Qazaqstan Respýblıkasy Úkimetiniń qaýlysy  №1142

2015 jylǵy 30 jeltoqsan, Astana, Úkimet Úıi Ishki ister organdarynyń jergilikti polısııa qyzmeti týraly erejeni bekitý týraly «Qazaqstan Respýblıkasynyń ishki ister organdary týraly» 2014 jylǵy 23 sáýirdegi Qazaqstan Respýblıkasynyń Zańy 10-babynyń 2-1) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Ishki ister organdarynyń jergilikti polısııa qyzmeti týraly ereje bekitilsin. 2. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2015 jylǵy 30 jeltoqsandaǵy №1142 qaýlysymen bekitilgen Ishki ister organdarynyń jergilikti polısııa qyzmeti týraly ereje 1. Jalpy erejeler 1. Osy Ereje «Qazaqstan Respýblıkasynyń ishki ister organdary týraly» 2014 jylǵy 23 sáýirdegi Qazaqstan Respýblıkasynyń Zańy 10-babynyń 2-1) tarmaqshasyna sáıkes ázirlendi jáne ishki ister organdarynyń jergilikti polısııa qyzmetiniń mártebesin, ókilettikterin, sondaı-aq ishki ister organdarynyń jergilikti polısııa qyzmetiniń (budan ári – JPQ) jumysyn uıymdastyrý máselelerinde jergilikti atqarýshy organdardyń ókilettikterin aıqyndaıdy. 2. JPQ óziniń qyzmetin Qazaqstan Respýblıkasynyń Konstıtýsııasyna jáne zańdaryna, Qazaqstan Respýblıkasynyń Prezıdenti men Úkimetiniń aktilerine, ózge de normatıvtik quqyqtyq aktilerge, sondaı-aq osy Erejege sáıkes júzege asyrady. 3. JPQ ýchaskelik polısııa ınspektorlary bólimshelerinen, kámeletke tolmaǵandar isteri, áıelderdi zorlyq-zombylyqtan qorǵaý jónindegi bólimshelerden, jol-patrýldik polısııasynan, tabıǵatty qorǵaý polısııasynan, qabyldaý-bólý oryndarynan jáne ar­­naý­ly qabyldaý oryndarynan turady jáne ishki ister organdarynyń biryńǵaı júıesine kiredi. 4. JPQ qyzmetkerleriniń qyzmet ótkerý sharttaryn qosa alǵanda, quqyq qorǵaý organdarynyń qyzmetkerleri degen biryńǵaı quqyqtyq mártebesi bar. 5. JPQ qyzmetkerlerin materıaldyq qamtamasyz etý jáne áleýmettik qorǵaý Qazaqstan Respýblıkasynyń zańnamasynda reglamentteledi. 6. Jergilikti polısııa qyzmetiniń jumysyn úılestirýdi Qazaqstan Respýblıkasynyń Ishki ister mınıstrligi dara basshylyq jáne sýbordınasııa (baǵynystylyq) qaǵıdaty negizinde ishki ister organdarynyń qyzmetin reglamentteıtin biryńǵaı normatıvtik quqyqtyq jáne ádistemelik bazaǵa sáıkes júzege asyrady. 7. JPQ qarjylandyrý oblystardyń, respýblıkalyq mańyzy bar qalalardyń, astananyń jergilikti bıýdjetinen júzege asyrylady. 2. JPQ negizgi mindetteri, fýnksııalary, quqyqtary men mindettemeleri 8. JPQ mindetteri: 1) quqyq buzýshylyqtar profılaktıkasy; 2) qoǵamdyq tártipti saqtaý; 3) jol júrisi qaýipsizdigin qamtamasyz etý; 4) ákimshilik quqyq buzýshylyq týraly ister boıynsha is júrgizý; 5) qylmystyq quqyq buzýshylyqtardyń aldyn alý jáne jolyn kesý; 6) qylmystyq teris qylyqtar boıynsha hattamalyq nysanda sotqa deıingi tergep-tekserý; 7) ishki ister organdarynyń qabyldaý-bólý jáne arnaıy qabyldaý oryndarynda adamdardy ustaý; 8) JPQ oblystardyń, respýblıkalyq mańyzy bar qalalardyń, astananyń ákimderi aldynda qoıatyn tıisti ákimshilik-aýmaqtyq birliktiń aýmaǵynda quqyq tártibin qamtamasyz etý jónindegi ózge de mindetter. 