Energetıka vıse-mınıstri Uzaqbaı Qarabalın zeınetkerlikke shyqty

ASTANA. 21 qańtar. Zeınetkerlik jasyna jetýine baılanysty energetıka vıse-mınıstri Uzaqbaı Qarabalın qyzmetinen bosatyldy. Osy týraly qaýlyǵa Qazaqstan Respýblıkasynyń  Premer-Mınıstri 19 qańtarda qol qoıdy. Bul týraly vedomstvonyń baspasóz qyzmetine silteme jasaǵan egemen.kz tilshisi habarlady. Búgin Energetıka mınıstrliginde Uzaqbaı Súleımenulyn qurmetti demalysqa shyǵaryp salýǵa oraı saltanatatty jıyn ótti. Oǵan Mınıstrlik basshylary men qyzmetkerleri qatysty. Jıynda Uzaqbaı Qarabalın barsha áriptesine birlesip atqarǵan jumystary úshin alǵys aıtyp, aldaǵy ýaqyttaǵy eńbekterine tabys tiledi. Sondaı-aq, ol «Mınıstrliktiń aldynda naqty ári aýqymdy maqsattar tur. Vedomstvo qyzmetkerleri ol isterdi jaýapkershilikpen atqaratyndaryna senimdimin», – dedi. Uzaqbaı Qarabalın 1947 jyly 14 qazanda Atyraý oblysy Embi aýdany Qosshaǵyl kentinde týǵan. 1970 jyly I.M.Gýbkın atyndaǵy Máskeý munaı-hımııa jáne gaz ónerkásibi ınstıtýtyn «Munaı men gaz kenishterin ıgerýdiń keshendi mehanızasııasy jáne tehnologııasy» mamandyǵy boıynsha bitirdi. Ár jyldarda birqatar laýazymdy qyzmetterdi abyroımen atqarǵan ol 2014 jyldyń tamyz aıynda energetıka vıse-mınıstri bolyp taǵaıyndalǵan bolatyn. Elaman Qońyr. Derek, sýret: Energetıka mınıstrliginiń baspasóz qyzmeti.