«Qazaqstan Mashına jasaýshylar odaǵy» zańdy tulǵalar birlestiginiń (ZTB) Qazaqstan Respýblıkasy Parlamentiniń Májilisi men barlyq deńgeıdegi máslıhattar depýtattarynyń saılaýlaryn merziminen buryn ótkizý jónindegi bastamany qoldaý týraly
MÁLIMDEMESI
Biz, «Qazaqstan Mashına jasaýshylar odaǵy» ZTB músheleri, Qazaqstan Respýblıkasy Parlamentiniń Májilisi men barlyq deńgeıdegi máslıhattar depýtattarynyń merziminen buryn saılaýlaryn ótkizý jónindegi bastamany qoldaımyz. Qatarymyzǵa elimizdegi iri óndiristik kásiporyndardy jáne mańyzdy eńbek resýrstaryn biriktire otyryp, biz Bes ınstıtýttyq reformany júzege asyrý jónindegi «100 naqty qadam» Ult Josparynda qarastyrylǵan keshendi sharalarǵa tolyq qoldaý bildiremiz. Parlament Májilisiniń V shaqyrylymy daǵdarysqa qarsy baǵdarlamany engizý úshin zań shyǵarýshy bazany qalyptastyrý jáne qoǵam ómirin aýqymdy reformalaýdy júrgizý arqyly óziniń basty mindetin oryndady dep sanaımyz. Merziminen buryn saılaý – elimizdegi saıası partııalar úshin reformalardy júzege asyrýdyń alǵashqy satysynda-aq halyqtyń senimine ıe bolýǵa jáne daǵdarysqa qarsy sharalardy engizý jóninde ózderiniń tıimdi tásilderin usynýǵa taptyrmas múmkindik. Sondyqtan barlyq azamattardy Parlament Májilisiniń merziminen buryn saılaýyn ótkizý jónindegi depýtattardyń bastamasyn qoldaýǵa shaqyramyz.
