýly qyzmetterimen, quqyq qorǵaý organdarymen, shet memleketterdiń úkimettik jáne arnaýly baılanys organdarymen, halyqaralyq qaýipsizdik qury­lymymen jáne quqyq qorǵaý uıymdarymen ózara is-qımyldy jáne halyqaralyq yntymaqtastyqty qamtamasyz etedi; 4) ulttyq qaýipsizdikti qamtamasyz etý salasyndaǵy sheshimderdi qabyldaý úshin qajetti aqparatpen memlekettik organdardy qamtamasyz etedi; 5) Qazaqstan Respýblıkasynyń konstıtýsııalyq qurylysy, ekonomıkalyq jáne qorǵanys áleýeti negizderin qarsy­lastyń barlaý-búldirý áreketinen qorǵaý boıynsha qarsy barlaý qyzmetin uıymdastyrady jáne júzege asyrady; 6) óz quzyreti sheginde Qazaqstan Respýblıkasynyń shekara qaýipsizdigin qamtamasyz etýge baǵyttalǵan barlaý, qarsy barlaý jáne jedel izdestirý qyzmetin uıymdastyrady jáne qamtamasyz etedi; 7) Qazaqstan Respýblıkasynyń konstıtýsııalyq qurylysyn kúshtep ózgertýge, tutastyǵyn buzýǵa jáne qaýipsizdigin álsiretýge baǵyttalǵan terrorızmge, ekstremızmge jáne ózge de is-áreketterge qarsy kúres boıynsha sharalardy ázirleıdi jáne iske asyrady, memlekettik organdardyń qyzmetin úılestirýdi júzege asyrady, osy salalardaǵy ózara is-qımyldy qamtamasyz etedi. Oblys aýmaǵynda terrorızmge qarsy operasııalardy ótkizýdi uıymdastyrady; 8) terrorıstik turǵydan osal obektilerdi terrorızmge qarsy qorǵaý deńgeıin arttyrýǵa terrorıstik qaýip-qaterdiń sıpaty men ózindik ereksheligi týraly olardyń basshylaryna aqparat berý, terrorızmge qarsy is-qımyl jáne terrorızmge qarsy qorǵaý boıynsha usynymdar ázirleý, terrorıstik turǵydan osal obektilerde terrorızmge qarsy praktıkalyq oqý-jattyǵýlar ótkizý arqyly yqpal etedi; 9) Qazaqstan Respýblıkasynyń memlekettik organdary men jergilikti ózin-ózi basqarý organdarynyń qaýipsizdik jáne terrorıstik qaýip-qaterlerdi beıtaraptandyrýǵa daıyndyq júıesin jetildirý boıynsha sharalar keshenin iske asyrýyna baqylaý jasaýdy júzege asyrady; 10) azamattardy áskerı qyzmetke shaqyrý merziminde shaqyrý komıssııasynyń jumysyna qatysady; 11) Qazaqstan Respýblıkasy jergilikti áskerı basqarý organdary usynǵan jıyntyq derekterdiń negizinde UQK Shekara qyzmetiniń muqtajy úshin shaqyrylýshy kontıngentke monıtorıng pen irikteýdi júzege asyrady; 12) shektes memleketterdiń aýmaǵynan Qazaqstan Respýblıkasynyń Memlekettik shekarasyn jappaı ótý, Qazaqstan Respýblıkasynyń konstıtýsııalyq qurylysyn kúshpen ózgertý áreketteri, terrorızm aktileri, Qazaqstan Respýblıkasynyń Konstıtýsııasyn buza otyryp, bılikti kúshpen basyp alý nemese bılikti kúshtep ustaý áreketteri, dıversııa, qarýly kóterilis saldarynan týyndaǵan áleýmettik sıpattaǵy tótenshe jaǵdaılardy anyqtaıdy, eskertedi jáne jolyn kesedi, sondaı-aq «Tótenshe jaǵdaı týraly» 2003 jylǵy 8 aqpandaǵy Qazaqstan Respýblıkasynyń Zańynda qarastyrylǵan ózge de is-qımyldardy júzege asyrady; 13) zańnamamen belgilengen tártipte jedel izdestirý jáne qarsy barlaý (onyń ishinde