Senattyń bıýro músheleri

palatanyń jańa Májilistiń saılaýyna deıingi jumysyn talqylady Parlament Senatynyń Tóraǵasy Qasym-Jo­mart Toqaev Senat bıýro­sy­nyń múshe­leri­men keńes ótkizip, Májilis­tiń ókilet­tigi merziminen buryn toqta­tylýyna baılanysty palata aldynda turǵan mindetterge áriptesteriniń nazaryn aýdardy, dep habarlady Senattyń baspasóz qyzmeti. Elbasynyń aýqymdy reformalaryn iske asyrý kezeńinde elimizdiń saıası partııalaryna saılaýshylardyń jańa senim mandatyn alý asa mańyzdy, dep atap ótti Senat Tóraǵasy. Qazaqstan Respýblıkasy Kons­tıtýsııasynyń 55-babyndaǵy 5) tar­maqshaǵa sáıkes, ókilettigi merziminen buryn toqtatylýyna baılanysty Májilistiń ýaqytsha bolmaǵan kezinde Parlamenttiń konstıtýsııalyq zańdar men zańdar­dy qabyldaý jónindegi mindet­terin Senat atqaratyn bola­dy. Osyǵan baılanysty Q.To­qaev senatorlarǵa zor jaýapker­shilik júkteletinin atap ótip, árip­testerin jumysty muqııat at­qarý­ǵa shaqyrdy. Tóraǵa depýtat­tardyń sapaly zań shyǵarý qyz­metin tıisti dárejede qoldaýdy qamta­masyz etýge Senat Appara­tyna tapsyr­ma berdi, sondaı-aq, Senatta zań jo­balaryn qaraý barysynda talqy­laýdyń jáne qabyldaýdyń belgi­lengen tártibin qatań saqtaýǵa nazar aýdardy. Senat Tóraǵasy Májilistiń zań shyǵarý qorjynynda 56 zań jo­basy bolǵanyn aıtty. Senat Reg­la­mentine sáıkes, Májilis ýaqyt­sha bolmaǵan kezde Senattyń qaraı­tyn jáne qabyldaıtyn zań joba­larynyń tizbesin palata basshy­lyǵy belgileıdi.