21 Qańtar, 2016

AQSh-tyń Nıý-Meksıko shtaty Volkswagen kompanııasyna aıyp taqty

491 ret
kórsetildi
1 mın
oqý úshin
21-01-2016 autoconcernASTANA. 21 qańtar. AQSh-tyń Nıý-Meksıko shtatynyń basshylyǵy ekologııalyq talaptardy oryndamaǵanyna baılanysty nemistiń áıgili Volkswagen avtokonsernine aıyp taqty. Bul týraly TASS aqparat agenttigine silteme jasaǵan egemen.kz tilshisi habarlady. AQSh-tyń Nıý-Meksıko shtaty Volkswagen avtokonsernine aıyp taǵa otyryp, sotqa bergen shtattardyń birinshisi boldy. «Áıgili nemis kompanııasy, onyń AQSh-taǵy fılıaldary, bólimsheleri ekologııalyq talaptardy azaıtyp kórsetetin qurylǵy ornatyp, Nıý-Meksıkonyń zańyna qarsy áreket jasady», – deıdi shtattyń bas prokýrory Gektor Balderas. Aıta keteıik, AQSh aımaǵyna osyndaı aqaýmen shyǵarylǵan 600 myń kólik satylǵan. Tekseris kezinde kólikten bólinip shyǵatyn qaldyq adam densaýlyǵyna keri áserin tıgizip, demikpe, ózge de respıratorly aýrýlarǵa alyp keletini anyqtaldy. Volkswagen kompanııasynyń bul olqylyǵyna Eýropanyń jáne Azııanyń birqatar elderi tergeý jumystaryn bastady. Al Ońtústik Koreıa memleketi osyǵan baılanysty avtokonsern basshylyǵyna 18 mıllıard dollar kóleminde aıyppul salýy múmkin. Aıan Ábdýálı. Derek: TASS. Sýret: cars-daily.ru.