9. JPQ fýnksııalary: 1) quqyq buzýshylyqtardy jasaýǵa yqpal etetin sebepter men jaǵdaılardy anyqtaýǵa, zerdeleýge, joıýǵa baǵyttalǵan sharalar keshenin júzege asyrady; 2) qoǵamdyq tártipti saqtaý boıynsha sharalar keshenin júzege asyrady; 3) jol júrisin jáne onyń qaýipsizdiginiń qamtamasyz etilýin memlekettik baqylaýdy jáne qadaǵalaýdy júzege asyrady; 4) ákimshilik quqyq buzýshylyq týraly ister boıynsha is júrgizýdi júzege asyrady; 5) qylmystyq teris qylyqtardy tergep-tekserýdi júzege asyrady; 6) ákimshilik qamaýǵa alynǵan jáne belgili bir turǵylyqty jeri jáne (nemese) jeke basty kýálandyratyn qujattary joq adamdardy qabyldaýdy jáne ustaý jaǵdaıyn qamtamasyz etedi; 7) Qazaqstan Respýblıkasynyń zańdarynda, Qazaqstan Respýblıkasynyń Prezıdenti men Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 10. JPQ quqyqtary jáne mindettemeleri: JPQ «Qazaqstan Respýblıkasynyń ishki ister organdary týraly» 2014 jylǵy 23 sáýirdegi Qazaqstan Respýblıkasynyń Zańyna sáıkes óz quzyreti sheginde: 1) jeke jáne zańdy tulǵalardan Qazaqstan Respýblıkasynyń zańnamasyn saqtaýdy, quqyqqa qarsy áreketterdi toqtatýdy talap etýge, al bul talaptardy oryndamaǵan jaǵdaıda tıisti májbúrleý sharalaryn qoldanýǵa; 2) jeke tulǵalardyń jeke basyn kýálandyratyn, sondaı-aq oryndalýyn baqylaý ishki ister organdaryna júktelgen, belgilengen qaǵıdalardyń saqtalýyn tekserýge qajetti basqa da qujattardy tekserýge; 3) jeke tulǵalardy jáne zańdy tulǵalardyń ókilderin is júrgizýde jatqan materıaldar men ister boıynsha ishki ister organdaryna shaqyrýǵa, olardan túsinik jáne aıǵaqtar, qu­jat­tar, olardyń kóshirmelerin alýǵa, al, kelmegen kezde belgilengen tártippen kúshtep keltirýge; 4) jeke jáne zańdy tulǵalarǵa qylmystyq nemese ákimshilik quqyq buzýshylyqtar jasaýǵa yqpal etetin sebepter men jaǵdaılardy joıý týraly oryndalýy mindetti uıǵarymdar, usynymdar engizýge; 5) qoǵamdyq tártipti saqtaýda erekshe kózge túsken azamattardy kótermeleýge; 6) qoǵamdyq, toptyq nemese jeke múddeler men narazylyq tanytýdyń zańsyz nysandarynyń jolyn kesýge; 7) psıhıkaǵa belsendi áser etetin zattardy tutyný faktisin jáne masań kúıde bolǵanyn anyqtaý úshin adamdarǵa kýálandyrý júrgizýge, al, múmkin bolmaǵan jaǵdaıda – kýálandyrý úshin medısınalyq mekemelerge jetkizýge; 8) kólik quraldaryn toqtatýǵa jáne tekserip qaraýǵa, adamdardy kólik quraldaryn basqarýdan shettetýge, kólik quraldaryn paıdalanýǵa tyıym salýǵa, kólik quraldary men jaıaý júrginshilerdiń júrisin ýaqytsha shekteýge nemese oǵan tyıym salýǵa; 9) tótenshe jaǵdaılardyń saldaryn joıý, terrorızmge qarsy operasııany, kúzetý, kópshilik, karantındik is-sharalaryn ótkizý, izdeý salýda júrgen adamdardy ustaý, kepilge alynǵandardy bosatý, qylmystyq nemese ákimshilik quqyq buzýshylyqtar jasady dep kúdik keltirilgen adamdardyń izine túsý, jarylǵysh zattar, oq-dáriler jáne jarǵysh qurylǵylar, ýly jáne radıoaktıvti zattar tabylǵandyǵy týraly málimetterdi tekserý, jappaı tártipsizdiktiń jáne jeke tulǵalardyń qaýipsizdigine, ınfraqurylym obektileriniń tynys-tirshiligine qaýip