«Saıasattanýshylar kongresi» respýblıkalyq qoǵamdyq birlestigi (RQB) Parlament Májilisi men barlyq deńgeıdegi máslıhattar depýtattarynyń
merziminen buryn saılaýlaryn ótkizý jónindegi bastamany qoldaý týraly
MÁLIMDEMESI
«Saıasattanýshylar kongresi» RQB depýtattardyń Parlament Májilisi men barlyq deńgeıdegi máslıhattar depýtattarynyń merziminen buryn saılaýlaryn ótkizý jónindegi bastamasyn tolyq qoldaıdy. «100 naqty qadam» Ult Josparyn iske asyrý kún tártibine shyǵarylǵan búgingi jaǵdaıda depýtattardyń bul bastamasy der kezinde kóterilip otyr. Qazirgi Májilis ózine júktelgen tarıhı mindetterdi abyroımen oryndady. Naqtylaı aıtqanda, Májilis Ult Jospary aıasynda 80 zań jobasyn qabyldady ári daǵdarysqa qarsy «jol kartasyn» naqtylady. Túsine bilgenge, osynaý jumystardyń barlyǵy da qazaqstandyqtar úshin asa mańyzdy. Qazirgi tańda daǵdarysqa qarsy sharalar qabyldap, qıyndyqtardy eńserý úshin bes ınstıtýttyq reformany tıimdi júzege asyrý qajet. Osy oraıda merziminen buryn saılaý ótkizip, Parlament Májilisin jańadan jasaqtaý tereń mánge ıe.
