Álemdik syn-qaterlerge qatysty negizdi pikir qajet

Elbasy Nursultan Nazarbaev akademık Kenjeǵalı Saǵadıevti qabyldady, dep habarlady Prezıdenttiń baspa­sóz qyzmeti. Kezdesý barysynda otandyq ǵylymdy damytýdyń mańyzdy máseleleri men Qazaqstannyń ekonomıkalyq saıasatynyń negizgi baǵyttary talqylandy. Memleket basshysy álemdik eko­nomıka men geosaıasattaǵy qazir­gi ahýal­ǵa oraı elimizdiń ǵyly­mı jurt­shy­lyǵy pikir bildirip, óz sheshim­derin usynýǵa tıis eke­nin aıtty. – Búginde birde-bir sarapshy jaǵdaıdyń ári qaraı qalaı damıtynyn jáne qalyptasqan ahýaldan shyǵýdyń joldaryn boljaı almaıdy. Eýropadaǵy, AQSh-taǵy, Qytaıdaǵy ahýalǵa qatysty jekelegen pikirler bar, biraq eshkim tutastaı paıym jasaı almaı otyr. Buǵan qosa, birqatar el arasyndaǵy sanksııalyq teketires álemdik saýda júıesine oń áser etip otyrǵan joq. Terrorızm qateri de nazar aýdarýdy qajet etedi, oǵan qarsy tek birlesken is-qımyl arqyly kúresýge bolady. Bizdiń ǵylymı-sarapshylyq ortada osy syn-qaterlerge qatysty negizdelgen pikir bolýǵa tıis, – dedi Qazaqstan Prezıdenti. K.Saǵadıev el ǵalymdary óz­derine júktelgen jaýapker­shilikti sezinetinin aıta otyryp, qazirgideı kúrdeli kezeńde qoǵamǵa qyzmet etý olar úshin kásibı borysh ekenin atap ótti. Sondaı-aq, akademık Qazaq­standa júzege asyrylyp jatqan Ult Jospary zor tarıhı múmkindik ekenin, onyń áleýeti barynsha paıdalanylýy tıistigin aıtty. Bul úderiske ǵylymnyń ǵana emes, res­pýblıka jurtshylyǵynyń barsha ókilderi belsene qatysqany jón. Sýretti túsirgender S.BONDARENKO, B.OTARBAEV.