tóndiretin, qoǵamdyq tártipti buzatyn ózge de toptasqan áreketterdiń jolyn kesý kezinde jergilikti jer ýchaskelerin qorshaýǵa alýdy júrgizýge; 10) kúzetiletin, kópshilik is-sharalar ótkiziletin oryndarǵa kirý (kelý) kezinde jeke tulǵalardy, olardyń zattaryn, kólik quraldaryn jáne ótkiziletin júkterdi tekserip qaraýdy, onyń ishinde tehnıkalyq quraldardy paıdalanyp tekserip qaraýdy júrgizýge, olar ótkiziletin oryndarǵa tyıym salynǵan nárseler men zattary bar adamdar men kólik quraldaryn kirgizbeýge; 11) jedel-profılaktıkalyq, izdestirý jáne ózge de arnaýly is-sharalardy ótkizý kezinde baqylaý-ótkizý pýnktterin ornatýǵa; 12) karantındik, sanıtarııalyq-epıdemııaǵa qarsy jáne tabıǵatty qorǵaý is-sharalaryna qatysýǵa; 13) tótenshe jaǵdaılardyń saldaryn joıý úshin órtke qarsy jáne avarııalyq-qutqarý qyzmetteriniń kúshteri men quraldaryn, kólik jáne basqa da materıaldyq-tehnıkalyq quraldardy, uıymdardyń baılanys jáne hımııalyq qorǵaný quraldaryn tartýǵa; 14) qylmystyq quqyq buzýshylyq jasady dep kúdik keltirilgen adamnyń izine túsý, oqıǵa ornyna barý, tótenshe nemese soǵys jaǵdaıy qoldanylǵan kezeńde, qarýly qaqtyǵys jaǵdaıynda, tótenshe jaǵdaılardy joıý kezinde, sondaı-aq menshik ıelerine materıaldyq zalal keltirilgen jaǵdaıda Qazaqstan Respýblıkasynyń Úkimeti aıqyndaǵan tártippen onyń ornyn toltyra otyryp, eger kidirtý adamdardyń ómiri men densaýlyǵyna naqty qater tóndirýi múmkin bolatyn bolsa, jedel medısınalyq kómekke muqtaj adamdardy medısına uıymdaryna jetkizý úshin kóliktiń kez kelgen túrin (dıplomatııalyq ımmýnıteti bar shet memleketter ókildikteri men halyqaralyq uıymdardyń kólik quraldarynan basqa) paıdalanýǵa; 15) azamattyq jáne qyzmettik qarý men onyń patrondaryn, azamattyq pırotehnıkalyq zattar men olar qoldanylyp jasalǵan buıymdardy saqtaıtyn oryndarǵa tekserýler júrgizýge; 16) qylmystyq nemese ákimshilik quqyq buzýshylyqtardyń jasalý aktilerin jáne ishki ister organdary qyzmetkerleriniń áreketterin tirkeý úshin tehnıkalyq quraldardy paıdalanýǵa; 17) qylmystyq nemese ákimshilik quqyq buzýshylyqtar jasaǵan adamdardy ustaý jóninde is-sharalar júrgizýge; 18) jeke tulǵalardy ákimshilik quqyq buzýshylyq jasaǵany úshin ishki ister organdaryna jetkizýge; 19) qylmystyq nemese ákimshilik quqyq buzýshylyqtar jasaǵan áskerı qyzmetshilerdi ustaýǵa jáne olardy áskerı polısııa organdaryna, áskerı bólimder komandırlerine nemese jergilikti áskerı basqarý organdarynyń bastyqtaryna tapsyrýǵa; 20) qarýdy, oq-dárilerdi, esirtkini, psıhotroptyq zattar men prekýrsorlardy, sondaı-aq ózge de tyıym salynǵan nárseler men zattardy alyp qoıýǵa; 21) jeke adamdardyń qaýipsizdigine qater tóndiretin qylmystyq nemese ákimshilik quqyq buzýshylyqtar jasaǵan dep kúdik keltirilgen adamdardyń izine túsý kezinde ne sol jerde qylmystyq nemese ákimshilik quqyq buzýshylyq jasaldy nemese jasalýda, jazataıym oqıǵa boldy dep sanaý úshin jetkilikti málimetter bolsa, dúleı zilzalalar, apattar, avarııalar, epıdemııalar, epızootııalar jáne jappaı tártipsizdikter kezinde jeke tulǵalardyń jeke basynyń qaýipsizdigi