Qazaqstan Respýblıkasy Ulttyq ǵylym akademııasynyń Parlament depýtattarynyń Májilisti taratý jáne Parlament pen barlyq deńgeıdegi máslıhattar depýtattarynyń kezekten tys saılaýlaryn ótkizý týraly bastamasyna baılanysty
MÁLIMDEMESI
Qazaqstan Respýblıkasy Ulttyq ǵylym akademııasy Parlament depýtattarynyń Májilisti taratý jáne Parlament pen barlyq deńgeıdegi máslıhattar depýtattarynyń kezekten tys saılaýlaryn ótkizý týraly bastamasyn qoldaıtynyn málimdeıdi. Qazaqstan ǵalymdary qazirgi tańda 5 ınstıtýttyq reformany jáne daǵdarysqa qarsy keshendi sharalaryn júzege asyrýdyń aıryqsha mańyzdylyǵyn atap ótedi. Birinshiden, elimiz búginde damýdyń múldem jańa sapalyq deńgeıine aıaq basty. Bes ınstıtýttyq reforma «Qazaqstan-2050» Strategııasynyń basty mejesi – álemdegi eń damyǵan 30 eldiń qataryna qosylýymyzǵa tyń serpin beredi. Sondyqtan, Ult Josparyn tabysty iske asyrý úshin halyqtyń jańa senim mandatyna ıe bolǵan prezıdenttik reformalar Parlamenti jáne jergilikti máslıhattar qajet. Ekinshiden, álemdik daǵdarystyń asa qýatty kezekti legi kele jatyr. Osyǵan baılanysty daǵdarysqa qarsy sharalardyń strategııasy qabyldandy. Bul sharalardyń muqııat júzege asyrylýy elimizdiń ósimin, reformalary men damýyn qamtamasyz etedi. Jańa Parlament pen barlyq deńgeıdegi máslıhattar daǵdarysqa qarsy strategııanyń júzege asyrylýyn zańnamalyq qamtamasyz etýi tıis. Úshinshiden, saılaý merzimin bir jylǵa sozbaı kezekten tys ótkizý halyqtyń saılaý naýqanyna alańdamaı, eldik isterge jumylýyna, ári qazirgi tańda árbir tıyny mańyzdy bıýdjet qarajatyn únemdeýge múmkindik beredi. Osy paıymdardyń negizinde Ulttyq ǵylym akademııasy Parlament depýtattarynyń ustanymdaryn quptaı otyryp, barsha qazaqstandyqtardy halyq qalaýlylarynyń bastamasyn qoldaýǵa úndeıdi. «Taý-ken óndirisi jáne taý-ken metallýrgııasy kásiporyndary» ZTB-nyń Parlament Májilisi men barlyq deńgeıdegi máslıhattar saılaýlaryn kezekten tys ótkizý bastamasyn qoldaý týraly MÁLIMDEMESI Taý-ken óndirisi men taý-ken metallýrgııasy kásiporyndarynyń qaýymdastyǵy Qazaqstan Respýblıkasy Parlamentiniń Májilisi men barlyq deńgeıdegi máslıhattar depýtattarynyń saılaýlaryn kezekten tys ótkizý týraly bastamany qoldaıdy. Parlament Májilisi men barlyq deńgeıdegi máslıhattar quramdarynyń jańarýy ýaqtyly jáne eldiń jańa reformalar men sheshimdi is-áreketterin qýattaıtyn zańdy úderis bolyp tabylady. «100 naqty qadam» Ult Jospary reformalardyń jańa kezeńi úshin qajetti zańnamalyq tuǵyrnama jasaýǵa múmkindik berdi. Aldaǵy saılaýlar zań shyǵarý jáne jergilikti bılik ókilderine degen senimdi nyǵaıtýǵa múmkindik berip qana qoımaı, memlekettiń daǵdarysqa qarsy strategııasyn ári qaraı tıimdi júzege asyrýǵa qatysty qoǵamda qalyptasqan konsensýstyq jaǵdaıdy qýattap berip otyr. Barlyq ónerkásip kásiporyndaryn, Qazaqstan azamattaryn aldaǵy saılaýlarǵa qoldaý kórsetýge shaqyramyz.
