Azattyqty ańsaǵan Altaı batyr

Jýyrda S.Báıishev atyndaǵy Aqtóbe oblystyq ámbebap-ǵylymı kitaphanasynyń májilis zalynda Táýelsizdiktiń 25 jyldyǵyna jáne ólke tarıhynyń ózekti máselelerine arnalǵan «Azattyqty ańsaǵan Altaı batyr» atty ǵylymı-tanymdyq konferensııa ótti. Kesh qonaqtary «Tarıhtan taǵylym tanytqan tulǵa» atty kitap kórmesin tamashalady. Kórmege ólketaný bóliminiń kitaphanashysy R.Tabynbaeva bıblıografııalyq sholý jasap, avtomattandyrý bólimi­niń kitaphanashysy A.Trja­­no­va kó­rermen nazaryna Al­taı ba­tyrǵa arnalǵan foto-­slaıdty usyndy. Q.Jubanov atyndaǵy AО́MÝ-niń professory, ta­rıh ǵy­lym­darynyń doktory N.Abdol­laev óz baıandamasynda ólke­tanýshy ǵalym Berkin Qur­manbekovtiń tereń mazmundy, ǵylymı derektik jaǵynan óte kúrdeli «Altaı batyr» kitabynyń mańyzdylyǵyn aıta kelip, búgingi áńgime ar­qaýy Altaı batyrdyń ańyz-­áńgime emes, iri tarıhı tulǵa eke­nin, onyń talantty áskerı qol­basshy bolýymen qatar oıshyl, qara qyldy qaq jarǵan bı bolǵandyǵy týraly áńgimeledi. Baıǵanın aýdandyq ardagerler uıymynyń tóraǵasy, ólketanýshy I.Ermekbaev Altaı batyrdyń jerlengen jerin anyqtaý qajettigin aıtty. Baıandama barysynda Baıǵanın óńiri Terisaqqan ózeniniń boıyndaǵy «Altaı qorymynyń» foto-slaıdyn kópshilik nazaryna usyndy. Baıǵanın aýdandyq ólke­taný mýzeıiniń dırektory L.Jaýlına Altaı batyrdyń erlikke toly ómiri týraly aıta kelip, sóz sońynda Baıǵanın aýdanyndaǵy A.S.Pýshkın atyndaǵy mektepke Altaı batyrdyń esimin berse degen usynysyn jetkizdi. «Altaı» sovhozynyń burynǵy dırektory, eńbek ardageri B.Kemeshovtiń aıtýynsha, ataqty batyrlardyń qaza tapqan nemese jerlengen jeri sol batyrdyń esimimen atalady. Osyny eskersek, «Altaı qorymy» batyrdyń atymen tegin atalmasa kerek. Jıyrma jyldan beri sheshimin tappaı kelgen bul máselege bir núkte qoıyp, Táýelsizdiktiń 25 jyldyǵyna oraı kópshiliktiń pikirimen sanasa otyryp, batyrdyń jatqan jerine belgi ornatyp, halyq baratyn qasıetti oryn­ǵa aınaldyrý kerek-aq. Altaı batyrdyń urpaǵy, qajy, aýyl sharýashylyǵy ardageri S.Husaıynov, Aqtó­be oblystyq mádenıet, mura­­ǵat­tar jáne qujattama bas­qar­­masy basshysynyń min­detin atqarýshy Q.Ermuqan qazaqtyń azattyǵy úshin basyn oqqa baılaǵan batyrlardyń esimin jańǵyrtyp, ulyqtaý búgingi tańda «Máńgilik El» ulttyq ıdeıasyn ustanǵan elimiz úshin úlken mańyzdy is-shara ekendigine toqtaldy. Qazaqstannyń Mádenıet qaırat­keri, QHA «Birlik» aqsaqal­dar keńe­­siniń tóraǵasy E.Qur­man­bek qazaq tarıh­shy­lary­nyń ishinde jármeń­keler tarıhyn alǵashqy bo­lyp jazǵan Berkin Qurman­bekovtiń ólke tarıhyna qatysty sonyń ishinde tarıhı tulǵalarǵa arnalǵan eńbekterin aıryqsha atap ótti. Sondaı kólemdi eńbeginiń biri «Altaı batyr» kitaby oqyrmandardy patrıo­tızmge baýlý, óz ólkesiniń tarıhyn taný jolynda taptyrmas qural bolaryn aıta kelip, konferensııaǵa atsalysqan baıandamashylar men qatysýshylarǵa alǵys aıtyp, jyly lebizin bildirdi.  Balagúl BAKIEVA, S.Báıishev atyndaǵy Aqtóbe oblystyq ámbebap-ǵylymı kitaphanasynyń ólketaný bóliminiń meńgerýshisi. AQTО́BE.