men qoǵamdyq qaýipsizdikti qamtamasyz etý úshin turǵyn jáne ózge de úı-jaılarǵa, aýmaqtarǵa jáne jer ýchaskelerine (dıplomatııalyq ımmýnıteti bar shet memleketter ókildikteri men halyqaralyq uıymdardan basqa) kedergisiz kirýge, olardy qarap tekserýge; 22) eger jeke tulǵalardyń turǵyn jaılarda, jergilikti jerdiń belgili bir ýchaskelerinde bolýy adamnyń ómiri men densaýlyǵyna, menshik obektilerine qater tóndiretin bolsa, uıymdardyń jumysyn buzsa, kólik quraldary men jaıaý júrginshilerdiń júrisine kedergi keltiretin bolsa, sondaı-aq jedel-izdestirý is-sharalaryn, tergeý amaldary men kópshilik is-sharalardy júrgizgen jaǵdaılarda olardyń sol jerlerge kirýin nemese onda bolýyn shekteýge, oǵan ýaqytsha tyıym salýǵa; 23) qabyldaý-bólý jáne arnaıy qabyldaý oryndarynda ustalatyn, profılaktıkalyq esepte turǵan adamdardy krımınalıstik esepke qoıý úshin sýretke túsirýge, daktıloskopııa jasaýǵa, dybys jazbasyn, kıno- jáne beıne túsirilimin júrgizýge; 24) JPQ jumysyn jarııa etý úshin buqaralyq aqparat quraldaryn tartýǵa; 25) derbes derekterdi jınaýdy jáne óńdeýdi júzege asyrýǵa; 26) Qazaqstan Respýblıkasynyń zańdarynda, Qazaqstan Respýblıkasynyń Prezıdenti men Qazaqstan Respýblıkasy Úkimetiniń aktilerinde kózdelgen ózge de quqyqtardy júzege asyrýǵa quqyǵy bar. JPQ «Qazaqstan Respýblıkasynyń ishki ister organdary týraly» Qazaqstan Respýblıkasynyń 2014 jylǵy 23 sáýirdegi Zańyna sáıkes óz quzyreti sheginde: 1) adamnyń jáne azamattyń ómirin, densaýlyǵyn, quqyqtary men bostandyqtaryn quqyqqa qarsy qolsuǵýshylyqtan qorǵaýǵa; 2) oqıǵa týraly, jasalǵan nemese daıyndalyp jatqan qylmystyq nemese ákimshilik quqyq buzýshylyq týraly ótinishterdi nemese habarlamalardy qabyldaýǵa, tirkeýge jáne qaraýǵa, zańnamada belgilengen tártippen ótinish berýshige qabyldanǵan sheshim týraly habar berýge; 3) quqyqqa qarsy qolsuǵýshylyqtan, oqıǵalardan jáne jazataıym jaǵdaılardan zardap shekken, sondaı-aq ózderiniń ómiri men densaýlyǵy úshin qaýipti dármensiz ne ózge de kúıdegi jeke tulǵalarǵa kómek kórsetýge; 4) quqyq buzýshylyq profılaktıkasynyń jalpy jáne jeke sharalaryn júzege asyrýǵa; 5) patrýldeýdi júzege asyrýǵa; 6) jol júrisi qaǵıdalarynyń jáne jol júrisi qaýipsizdigin qamtamasyz etýge jatatyn normatıvterdiń saqtalýyn baqylaýdy júzege asyrýǵa, jol júrisin retteýge; 7) ákimshilik quqyq buzýshylyqtardy anyqtaýǵa jáne jolyn kesýge, ákimshilik quqyq buzýshylyqtar týraly ister boıynsha is júrgizýdi júzege asyrýǵa; 8) qoǵamdyq oryndarda adamnyń qadir-qasıeti men qoǵamdyq ımandylyqty qorlaıtyn masań kúıde júrgen adamdardy medısınalyq uıymdarǵa nemese ishki ister organdaryna jetkizýge; 9) sot sheshimimen taǵaıyndalǵan medısınalyq sıpattaǵy májbúrleý sharalarynan jaltaryp júrgen adamdardy izdeýdi júzege asyrýǵa, olardy ustaýǵa jáne arnaýly medısınalyq mekemelerge jetkizýge; 10) úsh jastan on segiz jasqa deıingi kámeletke tolmaǵan qadaǵalaýsyz qalǵan balalardy, sondaı-aq ata-anasynyń nemese olardy almastyratyn adamdardyń qamqorlyǵynsyz qalǵan balalardy beıimdeý ortalyqtaryna jetkizýge; 11) kópshilik is-sharalardy