Fýtboldan Qazaqstan quramasyn fransýz mamany jattyqtyrady

ASTANA. 23 qańtar. Fýtboldan Qazaqstan ulttyq quramasynyń bas jattyqtyrýshysy bolyp fransııalyq maman Erve Renar taǵaıyndalady. Ol Astanaǵa kelip, Qazaqstan fýtbol federasııasymen kelissózder júrgizdi. Bul týraly kazfootball.kz saıtyna silteme jasaǵan egemen.kz tilshisi habarlady. Aldaǵy kúnderi Federasııa resmı túrde fransýzdy otandyq fýtbolsúıer qaýymǵa tanystyrady dep kútilýde. Aıta keteıik, 47 jastaǵy maman jattyqtyrýshy retinde Afrıka halyqtarynyń kýbogyn eki dúrkin jeńip alǵan. Aldymen 2012 jyly Zambııa quramasyn jeńiske jetkizse, 2015 jyly Dıde Drogba bastaǵan Kot-d-Ivýardy qurlyq chempıony atandyrdy. Sondaı-aq, Angola quramasy men Fransııanyń «Sosho», «Sherbýr», «Lıll» syndy komandalaryn jattyqtyrdy. Erve Renar 1968 jyly 30 qyrkúıekte Fransııanyń Eks-le-Ben qalasynda týǵan. 1983 jyly «Kann» fýtbol komandasy sapynda fýtbolshy retinde sporttyq mansabyn bastap, 1998 jylǵa deıin oınady. Al jattyqtyrýshylyq qyzmetke 1999 jyly keldi. Elaman Qońyr. Derek: kazfootball.kz. Sýret: football-tv.ru.