radıoqarsybarlaý) qyzmetin, sotqa deıingi tergeýdi uıymdastyrady jáne tikeleı júzege asyrady; 14) Qazaqstan Respýblıkasynyń arnaýly memlekettik jáne quqyq qorǵaý organdaryna, Qarýly Kúshterine, basqa da áskerleri men áskerı quralymdaryna qoǵamdyq qaýipsizdikti, zańdylyqty, quqyqtyq tártipti, eldiń qorǵanys qabilettiligin qamtamasyz etýge, ózge de alǵa qoıylǵan mindetterdi sheshýge kómek kórsetedi; 15) ýákiletti organdarmen birlesip qarsylastyń barlaý-búldirý aksııasyn júrgizýi úshin jaǵdaı jasaıtyn syrtqy jáne ishki faktorlardy joıý jáne beıtaraptandyrý boıynsha, onyń ishinde transulttyq qylmystyq qoǵamdastyqqa, zańsyz kóshi-qonǵa, qarý-jaraqtardyń, oq-dárilerdiń, jarylǵysh jáne ýlandyrǵysh zattardyń, esirtki quraldarynyń, psıhotroptyq zattar men prekýrsorlardyń, aqparatty jasyryn alýǵa arnalǵan arnaıy tehnıkalyq quraldar men elektrondyq qurylǵylardyń zańsyz aınalymyna qarsy is-qımyl boıynsha sharalar ázirleýge jáne júzege asyrýǵa qatysady; 16) Qazaqstan Respýblıkasynyń múddesine óz quzyreti sheginde barlaý qyzmetin uıymdastyrady jáne júzege asyrady; 17) ulttyq qaýipsizdik organdarynyń quzyretine jatatyn máseleler boıynsha memlekettik organdarmen, sondaı-aq ózge de uıymdarmen ózara is-qımyldy júzege asyrady; 18) memlekettik organdar men uıymdardaǵy memlekettik qupııalardy quraıtyn málimetterdi qarsy barlaýlyq qor­ǵaý boıynsha sharalardy ázirleıdi jáne júzege asyrady, sondaı-aq olardyń atalǵan saladaǵy qyzmetin baqylaıdy; 19) Qazaqstan Respýblıkasynyń azamattaryna memlekettik qupııalardy quraıtyn málimetterge ruqsatty resimdeýge (qaıta resimdeýge), sondaı-aq uıymdarǵa memlekettik qupııalardy quraıtyn málimetterdi paıdalanýǵa baılanysty qyzmetke ruqsat berýge arnaıy tekserý júrgizýmen, memlekettik qupııalardy qorǵaý quraldaryn jasaýmen, sondaı-aq memlekettik qupııalardy qorǵaý boıynsha is-sharalardy júrgizýmen jáne (nemese) qyzmet kórsetýlermen baılanysty sharalardy iske asyrady; 20) Jambyl oblysy aýmaǵyndaǵy shet memleketter ókildikteriniń jáne halyqaralyq uıymdardyń qaýipsizdigin qamtamasyz etý boıynsha basqa quzyretti organdarmen ózara is-qımylda sharalar qoldanady; 21) memlekettik qyzmetke kiretin (onda jumys isteıtin) Qazaqstan Respýblıkasynyń azamattaryna zańnamada belgilengen tártipte jáne shekte mindetti arnaıy tekserýdi uıymdastyrady; 22) tehnıkalyq barlaýǵa qarsy is-qımyl boıynsha qyzmetti júzege asyrady; 23) ulttyq qaýipsizdik organdary ótkizetin jedel izdestirý is-sharalary men tergeý is-qımyldaryn tehnıkalyq qamtamasyz etýdi uıymdastyrady; 24) Qazaqstan Respýblıkasynyń zańnamasyna sáıkes qyzmet túrlerin lısenzııalaýdy jáne lısenzıattardyń lısenzııalyq talaptardy saqtaýy boıynsha olardyń qyzmetin baqylaýdy júzege asyrady; 25) Memlekettik qyzmet kórsetý tizilimimen aıqyndalǵan quzyretine sáıkes memlekettik qyzmetter kórsetedi; 26) radıoelektrondyq jáne radıotehnıkalyq