Arqada ák zaýyty turǵyzylmaq

Qaraǵandy oblysynda óndiris salasyna ınvestor tartý isi sátimen júrgizilip keledi. Munyń jarqyn mysaly óńir basshysy Nurmuhambet Ábdibekovtiń belgııalyq asa iri «Carmeuse» kompanııasynyń basshysy Rýdolf Kollınetpen kezdesýi barysynda kórinis tapty. Kezdesý barysynda oblystyń Osakarov aýdanynda joǵary sapaly ák óndiretin zaýyt salý jobasy jan-jaqty talqylandy. Joba metallýrgııalyq, hımııa­lyq jáne taǵam ónerkásibi kásip­oryndarynyń qajettiligin qamtamasyz etetin birinshi surypty ák óndirý boıynsha óndiristik keshen qurylysyn salýdy kózdeıdi. Keshen qurylysyna 8 mlrd. teńge kólemindegi ınvestısııany Carmeuse Group kompanııasy salmaqshy. О́ńirlik ındýstrııalandyrý kartasyna enetin bul joba iske asqanda 105 adam jańa jumys ornymen qamtamasyz etiletin bolady. Jobanyń ınnovasııalyq máni mynada: qoldanylatyn tehnologııa reaksııalyq qabileti joǵary jáne tutynýshynyń tehnıkalyq talaptaryna beıimdele alatyn birinshi surypty jeńil jáne qatty kúıdirilgen ák óndirýge múmkindik beredi. Jalpy, Carmeuse Group toby dúnıejúzi boıynsha ondaǵan zaýyttary bar, ák óndirý salasynda álemdegi kóshbasshylardyń birinen sanalatyn transulttyq korporasııa. Dál qazirgi jaǵdaı turǵysynan alyp qaraǵanda, sheteldik mundaı irgeli kásiporynnyń oblysqa ınves­tısııa quımaq nıeti bek qýan­tarlyq jaıt. Munyń ózi oblys bas­shylyǵynyń óńirge ınves­torlar tartý saıasatyn tıimdi júr­gizip otyrǵanyn kórsetse kerek.  Qaırat ÁBILDINOV, «Egemen Qazaqstan». QARAǴANDY.