«Qazaqstan Respýblıkasy Kásipodaqtar federasııasy» respýblıkalyq kásipodaqtar birlestiginiń Qazaqstan Respýblıkasy Parlamentiniń Májilisi men barlyq deńgeıdegi máslıhattar depýtattarynyń saılaýlaryn merziminen buryn ótkizý jónindegi bastamany qoldaý týraly
MÁLIMDEMESI
Qazaqstan Respýblıkasy Kásipodaqtar federasııasynyń músheleri Parlament Májilisi men barlyq deńgeıdegi máslıhattar depýtattarynyń merziminen buryn saılaýlaryn ótkizý jónindegi bastamany qoldaıdy. Aýqymdy ınstıtýttyq reformalar men «100 naqty qadam» Ult Josparynda kórsetilgen daǵdarysqa qarsy tetikterdi júzege asyrý jumystarynyń bastalýy barlyq qoǵamdyq kúshtiń meılinshe birigýin talap etedi. Jahandyq daǵdarys kezindegi merziminen buryn saılaý ótkizý qoǵamda ózara kelisim men yntymaqtastyqty nyǵaıtady. Sondaı-aq, jaǵymsyz syrtqy áserlerdiń aldyn alýda oń nátıjege jetý úshin barlyq resýrstardy jumyldyrýǵa múmkindik beredi. Sonymen qatar, atalǵan saılaý saıası partııalarǵa ózderiniń memlekettik qurylymnyń jańa satysyna ótý kezindegi tıimdilikterin kórsetý úshin berilip otyrǵan jaqsy múmkindik.
