Qazaqstan Respýblıkasy Aýyl sharýashylyǵy mınıstrliginiń buıryǵy  №7-1/86

2015 jylǵy 9 aqpan, Astana qalasy Shekteý is-sharalaryn jáne karantındi belgileý nemese alyp  tastaý qaǵıdalaryn bekitý týraly «Veterınarııa týraly» 2002 jylǵy 10 shildedegi Qazaqstan Respýblıkasy Zańynyń 8-babynyń 46-22) tarmaqshasyna sáıkes buıyramyn: 1. Qosa berilip otyrǵan Shekteý is-sharalaryn jáne karantındi belgileý nemese alyp tastaý qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń Veterınarııa jáne tamaq qaýipsizdigi departamenti zańnamada belgilengen tártipte: 1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jene «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy búıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalasýyn qamtamasyz etsin. 3. Osy búıryqtyń oryndalýyna baqylaý Qazaqstan Respýblıkasynyń Aýyl sharýashylyǵy mınıstrliginiń jetekshi vıse-mınıstrine júktelsin. 4. Osy búıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr A.MAMYTBEKOV. Qazaqstan Respýblıkasy Aýyl sharýashylyǵy mınıstriniń 2015 jylǵy 9 aqpandaǵy № 7-1/86 buıryǵymen bekitilgen Shekteý is-sharalaryn jáne karantındi belgileý nemese alyp tastaý qaǵıdalary 1. Jalpy erejeler 1. Osy Shekteý is-sharalaryn jáne karantındi belgileý nemese alyp tastaý qaǵıdalary (budan ári - Qaǵıdalar) «Veterınarııa týraly» 2002 jylǵy 10 shildedegi Qazaqstan Respýblıkasynyń Zańyna sáıkes ázirlendi jáne shekteý is-sharalaryn jáne karantındi belgileý nemese alyp tastaý tártibin anyqtaıdy. 2. Shekteý is-sharalary jáne karantın Qazaqstan Respýblıkasy Aýyl sharýashylyǵy mınıstriniń 2012 jylǵy 28 naýryzdaǵy №18-03/128 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde №7583 bolyp tirkelgen) janýarlardyń shekteý is-sharalary nemese karantın belgilenetin juqpaly aýrýlarynyń tizbelerine engizilgen janýarlardyń juqpaly aýrýlary boıynsha belgilenedi. 2. Shekteý is-sharalaryn jáne karantındi belgileý tártibi 3. Ákimshilik-aýmaqtyq bólinisine jáne janýarlardyń juqpaly aýrýlarynyń taralý dárejesine baılanysty epızootııalyq oshaq belgilengen aýmaqta janýarlardyń juqpaly aýrýlary paıda bolǵan jaǵdaıda shekteý is-sharalary nemese karantın belgilenedi. 4. Shekteý is-sharalaryn jáne karantındi tıisti aýmaqtyń bas memlekettik veterınarııalyq-sanıtarııalyq ınspektorynyń usynysy boıynsha: 1) oblystyń aýmaǵynda ornalasqan eki jáne odan kóp aýdanda janýarlardyń juqpaly aýrýlary paıda bolǵan jaǵdaıda oblystyń jergilikti atqarýshy organynyń; 2) respýblıkalyq mańyzy bar qalanyń, astananyń aýmaǵynda janýarlardyń juqpaly aýrýlary paıda bolǵan jaǵdaıda respýblıkalyq mańyzy bar qalanyń, astananyń jergilikti atqarýshy organynyń; 3) aýdannyń (oblystyq mańyzy bar qalanyń) aýmaǵynda janýarlardyń juqpaly aýrýlary paıda bolǵan jaǵdaıda aýdannyń, oblystyq mańyzy bar qalanyń jergilikti atqarýshy organynyń; 4) tıisti aýmaqta janýarlardyń juqpaly aýrýlary paıda bolǵan jaǵdaıda aýdandyq mańyzy bar qala, eldi meken, aýyl, aýyldyq okrýg ákiminiń sheshimimen belgilenedi. 5. Tıisti aýmaqtyń bas memlekettik veterınarııalyq-sanıtarııalyq ınspektorynyń shekteý is-sharalaryn jáne karantındi belgileý týraly usynysy: shekteý is-sharalaryn nemese karantındi belgileý engiziletin ákimshilik-aýmaqtyq birlikti; shekteý is-sharalaryn nemese karantındi belgileý sebepterin (aýrýdyń ataýyn), janýardyń túrin kórsete otyryp, erikti nysanda jazbasha túrde resimdeledi. Tıisti aýmaqtyń bas memlekettik veterınarııalyq-sanıtarııalyq ınspektorynyń shekteý is-sharalaryn nemese karantındi belgileý týraly usynysyna ınfeksııa oshaǵyn Qazaqstan Respýblıkasy Aýyl sharýashylyǵy mınıstriniń 2014 jylǵy 27 qarashadaǵy №7-1/618 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde №10021 bolyp tirkelgen) nysan boıynsha epızootologııalyq zertteý aktisi jáne veterınarııalyq laboratorııa beretin saraptama aktisi (synaq hattamasy) qosa beriledi. Jergilikti atqarýshy organnyń shekteý is-sharalaryn jáne karantındi belgileý týraly sheshiminiń kúshine engeninen keıin, bir jumys kúni ishinde onyń kóshirmesi tıisti aýmaqtyń bas memlekettik veterınarııalyq-sanıtarııalyq ınspektoryna joldanady. 