ótkizý kezinde qoǵamdyq tártipti saqtaýdy qamtamasyz etýge; 12) jappaı tártipsizdiktiń, toptasyp baǵynbaýshylyqtyń jolyn kesýge; 13) tótenshe jaǵdaılardyń aldyn alý jáne olardy joıý, órt qaýipsizdigi jáne azamattyq qorǵanys, tótenshe nemese soǵys jaǵdaıy rejımin qamtamasyz etý jónindegi is-sharalardy júzege asyrýǵa; 14) sheteldikter men azamattyǵy joq adamdardyń Qazaqstan Respýblıkasynda bolýdyń jáne Qazaqstan Respýblıkasynyń aýmaǵy arqyly tranzıtpen júrýdiń belgilengen qaǵıdalaryn saqtaýyn baqylaýǵa; 15) jeke tulǵalardyń azamattyq qarý men onyń patrondary aınalymynyń belgilengen qaǵıdalary saqtaýyn baqylaýdy júzege asyrýǵa; 16) terrorızmge qarsy operasııalar men kúzet is-sharalaryn júrgizýge qatysýǵa; 17) qylmystyq nemese ákimshilik quqyq buzýshylyqtar jasaıtyn adamdardy ustaýǵa; 18) qylmystyq quqyq buzýshylyqtar jasaýǵa yqpal etetin sebepter men jaǵdaılardy anyqtaýǵa, olardy joıýǵa baǵyttalǵan sharalar qoldanýǵa; 19) qylmystyq ister boıynsha sotqa deıingi is júrgizýdi júzege asyrýǵa; 20) qylmystyq ister boıynsha sotqa deıingi is júrgizý barysynda sot aktilerin, sýdıalardyń talaptaryn, prokýrordyń qaýlylaryn, nusqamalaryn jáne talaptaryn oryndaýǵa; 21) atqarýshylyq qujattardy májbúrlep oryndatýda sot oryndaýshylaryna kómek kórsetýge; 22) adamdardy ishki ister organdarynyń qabyldaý-bólý jáne arnaıy kabyldaý mekemelerinde ustaýǵa, olardy kúzetýdi qamtamasyz etýge; 23) ishki ister organdarynyń qabyldaý-bólý jáne arnaıy qabyldaý oryndarynda ustalatyn adamdardyń sanıtarııalyq-epıdemıologııalyq salamattylyǵyn jáne densaýlyǵyn saqtaýdy qamtamasyz etýge; 24) memlekettik qupııalardy quraıtyn málimetterdi qorǵaýdy jáne qupııalylyq rejıminiń saqtalýyn vedomstvolyq baqylaýdy qamtamasyz etýge; 25) aqparattyq qaýipsizdik talaptaryn saqtaýdy qamtamasyz etýge; 26) derbes derekterdi qorǵaýdy qamtamasyz etýge; 27) Qazaqstan Respýblıkasynyń zańdarynda, Qazaqstan Respýblıkasynyń Prezıdenti men Qazaqstan Respýblıkasy Úkimetiniń aktilerinde kózdelgen ózge de mindetterdi júzege asyrýǵa mindetti. 3. JPQ jumysyn uıymdastyrý 11. JPQ aýmaqtyq ishki ister organdarynyń qurylymdyq bólimshesi bolyp tabylady, onyń quzyretine quqyq buzýshylyq profılaktıkasy, qoǵamdyq tártipti saqtaý, jol júrisi qaýipsizdigin qamtamasyz etý, qylmystyq quqyq buzýshylyqtyń aldyn alý jáne jolyn kesý máseleleri jatady. 12. Jergilikti polısııa qyzmetiniń bastyǵy JPQ kúshteri men quraldaryna basshylyq etýdi júzege asyrady, ol JPQ júktelgen mindetterdi oryndaýǵa jáne onyń óz fýnksııalaryn júzege asyrýǵa derbes jaýaptylyqta bolady. 13. JPQ (oblystyń, respýblıkalyq mańyzy bar qalanyń, astananyń, aýdannyń, qalanyń, qaladaǵy aýdannyń) bastyǵyn tıisti máslıhattyń kelisimimen oblystyń, respýblıkalyq mańyzy bar qalanyń, astananyń ákimi laýazymǵa taǵaıyndaıdy jáne laýazymnan bosatady. Oblystyń, respýblıkalyq mańyzy bar qalanyń, astananyń JPQ bastyǵynyń laýazymyna kandıdatýrany Qazaqstan Respýblıkasynyń Ishki ister mınıstri, aýdannyń (qalanyń, qaladaǵy aýdannyń) JPQ bastyǵy laýazymyna – oblystyń, respýblıkalyq mańyzy bar qalanyń, astananyń JPQ bastyǵy usynady. JPQ bastyqtarynyń laýazymdaryna kandıdattar Qazaqstan Respýblıkasy Ishki ister mınıstrligi bekitken biliktilik talaptaryna sáıkes ishki ister organdarynyń kadrlyq rezervinde turǵan polısııa qyzmetkerleriniń qatarynan usynylady. 