Fransııada 2016 jyly terrorızmge qatysy bar 15 kúdikti tutqyndaldy

ASTANA. 25 qańtar. Fransııanyń polısııa qyzmetkerleri jáne arnaıy qyzmet ókilderi jyl basynan beri terrorızmge qatysy bar 15 kúdiktini tutqynǵa aldy. Onyń beseýi sot isine tapsyryldy. Bul týraly TASS aqparat agenttigine silteme jasaǵan egemen.kz tilshisi habarlady. «Fransııada 2016 jyldyń basynan beri qolǵa túsken 15 kúdiktiniń beseýi sot isine tapsyryldy. Lańkester tobynyń alǵashqy bóligi qaýipti aımaqtarǵa ótkeni anyqtalǵan kúnnen bastap, polısııa qyzmetkerleriniń nazaryna 1022 adam ilikken bolatyn. Osyǵan baılanysty 311 adam ýaqytsha qamaýǵa alynyp, jartysyna jýyǵy sot isine tapsyrylǵan bolsa, 43 kúdikti arnaıy qurylǵan sot qadaǵalaýynda», – deıdi Fransııanyń ishki ister mınıstri Bernar Kaznev. Bernar Kaznev shekara qyzmetkerlerine jumystaryn asqan qyraǵylyqpen atqarýdy tapsyrdy. Sebebi, qaýipti aımaqtan kelgen lańkester qaza bolǵan nemese qolǵa túsken turǵyndardyń kýáligin qoldanady degen pikirin aıtty. Sondaı-aq, osyǵan baılanysty arnaıy top quryp, bul qyzmetke Eýropanyń polısııa qyzmetkerleri tartylýy qajet degen usynysyn bildirdi. Olar zańsyz jolmen jasalǵan kýálikterdi anyqtaý isimen shuǵyldanady. Aıta keteıik, 2015 jyly 13 qarashada Parıj qalasynyń birneshe oryndarynda terakt bolyp, júzden astam adam qaza tapqan. Aıan Ábdýálı. Derek, sýret: TASS.