Aqtóbede ortalyq medısınalyq jedel járdem stansasy salynady

AQTО́BE. 15 qańtar. Aqtóbede túrikter ortalyq medısınalyq jedel járdem stansasyn salady. Bul týraly egemen.kz tilshisi habarlady. Túrkııanyń Hemogens Health Care kompanııasynyń Aqtóbede ortalyq medısınalyq jedel járdem stansasyn salatyny týraly oblys ákimi Berdibek Saparbaevtyń kompanııanyń bas dırektory Nadjıe Arpadjymen kezdesý barysynda belgili boldy. Kezdesýde óńir basshysy sońǵy bes jyl ishinde aımaqta halyqaralyq standarttarǵa jaýap beretin 52 densaýlyq saqtaý nysany salynǵandyǵyn, 52 mekeme ǵımaratyna kúrdeli jóndeý júrgizilgendigin jetkizdi. Medısınalyq mekemelerdiń materıaldyq-tehnıkalyq bazalaryn jaqsartý jolynda jumystar júrgizilýde, negizinen onkologııalyq syrqattar úshin jelilik jedeldetkish, júrek yrǵaǵy buzylǵan emdelýshilerge qajetti elektrli fızıologııalyq laboratorııa, kóz mıkrohırýrgııasy oftalmologııalyq jabdyq sekildi biregeı emdik quraldar satyp alynǵanyn tilge tıek ete kelip, olardyń óńir medısınasyn neǵurlym joǵary sapalyq deńgeıge kóterýge alǵyshart jasaǵanyn aıtty. Sonymen birge, densaýlyq saqtaý salasynda sheshýdi qajet etetin problemalar da bar ekenin jasyrmady.  Sondaı ózekti máselelerdiń biri – medısınalyq jedel járdem qyzmetiiniń tıptik ǵımarattyń bolmaýy, avtokólikter men jabdyqtardyń shegine jete tozýy, dıspetcherlik qyzmettiń qazirgi standarttarǵa saı kelmeýi ekenin málim etti. «Osyǵan baılanysty biz oblystyq jedel járdem stansasyn aýtsorsıngke berý týraly sheshim qabyldadyq. Bul rette bizge túrkııalyq áriptesterimiz kómekke kelmek», – deıdi Berdibek Mashbekuly. Qazirgi ýaqytta sanıtarlyq kólik parkiniń tozýy 55 paıyzdy qurasa, bul kórsetkish boıynsha medısınalyq jabdyqtardyń da jaǵdaıy máz emes. Jedel járdem brıgadalaryna júkteme óte joǵary , ótken jyly ǵana ol 29 paıyzǵa kóterildi. Shaqyrýlar sany kóbeıe tústi, osyǵan baılanysty keshigip barý jaǵdaılary oryn alýda. Hemogens Health Care kompanııasynyń bas dırektory Nadjıe Arpadjy Túrkııa men Birikken Arab Ámirliginde ózderiniń osyndaı jobalardy júzege asyrýda biraz tájirıbe jınaqtaǵanyn aıta kelip, Aqtóbe óńiriniń densaýlyq saqtaý salasyna 5,5 mıllıard teńge ınvestısııa jasalatyndyǵyn jetkizdi. Oblys ákimi memlekettik-jeke áriptestik esebinen tartylǵan ınvestısııanyń elimizdiń batys aımaǵynda densaýlyq saqtaý júıesin jáne medısınalyq týrızmdi damytýǵa baǵyttalatyndyǵyna senim bildirdi. Kezdesý qorytyndysy boıynsha memorandýmǵa qol qoıyldy. Satybaldy Sáýirbaı. Derek, sýret: egemen.kz.