barlaýdy UQK Tóraǵasy aıqyndaıtyn tártippen júzege asyrady; 27) memlekettik organdar men uıymdarda qupııalylyq rejımin qamtamasyz etý boıynsha jumysty úılestiredi jáne baqylaıdy; 28) memlekettik qupııalardy qorǵaý salasynda ákimshilik quqyq buzýshylyq jáne qylmystyq aıyptar boıynsha sot aldynda óndiristi uıymdastyrady jáne tikeleı júzege asyrady; 29) memlekettik qupııalardy qorǵaý boıynsha normatıvtik jáne ádistemelik aktilerdi ázirleý men oryndaý maqsatynda memlekettik qupııalardy qorǵaý organdarynyń qyzmetin úılestiredi jáne baqylaıdy; 30) memlekettik qupııalardy qorǵaý boıynsha oblys aýmaǵynda quqyqtyq, ákimshilik, ekonomıkalyq, tehnıkalyq, baǵdarlamalyq jáne krıptografııalyq sharalar júıesiniń oryndalýyn baqylaıdy; 31) jeke tulǵanyń, qoǵam men memlekettiń múddelerine zalal keltiretin jelilerdi jáne baılanys quraldaryn qylmystyq maqsatta paıdalanýdy anyqtaýdy jáne jolyn kesýdi qamtamasyz etedi; 32) jedel izdestirý is-sharalaryn júzege asyrý barysynda aqparatty jasyryn túrde alýǵa arnalǵan (qurastyrylǵan, beıimdelgen, baǵdarlamalanǵan) arnaıy tehnıkalyq quraldardyń aınalymy salasynda baqylaýdy júzege asyrady; 33) Departament qyzmetkerleri men jumyskerlerin, sondaı-aq qupııa kómekshilerdi qorǵaýdy uıymdastyrady jáne qamtamasyz etedi; 34) qylmystyq proseske qatysýshy adamdardy memlekettik qorǵaý týraly Qazaqstan Respýblıkasynyń zańnamasyna sáıkes memlekettik qorǵalýǵa jatatyn adamdardyń qaýipsizdigin qamtamasyz etedi; 35) ulttyq qaýipsizdik organdarynyń qyzmetkerlerin, mekemeniń vedomstovolyq qatystylyǵyn, oryn-jaılar men kólik quraldaryn shıfrlaý boıynsha sharalardy júzege asyrady; 36) Departamenttiń qyzmetkerleri men jumyskerlerin jaýyngerlik, tehnıkalyq, materıaldyq, qarjylyq, ǵylymı, aqparattyq, quqyqtyq, áleýmettik-turmystyq, áskerı-medısınalyq (medısınalyq) jáne basqa da túrlerimen qamtamasyz etilýin, onyń ishinde ǵımarattar men kúrdeli qurylystardy salýdy jáne qaıta salýdy, jóndeýdi, turǵyn úı salýdy, jóndeýdi uıymdastyrady; 37) ulttyq qaýipsizdik organdary quzyretiniń sheginde jeke jáne zańdy tulǵalardyń ótinishterin qabyldaýdy jáne qaraýdy júzege asyrady; 38) Departamentte Qazaqstan Respýblıkasynyń zańnamasyna sáıkes qujattaý jáne qujattamalardy basqarý jáne is júrgizýdi uıymdastyrý, memlekettik qupııalardy qorǵaý tártibin qamtamasyz etedi, osy maqsatta aqparattyq júıelerdi paıdalanady; 39) jedel-qyzmettik is-qımyldy qamtamasyz etý sheńberinde polıgrafologııalyq (psıhologııalyq-áleýmettanýlyq qamtamasyz etý qyzmetkerleriniń shtattyq birlikteri bolǵan kezde), psıhologııalyq-áleýmettanýlyq jáne psıhofızıologııalyq zertteýlerdi júrgizedi; 40) áskerı-dárigerlik saraptama, onyń ishinde ulttyq qaýipsizdik organdarynda qyzmet etýge densaýlyq jaǵdaıy boıynsha jaramdylyǵyn, azamattardyń aýrýlarynyń, mertigýleriniń (jaralanýlardyń, jaraqattanýlardyń, kontýzııa alýdyń) nemese qaıtys bolýynyń