AQTО́BE. 21 qańtar. Aqtóbe oblysynyń ákimi Berdibek Saparbaev Marat Ospanov atyndaǵy Batys Qazaqstan medısınalyq ýnıversıtetiniń professor-oqytýshy quramymen, ǵylymı qyzmetkerlerimen, stýdentterimen, medısınalyq mekemelerdiń jetekshilerimen, qalanyń qoǵamdyq uıymdary ókilderimen jáne bolashaq dárigerlerdiń ata-analarymen kezdesti. Bul týraly egemen.kz tilshisi habarlady.
«Buǵan deıin biz medısınalyq mekemelerdiń basshylarymen, medısına qyzmetkerlerimen kezdestik, densaýlyq saqtaý salasynyń perspektıvasy men problemalary týraly aıttyq. Búgin medısınanyń damýyna jáne kórsetiletin qyzmet sapasyna tikeleı qatysty adamdardy jınap otyrmyz. Bárinen buryn, ol – kadrlar daıarlaý úshin jaýap beretin professor-oqytýshylar quramy. Sizder úshin jurtshylyqtyń jumystaryńyzdy qalaı baǵalaıtynyn bilý, bilim sapasy deńgeıi jónindegi stýdentter men olardyń ata-analarynyń pikirin tyńdaý da qyzǵylyqty bolar dep oılaımyn. Biz medısınalyq mekemelerdiń basshylarymen olardyń emdelýshilermen jumysynyń sapasy men ádisterin talqylap qana qoımaı, sondaı-aq, medısınalyq joǵary oqý ornyndaǵy kadrlar daıarlaýdyń olardy qanshalyqty qanaǵattandyratynyn, jas mamandarǵa qandaı syn aıtylatynyn da saraptaýdy kózdep otyrmyz. Búgingi kúni medısınalyq mekemelerdiń materıaldyq-tehnıkalyq bazasy barlyq halyqaralyq standarttarǵa sáıkes keledi. Endi kúrdeli operasııalardy Qazaqstanda jasaıtyn boldy. Álemniń ártúrli elderinen dárigerler kelip, bizdiń mamandarymyzdyń tájirıbelerin úırenýde. Densaýlyq saqtaý júıesiniń basty mindeti – kadrlardy sapaly daıarlaý jáne dárigerlerdiń biliktiligin kóterý», – dedi jıyn barysynda Berdibek Saparbaev. Ol kezdesý barysynda medısına kadrlaryn daıarlaý jáne olardyń biliktilikterin kóterý boıynsha jumystardy jetildirýdi tapsyrdy.
Ýnıversıtet rektory Erbol Bekmuhambetovtiń aıtýynsha, munda 5 oqý-laboratorııalyq korpýsy, 1 530 oryndyq 4 stýdentter jataqhanasy, medısına ortalyǵy, otbasylyq medısına emhanasy, t.b. qyzmet túrleri bar. 1000 oryndyq stýdentter jataqhanasynyń qurylysy aıaqtalýǵa jaqyn, oǵan jergilikti bıýdjetten 2 mıllıard teńge bólindi. Professor-oqytýshylar quramynda 630 adam bar. Ýnıversıtet medısınalyq mekemelermen tyǵyz baılanysta, stýdentter kúrdeli otalarǵa qatystyrylady. BQMMÝ professory Arystan Mamyrbaev aımaqtyń iri jer qoınaýyn paıdalanýshylaryna baılanysty qıynshylyqtar týraly áńgimeledi.
О́ńir basshysy óz kezeginde keıbir medısınalyq mekemelerdiń jumystary kóńilinen shyqpaıtynyn aıtty. Yrǵyz aýdanynda bıýrokratııalyq áýre-sarsań men dárigerlerdiń uqypsyzdyǵynan qaıtys bolǵan 24 jastaǵy naýqasqa baılanysty jaıtty mysalǵa keltirdi. Onyń málimdeýinshe, naýqastyń qaıtys bolýyna qatysy bar dárigerlerdiń barlyǵyna tıisti shara qoldanylatyn bolady. Ol sondaı-aq, medısınalyq qyzmetkerlerdiń dórekiligin de synǵa aldy, qasańdyq pen qaǵazbastylyqtan qutylý qajettigin atap ótti. Oblysta medısınalyq klaster qurylatynyn jetkizdi. Taıaýda ǵana jańa medısınalyq jedel járdem beketiniń qurylysyn salý jóninde túrik kompanııasymen kelisim jasalǵanynan, aımaqqa jumys jasaýǵa koreıalyq dárigerler de yqylasty bolyp otyrǵanynan habardar etti. Sondaı-aq, medısınalyq týrızmdi damytýǵa baǵyt ustalatynyn aıtty. Kezdesý kezinde jas ǵalymdarǵa qoldaý kórsetý, ǵylymdy damytý máseleleri de sóz boldy.
Satybaldy Sáýirbaı.
Derek, sýret: egemen.kz.
