Batys Qazaqstanda KPO handyqtyń 550 jyldyǵyna 100 mln. teńge bóldi

ORAL. 21 qańtar. Batys Qazaqstan oblysynda Qazaq handyǵynyń 550 jyldyǵyn toılaýyna oraı KPO b.v. kompanııasy 100 mln. teńge bóldi. Bul týraly egemen.kz tilshisi habarlady. Kompanııanyń bas dırektory Renato Marolıdiń málimdeýinshe, sońǵy eki jylda KPO b.v. oblys kóleminde 7 áleýmettik jobaǵa 3 mlrd. 706 mln. teńge bólgen. Qadyr Myrza Áli shyǵarmashylyq úı keshenine – 990 mln. teńge, Oral qalasynyń Saraıshyq, Syrym Datuly avtojoldaryn jóndeýge 1 mlrd. teńgeden astam qarjy bólinse, Hamza Esenjanov atyndaǵy kósheden bastap Derkól eldi mekenine deıingi jolǵa 1 mlrd. 18 mln. teńge aqsha jumsalǵan. Renato Marolıdyń aqparattaryna súıensek, osy jer qoınaýyn paıdalanýshyny áleýmettik ınvestısııalary sheńberinde Jánibek aýylynda 290 oryndyq balabaqsha, Oral qalalyq demalys saıabaǵynda jaıaý júrginshilerge arnalǵan kópir qurylysyna – 31 mln. teńge, oǵan qosa Qazaq handyǵynyń 550 jyldyǵyn toılaýǵa 100 mln. teńge bólingenin jetkizdi. Jer qoınaýyn paıdalanylyp jatqan Bórli aýdanyn alatyn bolsaq, joǵaryda atap ótken KPO b.v. áleýmettik ınvestısııalary qarjysyna 2014-2015 jyldary 146 mln. teńgege Jańatalap aýylynda sý qubyry ótkizildi. Sonymen qatar, Konechnaıa men Oktıabrskaıa aýyldarynda 390 mln. teńgege kósheler abattandyrylǵan. Bórli aýdandyq aýrýhanasyn kúrdeli jóndeýden ótkizýge – 741 mln. teńge jáne Qanaı aýyldyq sý qubyryn qaıta qalpyna keltirýge 151 mln. teńge kóleminde qarjy bólingen. Temir Qusaıyn. Derek, sýret: egemen.kz.