ulttyq qaýipsizdik organdarynda qyzmet ótkerýine (mindetterin oryndaý) baılanystylyǵyn anyqtaý úshin psıhofızıologııalyq kýálandyrý, sondaı-aq esirtkige qatysty test júrgizedi; 41) Qazaqstan Respýblıkasynyń Ákimshilik quqyq buzýshylyq týraly kodeksinde belgilengen tártippen ákimshilik quqyq buzýshylyq týraly isti qaraıdy jáne ákimshilik jaza qoldanady; 42) ulttyq qaýipsizdik múddelerin qozǵaıtyn oqıǵalar men faktiler týraly aqparatty ýaqtyly alý maqsatynda múddeli memlekettik organdardyń kezekshi qyzmetterimen ózara is-qımyldy júzege asyrady; 43) ǵımarattardy, obektilerdi kúzetýdi, sondaı-aq ótkizý jáne ishki obektilik rejımdi qamtamasyz etýdi uıymdastyrady; 44) Departamentte quqyqtyq tártipti qamtamasyz etedi; 45) Departamentte memlekettik tildi damytý men qoldaný aıasyn keńeıtý boıynsha jumystardy uıymdastyrady jáne júrgizedi; 46) Qazaqstan Respýblıkasynyń zańdarymen, Prezıdentiniń jáne UQK Tóraǵasynyń aktilerimen onyń quzyryna jatqyzylǵan ózge de fýnksııalardy oryndaıdy 15. Departament óz quzyreti sheginde: 1) zańnamamen belgilengen tártipte jáne shekterinde Qazaqstan Respýblıkasynyń azamattaryna mindetti arnaıy tekserýdi júrgizýge; 2) jeke qaýipsizdikti qamtamasyz etý boıynsha sharalardy júzege asyrýǵa; 3) Departament jeke quramynyń jumyldyrý daıyndyǵyn qamtamasyz etýge; 4) memlekettik organdarǵa Qazaqstan Respýblıkasynyń aýmaǵyndaǵy zańsyz áskerılengen quramalar, basqa memleketterdiń saıası partııalary men kásiptik birlestikteri, dinı negizdegi partııalar is-áreketteriniń, sondaı-aq saıası partııalar men kásiptik birlestikterdi sheteldik zańdy tulǵalar men azamattardyń, shet memleketter men halyqaralyq uıymdardyń qarjylandyrýlarynyń aldyn alýǵa jáne jolyn kesýge kómek kórsetýge; 5) tizbesin Qazaqstan Respýblıkasynyń Úkimeti belgilegen qorǵanys keshenderiniń, atom energetıkasy, kólik jáne baılanys obektileriniń, óńirlerdiń tirshilikti qamtamasyz etý obektileriniń jáne basqa da strategııalyq obektileriniń qaýipsizdigin qamtamasyz etý boıynsha sharalardy daıyndaýǵa jáne júzege asyrýǵa qatysýǵa; 6) Departamentke júktelgen mindetterdi iske asyrý maqsatynda aqparattyq-taldaý jumysyn júrgizýge; 7) Qazaqstan Respýblıkasynyń zańdaryna sáıkes Qazaqstan Respýblıkasynyń azamattyǵyna qabyldaý men Qazaqstan Respýblıkasynyń azamattyǵynan shyǵarýǵa, Qazaqstan Respýblıkasy azamattarynyń shetelge barýyna, shetel azamattary men azamattyǵy joq adamdardyń Qazaqstan Respýblıkasynyń aýmaǵyna kelýine jáne onyń aýmaǵynan tys jerlerge ketýine, sondaı-aq olardyń Respýblıka aýmaǵynda bolý rejımine qatysty máselelerdi sheshýge qatysýǵa; 8) oblys aýmaǵyndaǵy shet memleketter ókildikteriniń jáne halyqaralyq uıymdardyń qaýipsizdigin qamtamasyz etý boıynsha basqa quzyretti organdarmen ózara is-qımylda sharalar qoldanýǵa; 9) basqa memlekettik organdarmen birlesip Qazaqstan Respýblıkasyna kelýi barysynda shetel