14. Oblystyń, respýblıkalyq mańyzy bar qalanyń, astananyń JPQ bastyǵyn kelisý jáne taǵaıyndaý tártibi: 1) Ishki ister mınıstri oblystyń, respýblıkalyq mańyzy bar qalanyń, astananyń ákimine oblystyń, respýblıkalyq mańyzy bar qalanyń, astananyń JPQ bastyǵy laýazymyna kandıdatty taǵaıyndaý týraly usynys engizedi; 2) ákim Qazaqstan Respýblıkasynyń Ishki ister mınıstri usynǵan kandıdatýrany maquldaǵan jaǵdaıda, bes jumys kúni ishinde oblystyń, respýblıkalyq mańyzy bar qalanyń, astananyń tıisti máslıhatynyń sessııasyna ony kelisý týraly usynys engizedi, bas tartqan jaǵdaıda – bas tartý sebepterin negizdeı otyryp, qabyldanǵan sheshim týraly Ishki ister mınıstrine habar beredi; 3) máslıhattyń oń sheshimi alynǵan kezde oblystyń, respýblıkalyq mańyzy bar qalanyń, astananyń ákimi JPQ bastyǵynyń laýazymyna taǵaıyndaý týraly ókimdi eki danada shyǵarady. О́kimniń ekinshi danasy ishki vedomstvolyq rásimder júrgizý úshin bir táýlik ishinde Qazaqstan Respýblıkasynyń Ishki ister mınıstrliginiń atyna jiberiledi. Máslıhat usynylǵan kandıdatýrany kelisýden bas tartqan kezde oblystyń, respýblıkalyq mańyzy bar qalanyń, astananyń ákimi máslıhat sheshimi shyǵarylǵan kezden bastap bes jumys kúni ishinde bas tartý sebepterin negizdeı otyryp, Ishki ister mınıstrine habar beredi. 15. Aýdannyń (qalanyń, qaladaǵy aýdannyń) JPQ bastyǵyn kelisý jáne taǵaıyndaý tártibi: 1) oblystyń, respýblıkalyq mańyzy bar qalanyń, astananyń JPQ bastyǵy oblystyń, respýblıkalyq mańyzy bar qalanyń, astananyń ákimine aýdannyń (qalanyń, qaladaǵy aýdannyń) JPQ bastyǵynyń laýazymyna kandıdatty taǵaıyndaý týraly usynys engizedi; 2) oblystyń, respýblıkalyq mańyzy bar qalanyń, astananyń ákimi oblystyń, respýblıkalyq mańyzy bar qalanyń, astananyń JPQ bastyǵy usynǵan kandıdatýrany maquldaǵan jaǵdaıda, bes jumys kúni ishinde aýdannyń (qalanyń, qaladaǵy aýdannyń) tıisti máslıhatynyń sessııasyna ony kelisý týraly usynys engizedi, bas tartqan jaǵdaıda – bas tartý sebepterin negizdeı otyryp, qabyldanǵan sheshim týraly oblystyń, respýblıkalyq mańyzy bar qalanyń, astananyń JPQ bastyǵyna habar beredi; tıisti ákimshilik-aýmaqtyq birlikte máslıhat qurylmaǵan jaǵdaıda usynys kelesi joǵary turǵan deńgeıdegi máslıhattyń qaraýyna engiziledi; 3) máslıhattyń oń sheshimi alynǵan kezde oblystyń, respýblıkalyq mańyzy bar qalanyń, astananyń ákimi aýdannyń (qalanyń, qaladaǵy aýdannyń) JPQ bastyǵynyń laýazymyna taǵaıyndaý týraly ókimdi eki danada shyǵarady. О́kimniń ekinshi danasy ishki vedomstvolyq rásimder júrgizý úshin bir jumys kúni ishinde Ishki ister departamentiniń atyna jiberiledi. Máslıhat usynylǵan kandıdatýrany kelisýden bas tartqan kezde oblystyń, respýblıkalyq mańyzy bar qalanyń, astananyń ákimi máslıhat sheshimi shyǵarylǵan kezden bastap bes jumys kúni ishinde oblystyń, respýblıkalyq mańyzy bar qalanyń, astananyń JPQ bastyǵyna habar beredi. 