Negizgi maqsatty taǵy bir naqtylady

Elbasymyz N.Á.Nazarbaev elimizdiń eń basty jetistigi – Tá­ýelsizdigimizdiń 25 jyldyǵy merekelenetin jyldyń basynda álemde bolyp jatqan qıyndyqtarǵa qaramastan, úlken maqsattardy alǵa qoıa otyryp, oǵan jetýge yntalandyratyn naqty qadamdardyń mańyzdylyǵyn «Ult Jospary – qazaqstandyq armanǵa bastaıtyn jol» atty maqalasynda taǵy da atap kórsetti. «Qazaqstan-2050» Strategııa­synda kórsetilgen Qazaqstannyń álemdegi damyǵan 30 eldiń qa­ta­ryna qosylý maqsatynyń oryndalýy «100 naqty qadam» Ult Josparynan bastaý alady. Prezıdentimizdiń atalǵan maqalasynda jalpy «Ult Jos­pary – 100 naqty qadam­da» bes ınstıtýttyq reforma aıa­syn­daǵy maqsattar men mindetterdiń negizgi baǵyttary aıqyndalǵan. Sonymen qatar, onda kórinis tapqan máseleler Ult Josparynyń ár qadamy boıynsha Elbasynyń túıini jáne aldaǵy ýaqytta Úkimet pen bılik organdaryna qoıǵan basty talaptar jıyntyǵy deýge bolady. О́tken 2015 jyl – Bes ıns­tıtýttyq reformanyń jarııa­la­nýy men ony júzege asyrý úshin zańnamalyq jáne uıym­dastyrýshylyq qamtamasyz eti­lýimen erekshelendi. Bul aý­qym­dy jumysqa Parlamenttegi depýtattyq korpýs ta, memlekettik organdar da belsendi túrde atsalysty. Sonyń nátıjesinde Memleket basshysy Parlamenttiń zań shyǵarýshylyq isine joǵary baǵa berdi. Depýtattar úshin bul úlken mártebe. Endi osy re­­for­malardy naqty júzege asyrý bastalady. Sondyqtan da árqaısymyz qazaqstandyq armanymyzdyń oryndalýyna bar kúsh-jigerimizdi jumyldyrý arqyly úles qo­sýymyz qajet. Al qazaqstandyq armanǵa jetý degendi men elimizdiń ár aza­­matynyń asqaq armandaryna jetý joly dep túsinemin. Sebebi, Elbasymyz óz maqalasynda aza­mattarymyzdyń osy maqsatqa jetý jolynda búgingi kúni usy­nylyp otyrǵan zańnamalardy, ıaǵnı óz quqyǵy men mindetterin jáne múmkindikterin bilýine, ony jete paıdalanýyna erekshe mán beredi. Ult Jospary sheń­­berinde júzege asyrylatyn memlekettik basqarý men quqyqtyq tártip júıesindegi reformalar halqymyzdyń ekonomıkalyq jáne azamattyq belsendiligin arttyryp, elimizdiń ári qaraı damýyna yqpal etetin bolady. Maqalada Elbasy Qazaqstan halqy Assambleıasynyń 20 jyl ishinde atqarǵan jumysyna da baǵa berip, kópetnosty el bolý – bizdiń ózge elderden basty ereksheligimiz jáne asa úlken baılyǵymyz eke­­nin atap ótti. Rasynda da, Qazaqstannyń búgingi jetistikteri, halyqaralyq arenadaǵy bedeli etnosaralyq yntymaq pen birlikke tikeleı baılanysty. Álemde bolyp jatqan túrli jaǵdaılarǵa qarap, el ishinde turaqtylyq, beıbitshilik pen kelisimdi barynsha nyǵaıtýdyń mańyzdylyǵyn taǵy da atap kórsetý eshqashan artyq bolmaıdy. Barlyq salalardy jan-jaqty damytýǵa baǵyttalǵan Ult Josparyn oryndaý, reformalardy tabysty júzege asyrý, eko­nomıkany jańǵyrtý – ult birligin ári qaraı nyǵaıtýdyń bas­ty joly bolmaq. Osynaý uly isterdi júzege asyrýǵa Assambleıa da ózindik úles qosady. Zýhra SAIаPOVA, Parlament Májilisiniń de­pýtaty, Qazaqstan halqy Assambleıasy Keńesiniń múshesi.