basshylarynyń, úkimetteriniń jáne halyqaralyq uıym jetekshileriniń qaýipsizdigin qamtamasyz etýge, sondaı-aq oblys aýmaǵynda júrgiziletin mańyzdy qoǵamdyq-saıası is-sharalarǵa qatysýǵa; 10) memlekettik jáne qyzmettik qupııany quraıtyn aqparattarǵa ruqsat alýǵa qujattaryn resimdep (qaıta resimdep) jatqan Qazaqstan Respýblıkasynyń azamattaryna arnaıy tekserý júrgizýge; 11) Qazaqstan Respýblıkasynyń zańdarymen, Prezıdentiniń jáne UQK Tóraǵasynyń aktilerimen onyń quzyryna jatqyzylǵan ózge de mindetterdi oryndaýǵa mindetti. 16. Departament júktelgen mindetterdi sheshý jáne fýnksııalardy oryndaý úshin zańnamamen belgilengen tártippen: 1) jalpy jáne arnaıy jedel izdestirý jáne qarsy barlaý is-sharalaryn, psıhologııalyq-áleýmettanýlyq zertteýler júrgizýge, tergelýi zańnamamen ulttyq qaýipsizdik organdarynyń quzyryna jatqyzylǵan qylmystyq quqyq buzýshylyqtardy anyqtaý, aldyn alý, jolyn kesý jáne ashý maqsatynda saraptamalyq-krımınalıstıkalyq zertteýlerge bastamashylyq etýge; 2) Qazaqstan Respýblıkasynyń aýmaǵynda memlekettik qupııalardy qorǵaý týraly Qazaqstan Respýblıkasynyń zańnamalaryn nemese belgilengen qaǵıdalaryn buza otyryp, paıdalanylatyn radıoelektrondy habar taratý quraldaryn paıdalanýdyń jolyn kesýge; 3) maqsattary men is-áreketteri memlekettiń qaýipsizdigin álsiretýge, Qazaqstan Respýblıkasynyń aýmaqtyq tutastyǵyn buzýǵa, konstıtýsııalyq qurylysty kúshpen ózgertýge baǵyttalǵan shet memleketterdiń arnaýly qyzmetteri men uıymdaryna, qylmystyq toptarǵa enýdi júzege asyrýǵa; 4) barlaý qyzmetin arnaıy tehnıkalyq jáne radıoelektrondy quraldardy paıdalana otyryp júzege asyrý kezinde Qazaqstan Respýblıkasynyń syrtqy barlaý sýbektilerimen ózara is-qımyl jasaýǵa; 5) ýákiletti memlekettik organdarmen birlesip ózderiniń is-qımyldarymen qoǵam men memlekettiń qaýipsizdigine qaýip tóndiretin shetel azamattary men azamattyǵy joq adamdardyń Qazaqstan Respýblıkasyna kelýleriniń jolyn jabý jáne odan shyǵarý týraly máselelerdi sheshýge; 6) zańnamamen ulttyq qaýipsizdik organdarynyń quzyryna jatqyzylǵan qylmystyq quqyq buzýshylyqtardy anyqtaý, jolyn kesý, ashý jáne tergeý kezinde qylmystyq is júrgizý zańnamasymen kózdelgen shekterde basqa organdarǵa mindetti túrde oryndalatyn tapsyrma berýge; 7) azamattardy óndiristegi materıaldar boıynsha Departamentke shaqyrýǵa, olardan túsinikteme, anyqtama, qu­jat­­tar alýǵa jáne olardan kóshirmeler túsirýge; shaqyrý boıynsha kelýden bas tartqan adamdardy májbúrlep ákelýge; 8) zańnamaǵa sáıkes qylmystyq quqyq buzýshylyq jasady degen negizdi kúdik týǵyzǵan kezde azamattardan olardyń jeke basyn kýálandyratyn qujattaryn tekserýge, qylmystyq quqyq buzýshylyq jasaýǵa kúdik týǵyzǵan adamdardy ustaýǵa, qujattardy tekserýdi, ustalǵandardy jáne olardyń kólik quraldaryn jeke tekserip qaraýdy, sondaı-aq olardyń zattary men qujattaryn alýdy júzege asyrýǵa; 9) terrorızmge qarsy