Energetıkter jańartylǵan qurylǵyny iske qosty

О́ńirdegi Aqsý qalasynda ornalasqan Eýrazııalyq Top (ERG) quramyndaǵy «Eýrazııalyq energetıkalyq korporasııa» AQ-ta qýaty 220kV bolatyn taratý qurylǵysyna jańǵyrtý jumystary aıaqtaldy. Bul qurylǵy alyp stansada sonaý 1969 jyldan beri jumys jasap keledi. Al jańartý, jańǵyrtý jumystary 2009 jyly bastaldy. Jobanyń quny 2 mlrd. teńgeni quraıdy. Jalpy, ATQ-220 kV atalatyn bul qurylǵy stansa maman­darynyń aıtýynsha, eki jumys qon­dyrǵysynan, bir aınalmaly dóńgelek júıesinen, 15 joǵary voltty uıashyqtardan turady. Uıa­shyqtar stansa óndirgen elektr qýatyn qabyldap alady da ATQ-110 arqyly 500 kV qýat kú­shin taratyp, Eýrazııalyq Top qura­myndaǵy«Kazhrom» TUK» AQ fılıaly – Aqsý ferroqorytpa zaýyty, Qazaqstan elektrolız zaýyty jáne «KEGOS» AQ sııaqty tutynýshylarǵa jiberedi. «Eýrazııalyq energetıkalyq korporasııa» AQ elektr energııa­syn jáne kómir óndirýshilerdiń biri. Elimizde óndiriletin elektr energııasynyń 17 paıyzyn, kómirdiń 20 paıyzyn óndiredi. Alyp kásiporyn eki qurylymdyq bólimsheni biriktiredi: «Shyǵys» kómir kenishi jáne Aqsý elektr stansasy. Korporasııada 6 222 adam eńbek etýde. Al alyp qurylǵyny qaıta jasaqtaý kezinde eskirip, toz­ǵan barlyq uıashyqtardyń jab­dyq­tary almastyrylypty. Olar­dyń ishinde elektr-gazdyq ajyrat­qyshtar, qashyqtyqtan basqarý múmkindigi bar aıyrǵyshtar, tok transformatorlary, joǵa­ry kerneýli transformatorlar da bar, deıdi energetıkter. Sonymen qatar, oralym júıe­sin­degi symdar jáne oqshaý­laý qaby, jaqyndatý kanaldary ishindegi ıilgish baılanys­tary aýystyrylǵan, mıkropro­ses­sorlyq termınaldardaǵy panel­der, órtenbeıtin sym syzyq­tary ornatylǵan. – Joǵary tok kerneýli ATQ-220 kV qýatty elektrlik alyp qurylǵynyń qaıta qurý jumys­tary kezinde qıyndyqtar da tý­ǵyzdy. Sol sebepten, biz «KEGOC» AQ kezekshilik baqy­laý qyzmetterimen birlesip, jab­dyqtardy qaýipten ajyratý kestesin jasadyq. Merdiger jáne tapsyrys berýshi ınjenerlik-tehnıkalyq toptyń joǵary kásibı daıarlyǵyn qajet etti, – deıdi stansa bas mamany Vladımır Fenev. Bul alyp qurylǵyny qaıta qalpyna keltirý jumys­taryna «EEK» AQ-tyń kóp jylǵy seriktesteri «Ekibastuz­jylý­energomontaj» JShS korporasııasy qatysty, budan buryn «ETEM» JShS mamandary №2, №6 energobloktardy jańar­týǵa birge úles qosqan bolatyn. Endigi kezekte ETEM ujymy ES №3 kúl saqtaıtyn qoımasynyń salýyn ári №5 ener­gobloktyń jáne «Shyǵys» kenishindegi №2, №4 kómir qoımalarynyń qaıta qurýyn júrgizedi. Sondyqtan, bul jobany otandyq kásiporyndar birlese júzege asyrdy deýge bolady. Al, elektr energııasyn taratý qurylǵysyn qaıta jańǵyrtý bul stansanyń aldaǵy jyldary tutynýshylaryn elektr qýatymen kedergisiz qamtamasyz etýine úlken múmkindik beredi. Farıda BYQAI, «Egemen Qazaqstan». Pavlodar oblysy, Aqsý qalasy.