Basty nazarda – mamandyq

Elbasy Nursultan Nazarbaevtyń «Qazaqstan jańa jahandyq naqty ahýalda: ósim, reformalar, damý» Joldaýy men «Ult Jospary – qazaq­standyq armanǵa bastaıtyn jol» atty baǵdarlamalyq maqala­synda bilim alý men mamandyq meńgerýge basty nazar aýdarylǵan. Bizdiń Kólik jáne kommýnıkasııa kolledjinde Elbasynyń Joldaýy men maqalasy qyzý talqyǵa salyndy. Olarda aıtylǵan basymdyqtar men tapsyrmalar, jańa bastamalar oqytýshylar men shákirtter arasynda túsindirildi. Atalǵan mańyzdy qujattarda bilim berý men mamandyq ıgerý máseleleriniń basty nazarda ustalýynyń bolashaqqa baǵyt berer máni zor. Osy sózimizge dálel retinde 2017 jyldan bastap «Jalpyǵa birdeı tegin kásiptik-tehnıkalyq bilim» jańa jobasyn aıta ketý abzal. Munda Elba­sy­myz bas­tapqy maman­dyqty ıge­rem deýshi­lerdi tegin oqytý máse­lesine toqtaldy. Mem­­leket bul úshin qar­jy bó­ledi. Onyń qaıta­ry­my bolatyny da sóz­siz. Ol degenimiz ne? Osydan bastap, mektep bitirgen jáne joǵary oqý oryndaryna túse almaǵan túlekter elimizdegi jumys­syzdar sanyn arttyra ber­meı, tegin túrde bir jumysshy maman­dyǵyn alyp, ózine nápaqa taýyp, eli­mizdiń ekonomıkasy men áleý­met­tik hal-ahýalyn damytýǵa óz úle­sin qosady. Bul másele jýyrda Astana qalasy ákimdiginde bolǵan jınalysta da aı­tyl­dy. Onda qala ákimi Ádilbek Jaqsy­bekov jumys oryndaryn qurýdy qala ákimdiginiń strategııalyq mindeti retinde belgiledi. Elordalyq jumyspen qamtý ortalyǵy halyqty, ásirese, jastardy jumyspen qamtý jáne qaı­ta oqytý boıynsha úlken ju­mys atqarýda. Kadrlardy daıar­laýdaǵy mańyzdy baǵyt­tardyń biri tehnıkalyq jáne kásiptik bilim berýdi damytý bolyp tabylady. Aldaǵy ýaqytta tehnıkalyq kadr­lardy da­ıyn­daý boıynsha ozyq ortalyq qurý máselesi qaras­tyryl­maq. Keler jyl­dyń qańtar aıynan bas­tap Astanada jo­ǵa­r­ǵy synyp oqýshylaryn kásip­tik daıarlaýdy uıymdasty­rýǵa baǵyttalǵan joba iske qosylady. Aıta keter jáıt, kolledjde 100-den astam túrli sanat­taǵy muǵalimder bar. Eki jarym myńnan astam stýdent 14 ma­man­dyq boıynsha bilim alýda. Biz­diń ustazdar bilim sapasyn je­tildirý, stýdentterdi bola­shaqta tájirıbeli maman etip shy­ǵarý úshin kóptegen jumys­tar atqa­rýda. Osy maqsatta dýal­dy oqy­tý júıesi engizildi. Bul – daıyn­­dyqtyń teorııalyq bóligi bilim berý uıymda­rynyń bazasynda, al praktıkalyq bó­ligi jumys oryndarynda ótetin oqý túri. Sondaı-aq, stýdentterge qyzmettiń qaı­naǵan ortasynda júrgen temirjol salasynyń jumyskerleri dárister oqyp, tájirıbelerimen bólisedi. Teorııalyq bilimderin tájirıbede bekitedi. Astanalyq muǵalimderdiń zor qol­daýyna ıe bolǵan taǵy bir qýanyshty habar, Elbasymyzdyń «Jańa jyldan bas­tap bıýdjet qyzmetkerleriniń jala­qysy, áleýmettik járdemaqy men shákirt­aqy ortasha alǵanda 30 paıyzǵa deıin kóbeıedi. Osynyń barlyǵy halyq­tyń bolashaqqa senimin arttyrady, alań­syz ómir súrýine tolyq negiz bola­dy», degen sózi. Osy bastamasymen Elbasymyz res­pýblıka muǵalimderi men shákirtteriniń jaǵdaıynan habardar ekendigin, olar­ǵa jaǵdaı jasaýdyń asa qajet eke­nin barshaǵa pash etkendeı. Biz óz keze­gimizde Elbasynyń aldymyzǵa qoıǵan mindetterin oryndaýǵa barlyq kúsh-jigerimizdi salatynymyzǵa sendirgi­miz keledi. Elimizdiń bolashaǵy bolatyn ­jastar tárbıeleýde qulshyna eńbek ­ ete beretin bolamyz. Qazaqstan halqy eshkimnen kem emes, kerisinshe, birqatar elderden bilimi, ilimi jaǵynan alda tur. Osy úrdisten shyǵa bileıik. Toty ÁBDIKÁRIMOVA, Kólik jáne kommýnıkasııa kolledji dırektorynyń oqý isi jónindegi orynbasary. ASTANA.