operasııalarǵa qatysý jáne terrorızmge qarsy operasııalardyń quqyqtyq rejımin qamtamasyz etý kezinde «Terrorızmge qarsy is-qımyl týraly» Qazaqstan Respýblıkasynyń Zańynda kózdelgen sharalar men ýaqytsha shekteýlerdi qoldanýǵa; 10) qylmystyq quqyq buzýshylyqtardyń aldyn alý, qylmystyq quqyq buzýshylyq jasaǵan nemese qylmystyq quqyq buzýshylyq jasady dep kúdik týǵyzǵan adamdardyń izin kesý men ustaý, ustalǵandardy ustaý oryndaryna jetkizý, sondaı-aq oqıǵa bolǵan jerge barý jáne shuǵyl medısınalyq kómekti qajet etetin azamattardy emdeý mekemelerine jetkizý úshin basqa mekemlerdiń baılanys quraldaryn, kólik quraldaryn paıdalanýǵa quqyly. Olardyń ıeleriniń talaptary boıynsha baılanys quraldary men kólik quraldaryna keltirilgen naqty zalaldy Qazaqstan Respýblıkasynyń zańnamasynda belgilengen tártippen óteıdi; 11) UQK Tóraǵasy belgilegen tártippen Qazaqstan Respýblıkasynyń azamattaryn erikti túrde shtattan tys jedel qyzmetkerler retinde tartýǵa; 12) Qazaqstan Respýblıkasynyń qaýipsizdigine tónetin qaýip-qaterdi iske asyrýǵa sebepshi bolatyn, tergelýi Qazaqstan Respýblıkasynyń zańnamasymen ulttyq qaýipsizdik organdarynyń quzyryna berilgen qylmystyq quqyq buzýshylyqtardyń jasalýyna yqpal etetin sebepter men jaǵdaılardy joıý týraly oryndalýy mindetti usynystardy memlekettik organdar men uıymdarǵa engizýge; 13) arnaıy kúzetiletin erekshe rejımdegi aýmaqtarǵa jáne ózge de obektilerge ený nemese enýge áreket etýmen baılanysty quqyq buzýshylyq jasaǵan adamdardy ákimshilik qamaýǵa alýdy júzege asyrýǵa quqyly. Olardyń jeke basyn kýálandyratyn qujattaryn tekserýge, olardan túsiniktemeler alýǵa, olardy jeke tekserýdi jáne tekserýdi, olardyń zattary men qujattaryn alyp qoıýdy júzege asyrýǵa; 14) sharttyq negizde Qarýly Kúshterdiń, basqa da áskerler, áskerı quralymdar men ózge de uıymdardyń qyzmettik oryn-jaılaryn, kólik jáne ózge de tehnıkalyq quraldaryn, sondaı-aq jeke jáne zańdy tulǵalardyń turǵyn jáne ózge de oryn-jaılaryn, kólik quraldary men ózge múlikterin paıdalanýǵa; 15) zańnamada belgilengen tártipte áskerı-medısınalyq qamtamasyz etýdi uıymdastyrý men áskerı-dárigerlik saraptama júrgizý úshin medısınalyq bólimshelerdi ıelenýge; 16) Departament mindetiniń bóligin oryndaıtyn jáne ádilet organdarynda tirkelýge jatpaıtyn, organnyń ornalasqan jerinen ózge jerde ornalasqan arnaıy qurylymdyq bólimshe ıelenýge; 17) Departamentke júktelgen mindetter men fýnksııalardy oryndaýǵa qajetti Qazaqstan Respýblıkasynyń memlekettik organdarynyń aýmaqtyq organdarymen birlesken aktilerdi shyǵarýǵa; 18) Departamentke júktelgen mindetterdi oryndaý úshin qajetti aqparatty memlekettik organdardan, Qarýly Kúshterden, basqa da áskerlerden, áskerı quralymdar men uıymdardan óteýsiz jáne Qazaqstan Respýblıkasynyń zań aktilerinde belgilengen kommersııalyq, banktik jáne zańmen qorǵalatyn ózge de qupııany quraıtyn málimetterdi