Ájethanadan tabylǵan náresteni ájesi alǵysy keledi

TARAZ. 20 qańtar. Jambyl oblysynda dárethanada tabylǵan nárestege talas odan saıyn qyza túsýde. Bul týraly egemen.kz tilshisi habarlady. Ájethanada tabylǵan sábı ákesine berilýi múmkin. Sábıdi naǵashy ájesi de baýyryna basýǵa áreket etip jatyr. Sondyqtan ol ózge asyrap alýshylarǵa bekerge jantalaspaýǵa keńes berdi. Qazir soǵan qatysty qujattaryn jınap, mamandardan keńes alyp júr eken. Degenmen, onyń áreketinen eshteńe shyqpaıtyn tárizdi. О́ıtkeni zań, boıynsha jasy 45-ten asqan adamnyń jańa týǵan sábıdi asyrap alýǵa haqysy joq. Bıbigúl Májiǵulova 45 jastan asqanda, bulaı uıatqa qalý úsh uıyqtasam túsime kirmedi deıdi. Jalǵyzbasty áıel sumdyq oqıǵadan áli kúnge esin jııa alatyn emes. Buǵan deıin qyzynan nemere súıgen áıel ekinshi márte áje bolatynyn bilmegen. Al ólim aýzynan qalǵan jıenine el-jurttyń talasýy onyń janyna qatty batypty. Aıtýynsha, ózi náresteden bas tartpaq emes, sondyqtan baýyryna basý úshin bar kúshin salmaq. «Keshirsin, qaıtyp berse eken endi, qudaıdan tileıtinim osy. Balany berse boldy, odan bas tartqan emespiz. Eshkimge bermeımin, qaıtyp alamyn. Ekeýin óle ólgenshe asyraımyn»,  deıdi Bıbigúl Májiǵulova. Balasyn týyp, dárethanaǵa tastap ketken 21 jastaǵy kelinshek Tarazdaǵy dámhanalardyń birinde daıashy bolyp qyzmet istegen. Tapqan aqshasyn aýyldaǵy eki jastaǵy qyzy men sheshesine jiberip otyrypty. Úıine jıi soqpaıtyn áıel buǵan deıin turmysta bolyp ajyrasqan eken. Al bul joly otbasyly erkekten júkti bolsa kerek. Degenmen, ákesi odan bas tartpaǵan. Sondaı-aq, kókek ananyń ózi de sýısıd jasamaq bolǵany anyqtaldy. Kóp mólsherde dári iship hal ústinde aýrýhanaǵa túsipti. Dál sol kezde onyń izdeýde júrgen áıel ekeni belgili bolǵan. Qazir ol kepilaqymen bosatylǵan. Degenmen, qylmystyq is áli tergelip jatyr. Endi ol analyq quqynan aıyrylady nemese 4 jylǵa sottalady. Al kishkentaı Jansaıany ajaldan qutqaryp qalǵan otbasy bala-shaǵasymen qonaqqa ketip bara jatyp, dáret syndyrýǵa toqtaǵan. Ájethananyń shuńqyrynda shyryldap jatqan sábıdi eń birinshi kelini baıqap tysqa janushyra júgirip shyǵypty. Sóıtip, dereý tártip saqshylaryna habar berilgen. «Qarasaq, dárethananyń ishinde buryshynda jatyr eken.. Oń jambasymen beti, beri qaraǵan. Qol aıaǵy qımyldap jatyr. Sol daýysty estip kórdik,sosyn joldasym habar berdi dereý», dedi Taraz qalasynyń turǵyny Gúlaıym Kóbádilova. Qatygezdikke barǵan kelinshek aýylyna shamamen 60 shaqyrym jerdegi dárethanada qylmys jasamaq bolǵan. Onyń bul jerge nemen kelip, nemen ketkeni beımálim. Biraq shaqalaq osy otbasynyń arqasynda ólimnen aman qaldy. Tarazdaǵy bóbekter úıinde jatqan sábıdi kimniń baýyryna basary ázirshe belgisiz. Oralhan Dáýit. Derek, sýret: egemen.kz