Tynyq muhıt tabany túsip ketti

Bul jaıt Amerıka turǵyndarynyń záresin alyp otyr Sońǵy jyldary áleýmettik jelilerde Amerıka qurlyǵynyń bir bóligin tasqyn sýdyń basyp qalatyny týraly qaýeset jeldeı esip tur. Alaıda, AQSh-tyń Ore­gon shtatynyń turǵyndary kesheden beri Tynyq muhıttyń óz jerimen shen­desip jatqan jaǵalaýynan sý qashyp bara jatqanyn aıtyp, jurtty taǵy dúrliktire bastady. Úreıge boı aldyrǵan kópshilik muhıt deńgeıiniń ádepki kúni – 14, kelesi kúni 96 santımetrge deıin túsip ketkenin jetkizdi. Osydan muhıt aıdynyndaǵy №46404 belgisi kórinip qalǵan. Mundaıdyń bolýy ábden múmkin, desedi ǵalymdar. Tek bul jaǵdaıda Hýan de Fýka men Sol­tústik Amerıka arasynda ornalasqan sý astyndaǵy ústirt kórinip qalýy kerek. Sol kezde muhıt aýmaǵynda jer silkinisi oryn alyp, asa qýatty sýnamı kóteriledi. Tap sondaı kórinis 1700 jyly bolǵan eken. Sonyń saldarynan Soltústik Amerıkanyń batys jaǵalaýynan kóptegen shaqyrymǵa deıin sý qashqan. Endeshe, jaǵalaý turǵyndarynyń úreıge boı aldyrýlary beker emes. Ras, jergilikti bılik sol boıda bu­dan qorqatyn eshteńe joq ekenin bildirip, jurttyń tolqýyn basýǵa áre­ket etti. Ol belginiń kórinip qalýy jó­nindegi alyp-qashty áńgimeni jýrna­lıster skrınshot arqyly daıyndap, oıdan shyǵaryp júrgen bosteki tir­likke jatqyza saldy. Al resmı organ­dar ázirge jumǵan aýyzdaryn ashar emes. Bul otqa maı quıa túskennen basqa esh­teńe ákele qoımady. Qazir jurttyń órekpigen kóńilin basyp, mazasyz halge uryndyrmaı turǵan bir ǵana nárse bar. Ol sońǵy birneshe kúnniń ishinde eshqandaı apatty ózgerister oryn alyp, Amerıkanyń soltústik-batys jaǵalaýy «jala­ńashtana» qoımaǵanyna, sondaı-aq, jaqyndap kele jatqan sý­namıdiń ekpini baıqalmaıtyna saıady. Jýrnalıster bılik tarapynan qoldaý tappaǵannan keıin jaǵdaıdy túsindirip berýdi suraǵan AQSh-tyń kórnekti seıs­molog-ǵalymy Djon Vıdal oqıǵaǵa my­nadaı baǵa berdi. Sý deńgeıiniń aı­tarlyqtaı túsip ketkeni qanshalyqty shyndyq bolǵanymen, asa bir qorqynysh ákeletindeı eshteńe de joq. Munyń býı-belgi elektronıkasy jumysyndaǵy ol­qylyq qana bolýy da yqtımal. Murat AITQOJA.