jarııa etýge qoıylatyn talaptardy saqtaı otyryp alýǵa; 19) Departament qyzmetkerleri men jumyskerlerin issaparǵa jiberýge; 20) Departament qyzmetine qatysty muraǵattyq jedel, tergeý jáne basqa da materıaldardy saqtaý men paıdalanýdy júzege asyrýǵa; 21) Departament obektilerine qyzmet kórsetý boıynsha jumystarǵa jeke jáne zańdy tulǵalarǵa olardy tekserý jáne zerdeleý jumystaryn júrgizgennen keıin ruqsat berýdi júzege asyrýǵa; 22) jeke tulǵalar Departament obektilerine jáne oryn-jaılaryna kirgen (kólikpen kirgen) jáne shyqqan (kólikpen shyqqan) kezde olardyń jeke basyn kýálandyratyn qujattaryn tekserýge, olardyń ózimen alyp júretin zattaryn tekserýge (kúzetiletin adamdardan basqa); 23) qupııalylyq rejımin, memlekettik qupııalardyń saqtalýyn qamtamasyz etý, Departament bólimsheleriniń is júrgizýin uıymdastyrý men júrgizý boıynsha jumys jaǵdaıyn, qupııa jáne qupııa emes is júrgizýdi tekserýdi baqylaýdy, uıymdastyrýdy júzege asyrýǵa; 24) Departament qyzmetkerleriniń jeke basyn, olardyń bólimsheleriniń, úı-jaılary men kólik quraldarynyń vedom­stvolyq tıesiligin nemese ulttyq qaýipsizdik organdaryna qupııalylyq negizde járdem kórsetetin azamattardyń jeke basyn búrkemeleý maqsatynda basqa memlekettik organdardyń, sondaı-aq uıymdardyń qujattaryn paıdalanýǵa; 25) jedel-tehnıkalyq is-sharalardy júrgizýge arnalǵan arnaıy tehnıkalyq quraldarǵa jáne taýarlardy aqparatty krıptografııalyq qorǵaý quraldaryna jatqyzý turǵysynan tehnıkalyq zertteýler júrgizýge, olar boıynsha tıisti qorytyndylar berýge; 26) arnaıy tehnıkalyq quraldardy jáne aqparatty krıptografııalyq qorǵaý quraldaryn ákelýge nemese áketýge qorytyndylar (ruqsat beretin qujattar) berý, krıptografııalyq fýnksııalary bar taýarlardyń sıpattamalary týraly notıfıkasııalardy tirkeý, olar boıynsha tıisti ruqsattardy berý jáne notıfıkasııalar tirkeý týraly jeke jáne zańdy tulǵalardyń ótinishterin qaraýǵa; 27) aqparatty krıptografııalyq qorǵaý quraldarynyń jáne jedel izdestirý is-sharalaryn júrgizýge arnalǵan arnaıy tehnıkalyq quraldardyń ımportyna jáne eksportyna lısenzııalardy kelisýdi júzege asyrýǵa; 28) ulttyq qaýipsizdik organdarynyń qyzmetkerleriniń arnaıy jáne dene daıyndyǵyn uıymdastyrý úshin, sondaı-aq ár deńgeıdegi sport sharalaryn ótkizýge, sport ǵımarattaryn jalǵa alýǵa, ıelenýge; 29) belgilengen tártipte qarý-jaraqtardy, oq-dárilerdi, arnaıy qorǵaý men qorǵanys quraldaryn jabdyqtalǵan orynda saqtaýǵa; 30) Qazaqstan Respýblıkasy zańdarymen, Prezıdentiniń aktilerimen, sondaı-aq Qazaqstan Respýblıkasy UQK Tóraǵasynyń normatıvtik quqyqtyq aktilerimen belgilengen ózge de fýnksııalardy júzege asyrýǵa quqyly. 4. Departament qyzmetin uıymdastyrý 17. Departamentti Qazaqstan Respýblıkasy Prezıdentiniń nemese onyń tapsyrmasy boıynsha Qazaqstan Respýblıkasy Prezıdenti Ákimshiligi Basshysynyń kelisimi boıynsha UQK Tóraǵasy taǵaıyndaıtyn bastyq basqarady. 