Atyraýda sulýlyq salonynda shatasqandar sotqa júgindi

ATYRAÝ. 18 qańtar. Atyraý oblysynyń Jylyoı aýdandyq sotynda sulýlyq salonynda shatasqan názik jandylardyń isi qaraldy. Bul týraly oblystyq sottyń baspasóz qyzmetine silteme jasaǵan egemen.kz tilshisi habarlady. Oqıǵanyń órbýine tómendegi sebepter negiz bolǵan. О́tken jyldyń 30 qazanynda Jylyoı aýdanynyń ortalyǵy – Qulsary qalasyndaǵy «Santa Marııa» sulýlyq salonyna kelýshiler tepse temir úzetin zińgitteı jigitterdiń emes, úıdiń berekesin keltirer eki názik jandynyń arasyndaǵy daý-damaıdyń ústinen túsedi. Naqtyraq aıtqanda, keıinnen jábirlenýshi retinde sotqa talap aryz túsirgen áıeldiń jaýap berýshimen arazdasýyna sońǵysynyń teris áreketi túrtki bolypty. Jábirlenýshi jaýap berýshige qyzy men kúıeý balasynyń arasyna túsip, aırandaı uıyǵan otbasynyń buzylýyna sebepker boldy dep kiná taǵypty. Osy máseleni ózara sheshý maqsatymen sulýlyq salonyna kelip, ashýmen aýyr sózder aıtqan. Al jaýap berýshi aýyr sózdermen jaýap qaıtarýmen shektelmeı, ózin uryp, kózine jeńil jaraqat saldy dep sotqa júgingen. Alaıda, sot barysynda jaýap berýshi sulýlyq salony ishinde jábirlenýshige qol jumsamaǵanyn, kerisinshe, jábirlenýshi óziniń ar-namysyna tıetin aýyr sózder aıtqanyn málimdeıdi. Tipti sol jerge polısııanyń da bolǵanyn alǵa tartyp, jábirlenýshi sulýlyq salonyna kelgende kózin ýqalap otyrǵanyn, urys-keris bastalmas buryn onyń kózi aýyrǵanyn baıqaǵanyna dálel retinde túsirip alǵan fotony is materıaldaryna tirkeýdi suraǵan. Jylyoı aýdandyq soty taraptardyń ýájderin tyńdap, jaýap berýshini Qylmystyq kodekstiń 108-babymen kináli dep tanýǵa úkim shyǵardy. Sóıtip, oǵan 35 aılyq eseptik kórsetkish, ıaǵnı, 69 370 teńge kóleminde aıyppul salynyp, buǵan qosa saraptamaǵa jumsalǵan shyǵyn – 8 755 teńge 33 tıyn memleket paıdasyna óndirildi. Joldasbek Shópeǵul. Derek: Atyraý oblystyq sotynyń baspasóz qyzmeti. Sýret: egemen.kz.