16. Máslıhat sessııasyn júrgizý tártibi «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» 2001 jylǵy 23 qańtardaǵy Qazaqstan Respýblıkasynyń Zańynda reglamentteledi. 17. Oblystar, respýblıkalyq mańyzy bar qala, astana ákimderiniń JPQ bastyqtarynyń laýazymdaryna kandıdatýralardy qaraýdyń jalpy merzimi ishki ister organdarynyń usynysy ákimdikke túsken kezden bastap kúntizbelik otyz kúnnen aspaıdy. 18. JPQ bastyǵynyń laýazymy aýmaqtyq ishki ister organy bastyǵynyń orynbasary laýazymyna teńestiriledi. 19. JPQ bastyǵynyń laýazymynda bolý merzimi taǵaıyndalǵan kezden bastap bes jyldan aspaýǵa tıis. 20. Ishki ister organdarynyń jergilikti polısııa qyzmeti basshylarynyń laýazymda bolý merzimin tıisinshe Ishki ister mınıstriniń, oblys, respýblıkalyq mańyzy bar qala, astana JPQ basshysynyń usynýy boıynsha tıisti máslıhattyń kelisimimen oblystyń, respýblıkalyq mańyzy bar qalanyń, astananyń ákimi uzartýy múmkin. 21. JPQ bastyqtary «Quqyq qorǵaý qyzmeti týraly» 2011 jylǵy 6 qańtardaǵy Qazaqstan Respýblıkasynyń Zańynda jáne «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» 2001 jylǵy 23 qańtardaǵy Qazaqstan Respýblıkasynyń Zańynda belgilengen erekshelikterge sáıkes tártiptik jaýaptylyqta bolady. 22. Ákim jáne (nemese) máslıhat JPQ bastyǵynyń jumysyn tártiptik jazalaý sharasy retinde atqaryp otyrǵan laýazymynan bosatýǵa ákep soqtyratyn qanaǵattanarlyqsyz dep tanyǵan jaǵdaıda, oblystyń, respýblıkalyq mańyzy bar qalanyń, astananyń ákimi JPQ bastyǵynyń laýazymynda odan ári bolý týraly máseleni ishki ister organdarynyń tártiptik komıssııasynda qaraý úshin tıisinshe Ishki ister mınıstrine, oblystyń, respýblıkalyq mańyzy qalanyń, astananyń JPQ bastyǵyna habar beredi. Tártiptik komıssııanyń sheshimi úsh kún merzimde oblystyń, respýblıkalyq mańyzy bar qalanyń, astananyń ákimine joldanady. 23. JPQ bastyqtaryn qyzmetten bosatý «Quqyq qorǵaý qyzmeti týraly» 2011 jylǵy 6 qańtardaǵy Qazaqstan Respýblıkasynyń Zańynda aıqyndalǵan tártippen júzege asyrylady. 24. JPQ quramyna kiretin bólimshelerdiń qyzmetkerlerin taǵaıyndaý Qazaqstan Respýblıkasynyń quqyq qorǵaý qyzmeti jáne Qazaqstan Respýblıkasy ishki ister organdarynyń qyzmeti salasyndaǵy zańnamasynda belgilengen tártippen júzege asyrylady. 25. Jergilikti polısııa qyzmetiniń bólimshelerinde tártiptiń, zańdylyqtyń jáne sybaılas jemqorlyqqa qarsy is-qımyldyń jaı-kúıin baqylaýdy júzege asyrýdy ishki ister organdarynyń aýmaqtyq ózindik qaýipsizdik bólimsheleri qamtamasyz etedi. 26. Daǵdarystyq, tabıǵı, áleýmettik nemese tehnogendik sıpattaǵy tótenshe jaǵdaılar týyndaǵan jaǵdaıda aýmaqtyq ishki ister organdarynyń bastyqtary JPQ bólimsheleriń basshylyq etýdi Qazaqstan Respýblıkasynyń Ishki ister mınıstrliginiń úılestirýimen júzege asyrady. 