Investorlar úshin «bir tereze»

Elimizde endi ınvestısııalyq jobany júzege asyrýǵa qajetti barlyq memlekettik qyzmetti «bir tereze» qaǵıdaty arqyly halyqqa qyzmet kórsetý orta­lyqtarynan-aq alýǵa bolady. Keshe Astanadaǵy osyndaı qyzmet kórsetý bóliminiń jumysymen Inves­tısııalar jáne damý mınıstri Áset Isekeshev tanysty. Halyqqa qyzmet kórsetý orta­lyqtarynda «bir tereze» qaǵıdaty arqyly ınvestorlarǵa qyzmet kór­setý bólimderi jańa jyldan beri elimizdiń barlyq oblystarynda iske qosylǵan bolatyn. Investısııalar jáne damý mınıstrliginiń máli­metine qaraǵanda, Qazaqstanda qazirgi tańda ınvestorlarǵa qyz­met kórsetetin 19 bólim jumys isteıdi. Onyń ekeýi Astanada, úsheýi Almatyda, al qalǵany oblys ortalyqtarynda ornalasqan. Bul bólimsheler ın­vestorlarǵa bıýrokratııalyq jáne ákimshilik salmaqty aıtarlyqtaı tómendetedi dep kútilýde. «Tez ózgeriske ushyrap otyrǵan syrtqy jaǵdaılarda ınvestorlar men shaǵyn bıznes úshin bıý­rokratııalyq kedergilerdi joıýǵa qatysty reformalardy jyldam jasaý kerek. Memleket basshysynyń tapsyrmasy boıynsha ótken jyly mınıstrlikte basymdyqty jobalar úshin «bir tereze» qaǵıdaty boıyn­sha qyzmetti júzege asyrdyq. Biz barlyq memorgandarmen nor­matıvtik-zańnamalyq bazany qa­rastyrdyq. Endi bıyldan bastap kez kelgen ınvestorlar úshin keńes berý men barlyq ruqsatnamalyq qujattardy usyný qamtylyp otyr. Iаǵnı, árbir ınvestor memorgandarǵa júginbesten, HQO-ǵa kelip, bir jerden 350 memlekettik qyzmetti alýǵa múmkindik jasalyp otyr», dedi Á.Isekeshev. Bul turǵyda jerdi paıdalaný, qurylys jumystaryna qajetti qujattar, sáýlettik-jobalaý ǵı­marattary, ınvestısııalyq shartty bekitý jáne basqa da qyzmetter qamtylyp otyr. Atap aıtqanda, osy ınvestorlarǵa qyzmet kórsetý sektorlarynda tıisti qujattardy berý barynsha qysqa merzimde atqarylmaq. Munymen qosa mınıstr qazirgi kezde mobıldik qyzmetter bo­ıyn­sha jumystar jalǵasyp jat­qandyǵyn jetkizdi. «100 naqty qadam» Ult Jospary aıasynda aqparatqa qoljetimdilik boıynsha jumystar júrip jatyr. Bıyl 4 mańyzdy portal quralatyn bolady. Onyń negizgi maqsaty – barlyq mınıstrlikter saıttarda baǵdarlamalar, bıýdjetter, satyp alýlar týraly barsha aqparatty halyq úshin qoljetimdi etýge min­detti», dedi Á. Isekeshev. Son­daı-aq, mınıstr elimizdiń ınvestısııalyq ahýalyna da qys­qasha toqtalyp ótti. «Álemdegi daǵdarys saldarynan 2014 jyly ınvestısııanyń tómendeýin baı­qadyq. Taldaý de­rekterine súıensek, ınvestısııalar munaı-gaz jáne taý-ken sektorlarynda tómendedi. Al óńdeýshi sa­la­daǵy ınvestısııa kólemi ózi­niń deńgeıin saqtap qaldy», dedi Á.Isekeshev. Osy oraıda mınıstr daǵdarysqa qaramastan, ındýstrııalyq baǵdarlama óńdeýshi salaǵa oń áser etkenin atap ótti. «Biz ınvestorlarmen jumys­tardy jalǵastyrýdamyz. Indýs­trııalyq baǵdarlama boıynsha jo­balardyń jalpy pýlynyń 150-den astamy shetel ınvestorlarynyń qatysýymen júrýde. Daǵdarysqa qaramastan barsha ınvestorlar jumystaryn jalǵastyrýda, ıaǵnı nysandardy júzege asyrý men tıisti qurylys jumystary júrýde. Jańa ınvestorlarmen ju­mystar atqaryp jatyrmyz. Kún saıyn mınıstrlikke 5-10 ınvestor keledi. Biz olarǵa qaı salaǵa ınves­tısııa salý kerektigi, jeńildikter alý turǵysynda keńes beremiz», dedi. Osy oraıda mınıstr endi ınvestorlar qarapaıym qyzmetterdi barynsha qysqa merzimde alýǵa múm­kindik ashylǵanyn basa aıtty. Aldaǵy eki jylda halyqqa qyz­met kórsetý ortalyqtarynda kórsetiletin memlekettik qyzmetter sany arta túspek. Á.Isekeshev búginde halyqqa qyzmet kórsetý ortalyqtarynda kóp qyzmetterdi alýǵa bolatynyn aıta kele, «bı­yl birneshe qurylymdardy birik­tiremiz, osy oraıda el azamattary halyqqa qyzmet kórsetý orta­lyqtarynda 530 qyzmetti alatyn bolady. Biz eki jyldyń aıasynda, ári ketse úsh jylda barlyq 700 memlekettik qyzmetti HQO-lar­da júzege asyrýdy josparlap otyrmyz», dedi. Dınara BITIKOVA, «Egemen Qazaqstan».