Úsh tildi meńgerý – basty meje

Tuńǵysh Prezıdentimizdiń «Qazaqstan jańa jahandyq naqty ahýalda: ósim, reformalar, damý» atty bıylǵy Joldaýy álemdik daǵdarys kezinde halyqtyń bolashaqqa degen senimin kúsheıtti. Halyqtyń sanasyna qozǵaý saldy, jumysqa degen yntasyn arttyrdy. Ásirese, Nursultan Ábishulynyń «Daǵdarys­tyń bári ótkinshi, ótedi de ketedi. El táýelsizdigi, ult muraty, ult bolashaǵy sııaqty uly qundy­lyqtar ǵana máńgi. Men aıtyp ótkenniń barlyǵyn jeńýge bolatyn, biz jeńe alatyn bógetter» degeni daǵdarysty búkil Qazaqstan halqy bolyp eńseretinimizdi jáne elimizdiń jańasha damyp nyǵaıa túsetindigine kózimizdi jetkizdi. Al, Elbasynyń «Ult Jospary – qazaqstandyq armanǵa bastaıtyn jol» atty maqalasy búkil Qazaqstan azamattarynyń kókeıinen shyǵyp, ómirge degen súıispenshiligin arttyryp, Otanyn qasterleýge umtyldyryp, naqtylap kórsetip bergen josparyn buljytpaı oryndap, adal eńbek jasaýǵa jumyldyra tústi. 2016 jyldyń 1 qańtarynan bul Ult Jospary qaǵaz kúıin­de jaı sóz, arman bolyp qal­maı ony oryndaýdyń tetigi kórsetilgen 59 zań kúshine endi. Búkil álem Qazaq eliniń Elbasy Nursultan Nazarbaevtyń osyndaı kóshbasshylyǵymen aıqyn baǵyty belgilenip, sonyń aıasynda damyp kele jatqanyna jáne qýatty da senimdi memleket ekendigine kóz jetkizip, qurmetpen qyzyǵa qaraıdy. Bes halyqtyq reformany júzege asyrýǵa baǵyttalǵan «100 naqty qadam» Ult Jospary ár qazaqstandyqtyń óz isine berik jáne el bolashaǵy úshin eńbek kúresine kirisýge, jaýapkershilikke, nátıjelilikke, erkindikke baýlyp shyńdaıtynyna kámil senemin. Abaı atyndaǵy Qazaq ulttyq pedagogıkalyq ýnıversıtetiniń kóptildi bilim berý ınstıtýty – shetel tili mamandaryn daıyndaıtyn qazirgi ómir talabyna saı jumys jasap jatqan oqý orny. «100 naqty qadamnyń» 79-qadamynda aıtylǵandaı bul ınstıtýt aǵylshyn tilin deńgeılep meńgertip, úsh tilde eńbek rynogynda básekege túse alatyn, jańasha turpatty, bilikti de jańashyl kreatıvti kásibı muǵalimder daıyndaýda. Til úırený jaı ǵana sóz jattaý emes, til arqyly sol tilde sóıleıtin halyqty taný, onyń ótken ómiri men búgingisin, ádet-ǵurpyn jáne onyń sanasyn taný. Aǵylshyn tilin meńgerý arqyly álemdi tanımyz jáne álemge ózimizdi sol til arqyly tanytamyz. Bul týraly Elbasy óz maqalasynda anyq aıtty. Alda turǵan mindetti naqty kórsetti. Biz sony iske asyrýǵa tıistimiz. Tańat AIаPOVA, kóptildi bilim berý ınstıtýtynyń dırektory, fılologııa ǵylymdarynyń doktory, professor, Halyqaralyq pedagogıkalyq bilim berý akademııasynyń akademıgi.