Aqtaýda shoqyný merekesi kezinde bir adam teńizge batyp ketti

AQTAÝ. 21 qańtar. Aqtaýda shoqyný merekesi kezinde bir adam teńizge batyp ketti. Bul týraly nur.kz saıtyna silteme jasaǵan egemen.kz tilshisi habarlady. Shoqyný kezinde qatty tolqyndanyp turǵan Kaspııge súńgip shyqpaq bolǵan 25 jastaǵy azamat sýǵa tunshyǵyp mert boldy. Ol teńizge túsýge ruqsat etilmeıtin quzdan sekirgen. Ekpini qatty tolqyn kesirinen jartasqa birneshe ret soǵylyp esinen tanǵan jigitti sý keri tartyp áketken. Jaǵalaýdaǵy týystary kómektesip úlgere almaı qalypty. Keıinirek kelgen qutqarýshylar izdeýdi toqtatpaǵanymen, onyń máıitin taba alar emes. Biraq, tek teńiz betin jaǵalaýdan dúrbimen baqylaǵannan basqa amal joq, óıtkeni qatty daýyl súńgýirlerdiń sý astyna túsýine mursha bermeı tur. «Barlyq tehnıkamyz, kıimderimiz daıyn. Biraq mynadaı aýa raıyna baılanysty teńizge shyǵa almaı otyrmyz. Tolqyn bir baldan joǵary bolǵanda bizge teńizge túsýge bolmaıdy. О́z ómirimizge qaýipti. Qazir tolqyn 3-4 baldyń shamasynda», – deıdi qutqarýshy E.Esbosynov. Gúlaıym Shyntemirqyzy. Derek: egemen.kz. Sýret: iz.com.ua.