Tórt jylda – 61 nysan

Jambyl oblysynda 2012-2015 jyldar aralyǵynda «100 aýrýhana» jobasy sheńberinde 4 densaýlyq saqtaý nysany paıdalanýǵa berildi. Al osy jyldar aralyǵynda «350 dárigerlik ambýlatorııa, feldsherlik-akýsherlik pýnkt jáne emhana salý» jobasy aıasynda 24 densaýlyq saqtaý nysandarynyń qurylysy aıaqtalyp, saltanatty túrde ashyldy. Jalpy alǵanda, respýblıkalyq jáne jergilikti bıýdjet esebinen 2012-2015 jyldary 61 densaýlyq saqtaý nysany salyndy. Elbasynyń tapsyrmasyna sáıkes, elimizdiń azamattary, ásirese, aýyl turǵyndary sta­­sıonardy erkin tańdaý quqy­ǵyn paıdalanady. Búginde olar óz erkimen oblystyq, respýb­lıkalyq deńgeılerdegi emdeý mekemelerin tańdap, tıisti kómek alýda. Emdeýge jatqyzý bıýrosy portaly naýqasqa medısına uıymyn erkin tańdaýǵa múmkindik usynady. Qazirgi tańda naýqastardyń suranystaryn neǵurlym to­lyq qanaǵattandyrýǵa, resýrs únem­deıtin tehnologııalardy belsendi túrde damytýǵa múmkindik berilip otyr. Aýrýhanalar stasıonarlyq kómek kórsetkeni úshin aqyny bu­­rynǵydaı tósek-oryn sanyna qa­raı emes, kórsetilgen medı­sı­na­­lyq qyzmetter kólemine jáne naq­ty shyǵyndaryna sáıkes alyp otyr. Osynyń nátıjesinde sara­lanǵan eńbekaqy tóleý júıesi engi­zilip, erkin tańdaý quqyǵy arqyly naryqtyq qatynas qalyp­tastyrylyp, resýrstardy tıimdi qoldaný qamtamasyz etildi. Bul dárigerlerdiń biliktilikterin kóterýge yntasyn arttyrdy jáne medısına qyzmetkerleriniń básekege qabilettiligin damytýǵa yqpal etedi. Bul júıede qarajat tóleýge oblys boıynsha 2015 jyldyń 10 aıynda 1426111,0 myń teńge bólindi. Tegin medısınalyq kómektiń kepildik berilgen kólemi sheńbe­rinde halyqty dárilik zattarmen qamtamasyz etýge bólingen qara­jat mólsheri 2012 jyly – 20,6 mlrd. teńge, 2013 jyly – 26,5 mlrd. teńge, 2014 jyly – 28,9 mlrd. teńge, al 2015 jyly 30,5 mlrd. teńgeni qurap otyr. Ana men bala ólimin tómendetý «Salamatty Qazaqastan» mem­lekettik baǵdarlamasynyń bas­ty mindeti jáne maqsaty bolyp tabylady. Osy baǵytta atqarylyp jatqan jumystardyń úles salmaǵy óte zor. Balalar me­kemeleri men bosanýǵa kómek­tesetin uıymdardy jabdyqtaý 2014 jyly 82 paıyzdy qurady. Qazaqstandaǵy ekonomıkalyq ósýdiń arqasynda otandyq medısına qarqyndy damyp, jańa bıikterdi baǵyndyra bastady. Taıaýda Jambyl oblysy, Baızaq aýdany Myrzataı aýyldyq okrý­ginde 60 oryndyq týberkýlezge qar­sy dıspanser paıdalanýǵa beril­di. Aýrýhana qurylysyna 1 168,4 mln. teńge, al medısınalyq qu­ral-jabdyqtar úshin 149,6 mln. teńge jumsaldy. Áleýmettik mańy­zy bar nysandy jobalaý jáne onyń qurylysyn júrgizý jumystarymen «Nasıonalnyı sentr Qurylyskonsaltıng» JShS men «Temır-Stroı Servıs ı Ko» JShS aınalysty. Úsh qabattan turatyn bul aýrýhanada 9 bólim bar. Bul dıspanser Baızaq aýdany turǵyndaryna joǵary kásibı stasıonarly medısınalyq qyzmet kórsetý jáne aldyn alý sharalaryn ótkizýmen qatar, týberký­lez­ge shaldyqqan naýqastarǵa ke­shendi em-dom júrgizetin bolady. Densaýlyq saqtaý salasyndaǵy qarqyndy qurylystar munymen toqtamaıdy. Endi bıylǵy jyly Taraz qalasyndaǵy 300 oryndyq kópsalaly aýrýhana men Merki jáne Talas aýdandarynda 2 emhana paıdalanýǵa beriledi dep josparlanýda. Oralhan DÁÝIT, «Egemen Qazaqstan». Jambyl oblysy. Sýretti túsirgen Altynbek QARTABAI.