Úzdik shetel fılmi boıynsha «Oskardan» úmitkerler belgili boldy

ASTANA. 15 qańtar. Úzdik shetel fılmi boıynsha «Oskar» júldesine úmitker kınotýyndylar anyqtaldy. Bul týraly RIA «Novostı» agenttigine silteme jasaǵan egemen.kz tilshisi habarlady. Uıymdastyrýshylardyń habarlaýynsha, Kolýmbııa, Vengrııa, Fransııa, Danııa men Iordanııa rejısserlarynyń týyndylary «Oskardyń» eń úzdik shet tilindegi fılm nomınasııasyna úmitkerler qataryna engen. Kıno salasyndaǵy eń bedeldi marapattan úmitkerler arasynda kolýmbııalyq Sıro Gerranyń «Jylan qushaǵy», dat rejısseri Tobıas Lındholmniń «Soǵys», fransýz rejısseri Denız Gamze Ergıývenniń «Mýstang», vengerlik maman, «Altyn globýs» ıegeri Laslo Nemeshtiń «Saýldyń uly» lentasy, Iordanııa rejısseri Nadjı Nabý Avardyń «Tákapparlyq» atty kınolary bar. Bul atalymdaǵy «Oskar» júldesi AQSh-tan tys jerde dúnıege kelgen kartınalarǵa beriledi. Mundaı kınolarda dıalogtar aǵylshyn tilinde júrgizilmeıdi. Bıyl baıqaýǵa qatysýǵa 80-nen astam elden ótinish kelip túsken. Aıta keteıik, AQSh Kınematografııalyq óner jáne ǵylym akademııasy usynatyn kınomarapatty tapsyrýdyń 88-saltanaty Gollıvýdta 28 aqpan kúni ótedi. «Oskar» júldesi 24 nomınasııa boıynsha beriledi. Elaman Qońyr. Derek: RIA «Novostı». Sýret: Academy of Motion Picture Arts and Sciences.