18. Qazaqstan Respýblıkasynyń zańnamasynda belgilengen jaǵdaılarda Departament bastyǵynyń orynbasary (orynbasarlary) bolady. 19. Departament bastyǵy Departament qyzmetine jalpy basshylyqty júzege asyrady jáne Departamentke júktelgen mindetterdiń oryndalýyn jáne óz fýnksııasyn júzege asyrý úshin derbes jaýapty bolady. 20. Departament bastyǵy UQK basshylyǵyna Departamenttiń qurylymy men shtattyq kestesi boıynsha usynystar beredi. 21. Bul maqsatta: 1) óziniń orynbasary bolǵan jaǵdaıda (orynbasarlary), olardyń mindetteri men ókilettikterin aıqyndaıdy; 2) Departament quramyna kiretin qurylymdyq bólimsheler basshylarynyń ókilettikterin aıqyndaıdy; 3) Departamenttiń qyzmetkerleri men jumyskerleriniń laýazymdyq nusqaýlaryn bekitedi; 4) Qazaqstan Respýblıkasynyń normatıvtik quqyqtyq jáne quqyqtyq aktilerine sáıkes ózge de ókilettikterdi júzege asyrady. 22. Departament bastyǵynyń orynbasary (orynbasarlary): 1) óz ókilettikteri sheńberinde Departament qyzmetin úılestiredi; 2) Departament bastyǵy bolmaǵan kezde Departament qyzmetine jalpy basshylyqty júzege asyrady jáne Departamentke júktelgen mindetterdiń oryndalýyn jáne óz fýnksııasyn júzege asyrý úshin derbes jaýapty bolady; 3) Departament bastyǵy júktegen ózge de fýnksıalardy júzege asyrady. 23. Qoıylǵan qarsy barlaý, barlaý mindetterin tabysty sheshý úshin qajetti jáne jetkilikti jaǵdaılardy jasaý, qoldaý jáne damytý jónindegi basqarýshylyq sheshimderdi ázirleý jáne iske asyrý maqsatynda Departamentte konsýl­tatıvtik-keńesshi organ – Keńes qurylady. Keńes qyzmetin uıymdastyrý belgilengen talaptarǵa sáıkes júzege asyrylady. 24. Departament quzyretine kiretin máseleler boıynsha Departament atynan jeke jáne zańdy tulǵalarǵa, sondaı-aq UQK basqa bólimshelerine jiberiletin qujattarǵa Departament bastyǵy, al ol bolmaǵan jaǵdaıda ony almastyratyn adam nemese adresattyń mártebesine sáıkes onyń orynbasarlary qol qoıady. 5. Departament múligi 25. Departament jedel basqarý quqyǵyndaǵy oqshaýlanǵan múlikke ıe. Departamenttiń múligi oǵan menshik ıesi bergen múliktiń, sondaı-aq zańmen tyıym salynbaǵan óziniń is-qımyly men ózge de kózder arqyly (qarjy tabystaryn qosa otyryp) jınaqtaý nátıjesinde satyp alynǵan múlikter esebinen qalyptastyrylady. 26. Departamentke bekitilip berilgen múlik respýblıkalyq menshikke jatady. 27. Departament eger zańnamada ózgeshe belgilenbese, ózine bekitilgen múlikti jáne qarjy jospary boıynsha berilgen qarajatqa satyp alynǵan múlikti óz betinshe ıelikten shyǵarýǵa nemese ózge de tásildermen ıelik etýge quqyly emes. 6. Departamentti qaıta qurý jáne taratý 28. Departamentti qaıta qurý jáne taratý Qazaqstan Respýblıkasynyń zańnamasyna sáıkes júzege asyrylady. Buıryq Qazaqstan Respýblıkasynyń Ádilet mınıstrliginde 2015 jylǵy 21 shildedegi Normatıvtik quqyqtyq kesimderdi memlekettik tirkeýdiń tizilimine №11707 bolyp engizildi.