27. Tıisti ákimshilik-aýmaqtyq birliktiń ákimi JPQ qyzmetin uıymdastyrý maqsatynda Qazaqstan Respýblıkasynyń zańnamasyna sáıkes óz quzyreti sheginde: 1) JPQ qarjylandyrýdy, onyń ishinde materıaldyq-tehnıkalyq jaraqtaýdy qamtamasyz etedi; 2) tıisti aýmaqta qoǵamdyq tártip pen qaýipsizdikti saqtaýdy uıymdastyrady jáne onyń jaı-kúıine jaýaptylyqta bolady; 3) máslıhatpen birlesip, jylyna eki retten sıretpeı JPQ bastyǵynyń tıisti esepterin tyńdaıdy jáne onyń qyzmetin baǵalaıdy; 4) azamattardy qoǵamdyq tártipti saqtaýǵa tartý jóninde sharalar qabyldaıdy; 5) quqyq buzýshylyq profılaktıkasy sýbektileriniń qyzmetin úılestirýdi júzege asyrady; 6) qoǵamdyq tártipti saqtaý, jol qaýipsizdigi, quqyq buzýshylyqtardyń profılaktıkasy, turmystyq, resıdıvtik jáne jasóspirimder qylmystylyǵy salasynda tıisti aýmaqty damytý baǵdarlamasynyń nysanaly ındıkatorlaryna qol jetkizýge jaýaptylyqta bolady; 7) jergilikti polısııa qyzmetiniń aldynda tıisti ákimshilik-aýmaqtyq birliktiń aýmaǵynda quqyqtyq tártipti qamtamasyz etý jónindegi mindetter qoıady, onyń oryndalýyn baqylaıdy. 28. JPQ qyzmetkerlerin Qazaqstan Respýblıkasynyń zańnamasynda kózdelmegen mindetterdi oryndaýǵa tartýǵa jol berilmeıdi. 29. Buzylǵan nemese daý aıtylatyn quqyqtardy, bostandyqtardy jáne zańmen qorǵalatyn múddelerdi qorǵaý sot tártibimen júzege asyrylady. 30. JPQ bastyǵynyń ókilettikteri: 1) JPQ qyzmetkerleriniń oryndaýy úshin mindetti nusqaýlar, ókimder beredi, óz quzyreti sheginde ishki ister organdarynyń atynan buıryqtar shyǵarady; 2) ákimshilik quqyq buzýshylyq týraly isterdi qaraıdy, ákimshilik jazalaýdy qoldanady, qylmystyq teris qylyqtar boıynsha hattamalyq nysanda sotqa deıingi tergep-tekserý boıynsha prosestik qujattardy maquldaıdy; 3) JPQ qurylymdyq bólimsheleri týraly erejeni jáne JPQ qyzmetkerleriniń laýazymdyq nusqaýlyqtaryn bekitedi; 4) JPQ qurylymdyq bólimsheleriniń qyzmetkerleri arasynda tárbıe jumysyn uıymdastyrady, olardyń tártipti, zańdylyqty, qupııalylyq rejımdi saqtaýyn jáne kásiptik deńgeıin arttyrýdy qamtamasyz etedi; 5) oblystyń, respýblıkalyq mańyzy bar qalanyń, astananyń ákimine aýdannyń, qaladaǵy aýdannyń, oblystyq mańyzy bar qalanyń JPQ bastyqtaryn taǵaıyndaý týraly usynys engizedi; 6) azamattardy qabyldaýdy júzege asyrady, shaǵymdar men aryzdardy qaraıdy, olar boıynsha sheshim qabyldaıdy, tártip pen zańdylyqtyń buzylý faktileri boıynsha qyzmettik tekserýdi taǵaıyndaıdy; 7) JPQ-daǵy sybaılas jemqorlyqqa qarsy is-qımylǵa baǵyttalǵan sharalar qabyldaıdy jáne sybaılas jemqorlyqqa qarsy sharalardyń iske asyrylýyna jaýaptylyqta bolady; 8) JPQ qyzmetkerleri jasaǵan tártiptik teris qylyqtar boıynsha qyzmettik tekserýlerdi bekitedi; 9) jylyna eki retten sıretpeı ókildi jáne atqarýshy organdar aldynda, jylyna bir ret halyq aldynda esep beredi; 10) óz orynbasarlarynyń ókilettikterin aıqyndaıdy; 11) Qazaqstan Respýblıkasynyń zańnamasyna sáıkes ózge de ókilettikterdi júzege asyrady. 31. JPQ bastyǵy bolmaǵan kezeńde onyń ókilettikterin oryndaýdy ony almastyratyn adam júzege asyrady. 4. JPQ qaıta uıymdastyrý jáne taratý 32. Qazaqstan Respýblıkasynyń Ishki ister mınıstri JPQ qaıta uıymdastyrýdy jáne taratýdy «Qazaqstan Respýblıkasynyń ishki ister organdary týraly» 2014 jylǵy 23 sáýirdegi Qazaqstan Respýblıkasynyń Zańyna sáıkes júzege asyrady.