Memleket basshysy Aqmola oblysynyń ákimin qabyldady

ASTANA. 21 qańtar. Memleket basshysy Aqmola oblysynyń ákimi Sergeı Kýlagındi qabyldady. Bul týraly akorda.kz habarlady. Kezdesý barysynda Sergeı Kýlagın Memleket basshysyna óńirdiń qazirgi áleýmettik-ekonomıkalyq damýy men aldaǵy kezeńge arnalǵan mindetteri týraly baıandady. Nursultan Nazarbaev búginde oblystar arasynda ózara taýar almasýdy kúsheıtý qajettigin, sol maqsatpen ár óńirde óndiris pen tutynys teńgerimin júrgizý kerektigin atap aıtty. Aqmola oblysynyń ákimi 2015 jyly ónerkásip óndirisiniń naqty kólemi – 6,9 paıyzǵa, aýyl sharýashylyǵy ónimderi – 2,1 paıyzǵa jáne qurylys jumystary 6,1 paıyzǵa óskenin jetkizdi. Sergeı Kýlagın óńirde azyq-túlik taýarlary baǵasynyń ósimin tejeý úshin qabyldanyp jatqan sharalar týraly aıtty. Sondaı-aq, Memleket basshysyna Indýstrııalandyrý kartasynyń júzege asyrylý barysy týraly da baıandaldy. Sońǵy eki jylda ındýstrııalyq-ınnovasııalyq damý baǵdarlamasy aıasynda jalpy quny 63,6 mıllıard teńge bolatyn 21 joba iske qosylyp, 1,7 myńnan astam jumys orny ashylǵan. Sonymen qatar, Astananyń «azyq-túlik beldeýi» aıasyndaǵy perspektıvaly jobalar talqylandy. Memleket basshysy kezdesý qorytyndysy boıynsha birqatar naqty tapsyrma berdi. Elaman Qońyr. Derek, sýret: akorda.kz.