«Jas qyran» áskerı-patrıottyq birlestigin damytý ortalyǵy» qoǵamdyq birlestigi (QB) Parlament Májilisi men barlyq deńgeıdegi
máslıhattar depýtattarynyń
merziminen buryn saılaýlaryn ótkizý jónindegi bastamany qoldaý týraly
MÁLIMDEMESI
«Jas qyran» áskerı-patrıottyq birlestigin damytý ortalyǵy» QB Parlament Májilisi men barlyq deńgeıdegi máslıhattar depýtattarynyń merziminen buryn saılaýlaryn ótkizý jónindegi bastamany qyzý qoldaıdy. Elimizde qolǵa alynyp jatqan reformalardy júzege asyrý jáne daǵdarysqa qarsy kúresti kúsheıtý qajettigin túsingendikten biz depýtattardyń bul bastamasyn durys dep esepteımiz. Yqtımal saılaýda Depýtattar halyq seniminiń jańa mandatyn alady. Bul reformalardy zańnamalyq turǵyda qamtamasyz etý isinde Parlament Májilisiniń jaýapkershiligin odan saıyn arttyra túsedi. Jalpy, «100 naqty qadam» Ult Jospary daǵdarysqa qarsy sharalardy júzege asyrýda bılik pen azamattyq qoǵamnyń úılesimdi jumys isteýin talap etedi. Saılaý elimizdi damýdyń jańa satysyna kóterý úshin halyqtyń belsene atsalysýyna jol ashady. Biz barlyq otandastarymyzdy merziminen buryn saılaý ótkizýdi qoldaýǵa shaqyramyz.
