Túrki elderi arasyndaǵy úzdik JOO atandy

Túrki halyqtarynyń halyqaralyq kongresi ál-Farabı atyndaǵy Qazaq ulttyq ýnıversıtetine «Túrki elderi arasyndaǵy úzdik JOO» ataǵyn berdi. Bul jańalyqty Túrki halyqtary halyqaralyq kongresiniń prezıdenti Iаhıa Iýsıfogly Alıev ýnıversıtet ujymymen kezdesý barysynda málim etti.  Álemniń alty akademııasynyń akademıgi, Túrki halyqtary ha­lyqaralyq kongresiniń pre­zıdenti, doktor Iаhıa Alıev bul sheshim 47 Túrki halyqtary men ulystaryn biriktirip otyrǵan halyqaralyq kongrestiń 2015 jyly jeltoqsan aıynda ótken otyrysynda bir­aýyzdan maquldanǵanyn aıtty. Sodan soń ol QazUÝ rektory, akademık Ǵalym Mutanovty «Túrki álemine sińirgen eńbegi úshin» altyn tósbelgisimen marapattady. «Men álemniń kóptegen úzdik ýnıversıtetterinde boldym. Bi­raq, tek QazUÝ qaıta qurylý aý­qymdylyǵymen jáne álemdik reıtıngte azǵana ýaqyttyń ishinde aıtarlyqtaı joǵary kórsetkishke qol jetkizýimen tańǵaldyrady. Qazaqstandyq ýnıversıtettiń joǵary kórsetkishke qol jetkizgeni memleket tarapynan adamı kapı­taldy damytýǵa aıtarlyqtaı kóńil bólinip otyrǵandyǵynyń kórsetkishi jáne bolashaqqa sa­lynǵan ınvestısııa dep qaras­ty­rýǵa bolady. О́skeleń urpaqtyń bo­la­­shaǵyna qamqorlyq tanytýdyń birden-bir úlgisi ǵylym men bi­limge kóp kóńil bólip júrgen álem­­dik kóshbasshylardyń bi­ri, Qazaqstannyń Prezıdenti N.Nazarbaev», – dedi Iаhıa Alıev. QazUÝ-dyń úzdik ýnıversıtetter qatarynda ekenin QS World University Rankings halyqaralyq reıtıng nátıjelerinen baıqaýǵa bolatynyn atap ótken jón. Ýnı­versıtet halyqaralyq reıtıngte 275-shi orynda tursa, al túrki elderi arasynda bul reıtıngte birinshi bolyp, kósh bastap tur. Gúlzeınep SÁDIRQYZY, «Egemen Qazaqstan». ALMATY.