6. Shekteý is-sharalarynyń nemese karantınniń uzaqtyǵy janýarlar aýrýlarynyń túrine, aýrýdyń ınkýbasııalyq kezeńine, janýarlardyń organızminde aýrý qozdyrýshylardyń saqtalýyna jáne veterınarııalyq is-sharalar keshenin júrgizýge baılanysty. 3. Shekteý is-sharalaryn jáne karantındi alyp tastaý tártibi 7. Shekteý is-sharalary jáne karantın janýarlar tolyǵymen saýyqqannan (aýrýdyń bolmaýy), aýrýlardyń taralýy toqtaǵannan jáne dezınfeksııa sapasyna bakterıologııalyq zertteýmen qorytyndy dezınfeksııany júrgizýdi qosa alǵanda, janýarlardyń juqpaly aýrýlarynyń oshaqtaryn joıý jónindegi veterınarııalyq is-sharalar keshenin júrgizgennen keıin alynyp tastalady. 8. Shekteý is-sharalary nemese karantın tıisti aýmaqtyń bas memlekettik veterınarııalyq-sanıtarııalyq ınspektorynyń usynysy boıynsha: 1) osy oblystyń aýmaǵynda ornalasqan eki jáne odan kóp aýdanda paıda bolǵan janýarlardyń juqpaly aýrýlarynyń oshaqtaryn joıý jónindegi veterınarııalyq is-sharalar keshenin júrgizgennen keıin oblystyń jergilikti atqarýshy organynyń; 2) respýblıkalyq mańyzy bar qalanyń, astananyń aýmaǵynda paıda bolǵan janýarlardyń juqpaly aýrýlarynyń oshaqtaryn joıý jónindegi veterınarııalyq is-sharalar keshenin júrgizgennen keıin respýblıkalyq mańyzy bar qalanyń, astananyń jergilikti atqarýshy organynyń; 3) aýdannyń (oblystyq mańyzy bar qalanyń) aýmaǵynda janýarlardyń juqpaly aýrýlarynyń oshaqtaryn joıý jónindegi veterınarııalyq is-sharalar keshenin júrgizgennen keıin aýdannyń, oblystyq mańyzy bar qalanyń jergilikti atqarýshy organynyń; 4) tıisti aýmaqta janýarlardyń juqpaly aýrýlarynyń oshaqtaryn joıý jónindegi veterınarııalyq is-sharalar keshenin júrgizgennen keıin aýdandyq mańyzy bar qala, eldi meken, aýyl, aýyldyq okrýg ákiminiń sheshimimen alynyp tastalady. 9. Tıisti aýmaqtyń bas memlekettik veterınarııalyq-sanıtarııalyq ınspektorynyń shekteý is-sharalaryn jáne karantındi alyp tastaý týraly usynysy: usynys engiziletin shekteý is-sharalaryn jáne karantındi belgileý týraly sheshimniń kúnin jáne nómirin; dezınfeksııanyń sapasyna bakterıologııalyq zertteýdi kórsete otyryp saraptama aktisiniń (synaq hattamasynyń) kúnin jáne nómirin kórsete otyryp erkin nysanda jazbasha túrde resimdeledi. Tıisti aýmaqtyń bas memlekettik veterınarııalyq-sanıtarııalyq ınspektorynyń shekteý is-sharalaryn jáne karantındi alyp tastaý týraly usynysyna dezınfeksııanyń sapasyna bakterıologııalyq zertteýdi kórsete otyryp, saraptama aktisi (synaq hattamasy) qosa beriledi. Shekteý is-sharalaryn jáne karantındi alyp tastaý týraly sheshimniń kóshirmesi ony qabyldaǵannan keıin bir jumys kúni ishinde tıisti aýmaqtyń bas memlekettik veterınarııalyq-sanıtarııalyq ınspektoryna joldanady. 10. Tıisti aýmaqtyń bas memlekettik veterınarııalyq-sanıtarııalyq ınspektorynyń usynysy boıynsha tıisti ákimshilik aýmaqtyq birliktiń jergilikti atqarýshy organynyń sheshimimen karantındi alyp tastaǵannan keıin, Qazaqstan Respýblıkasynyń veterınarııa salasyndaǵy zańdarynda kózdelgen jaǵdaılarda, ýákiletti organ shekteý is-sharalaryn belgileıdi. Buıryq Qazaqstan Respýblıkasynyń Ádilet mınıstrliginde 2015 jylǵy 12 naýryzdaǵy Normatıvtik quqyqtyq kesimderdi memlekettik tirkeýdiń tizilimine №10414 bolyp engizildi.