ASTANA. 14 qańtar. Qazaqstan Respýblıkasynyń Qarýly Kúshterinde sporttyń áskerı-qoldanbaly túrleri boıynsha XIII Spartakıada bastaldy. Bul týraly egemen.kz tilshisi habarlady.
О́tken aptada 3-shi aldyn ala kezeńniń saıysy – ásker tekteriniń, óńirlik qolbasshylyqtardyń, áskerı oqý oryndarynyń chempıonattary bastaldy.
Saıys qysqy kezeńniń baǵdarlamasy boıynsha ótkiziledi. Oǵan gir ekisaıysy, armsport, qysqy Prezıdenttik kópsaıys, shańǵy sporty (patrýlderdiń jarysy) jáne shahmat sııaqty sporttyń túrleri kiredi.
Alǵashqy bolyp Aeroutqyr áskerleriniń chempıonaty jalaýyn kóterdi. 12740 áskerı bóliminiń bazasynda 200-den asa armııalyq sportshy Qarýly Kúshterdiń chempıonatynda qatysý úshin qurama komandanyń múshesi bolýǵa baq synasty.
Barlyǵy Spartakıadanyń aldyn ala kezeńderinde 2 300-den asa áskerı qyzmetshi qatysady. QR QK XIII Spartakıada qysqy kezeńiniń fınaly Aqmola oblysynyń Shýche qalasynda ótedi. Sheshýshi kezeńge 500-den asa áskerı qyzmetshi qatysady delinýde.
Áskerı qyzmetshilerdiń mindetti túrde kórsetetin ymyrasyz kúresi jáne joǵary sporttyq nátıjeleri bolady dep kútilýde. Al biliktilik talaptardyń normatıvterin oryndaǵan úzdik sportshylarǵa QR sport sheberi sporttyq ataǵy beriledi.
Sheshýshi saıystyń nátıjeleri boıynsha úzdik armııa sportshylary TMD dostastyq armııasynyń chempıonattary men ózge de halyqaralyq áskerı-sporttyq jarystarda Qarýly Kúshterdiń namysyn qorǵaıtyn bolady.
Dastan Kenjalın.
Derek, sýret: Qazaqstan Respýblıkasy Qorǵanys mınıstrligi.
