Búkilálemdik boks serııasynyń VI maýsymy Qaraǵandyda ashylady

QARAǴANDY. 21 qańtar. Búkilálemdik boks serııasynyń altynshy maýsymy Qaraǵandy qalasynda tusaý kesedi. Bul týraly egemen.kz tilshisi habarlady. 23 qańtar kúni «Astana Arlans» kásipqoı klýby Qaraǵandydaǵy S. Sápıev atyndaǵy boks ortalyǵynda ázerbaıjandyq «Baku Fires» komandasymen kezdesip, kim myqtyny anyqtaıdy. Komandamyzdyń jańa quramynda 30 boksshy bar. Byltyr «arlandardyń» quramynda óner kórsetken Danııar Eleýsinov, Qaırat Erálıev, Janibek Álimhanuly, Ivan Dychko syndy boksshylar Rıo-2016 Olımpıadasyna daıyndalý úshin Ulttyq qurama komanda sapyna oraldy. Klýbtyń óz salmaǵyndaǵy myqtysy bolǵan Vasılıı Levıt te quramaǵa qaıtyp keldi. «Astana Arlans» komandasynyń VI maýsymdaǵy quramy: 49 kg. Mardan Berikbaev, Temirtas Júsipov, Jomart Erjan; 52 kg. Oljas Sáttibaev, Azamat Isaqulov, Azat Mahmetov; 56 kg. Meıirbolat Toıtov, Nurbol Qaljanov, Nursultan Qosshyǵulov; 60 kg. Erjan Músápirov, Zakır Safıýllın, Bekdáýlet Ibragımov; 64 kg. Samat Báshenov, Ashat Ýálıhanov, Sabyrjan Baqbergenov; 69 kg. Aslanbek Shymbergenov, Qanaǵat Maralov, Bekzat Halmetov; 75 kg. Meıirim Nursultanov, Amanqul Ábilhan, Erik Áljanov, Rýstam Svaev; 81 kg. Álı Ahmedov, Nurdáýlet Jarmanov, Arman Rysbek; 91 kg. Muhamedjan Erkin, Rahman Áljanov; +91 kg. Nursultan Amanjolov, Qamshybek Qońqabaev, Nurjan Bekzatov. Bıylǵy maýsymnyń formaty sál-pál ózgergen. Jerebe boıynsha 16 komanda tórt topqa bólindi. A toby: Cuba Domadores, Ukraine Otamans, China Dragons, Türkiye Conquerors; V toby: Mexico Guerreros, USA Knockouts, British Lionhearts, Morocco Atlas Lions; C toby: Russian Boxing Team, Rafako Hussars Poland, Argentina Condors, Venezuela Caciques; D toby: Astana Arlans Kazakhstan, Uzbek Tigers, Azerbaijan Baku Fires, Puerto Rico Hurricanes. Qaırat Ábildınov. Derek: egemen.kz. Sýret: worldseriesboxing.com.